Ka Lei Momi, Volume I, Number 9, 2 ʻOkakopa 1893 — Ko Makou mau Moolelo [ARTICLE]

Ko Makou mau Moolelo

Eia makou ke aumeume nei me ka nupepa hou loa "Aloha Aina" i ka moolelo o Lauomidihae iloko o keia manawa, oiai no nae ua kaa mua ia makou ka hoopuka ana i kela moolelo ohohia nui ia, eia nae ke hoao nei ke "Aloha Aina" e kailiku ae mai ia makou aku. He wahi hana kupaianaha a kamahao loa keia i hanaia o kona Lunahooponopono. Ua like keia hana a ke Aloha Aina me na hana i lawelaweia e kekahi mau nupepa iloko o na makahiki aenei i hala, oia hoi ka Paeaina ame ka Elele. He manao paha ko ka Lunahooponopono o ke Aloha Aina e hookelakela mai ia makou no kela moolelo. Eia nae ka mea knpaianaha lea ke aihemu nei i ka mea i hoopukaia mai ko makou mau helu mua mai, aole e hiki ke hoole mai. Nolaila, eia mai no Ka Lei Momi ke oili aku la me ka moolelo o Lauomibihae, a pela pu no hoi me ka moolelo o Mono Tikero, ka hololio i ka wa hooilo. Aole hoi oia wale, aka ua hoonuanua hou mai makou i na kolamu o ka kakou milimili me ka moolelo o ka huakai kaahele o Kauka Talamage i ka Aina Hoano. A malia o uilani hou ae ka manao o ka lunahooponopono o ke Aloha Aina no ke kaili ana aku i kela mau moolelo mai ia makou aku, alaila, aia ke lapuu la iloko ona ka manao maikai ole no ka makou hana e lawelawe nei. Ua like keia mau hana me ke koi maoli ana mai ia makou e hookelakela aku me lakou, a oiai he elua wale no maua o alo ae nei iloko o keia mau la, a i kolu i ko maua hoa o ka hoomanawanui pu ana i keia oihana pookela, nolaila ke kanalua ole nei makou i ka hoike aku—haele like aku kakou imua, oiai he poe wale no kakou ua lehia ma keia hana a ua like me ke aniani imua o ko kakou mau maka. Heaha ka puana a ka moe ?