Ka Lei Momi, Volume I, Number 8, 25 Kepakemapa 1893 — Page 4

Ka Lei Momi.

KUPAIANAIIA.

            Ma ka La Kuokoa a ka Poaha nei, ua puka mai la he manao i kakau ia e ka lunahooponopono malalo e ke poe “Mai hoolohe i na apuhi a ka Leo,” a o ia manao nao ua hoihoi ia malalo o ko poo o na palapala.

            Ua kahaha makou i keia manao o ka hana ia ana peia no ka mea, o ua manao i kakau ia e na lunahooponopono ma ke ano he manao no ka pepa, aole loa e hana ia e like ae la me keia a makou i ike ai ma ua nupepa Kuokoa la, he akahi wale ae lunahooponopono o ke Kuokoa la o ka noho ana ma keia hana.  Ahu kupanaha no hoi a ka la i Mana i keia lunapoonopono.  

            He opiopio makou eia nae ua hiki ia makou ke ike i ke ane o ka hookomo ana i na manao ma kahi i kupono aole e like me ka lunahooponopono hawawa o ke Kuokoa e hoohenehene nei ia makou.  Mai hoao hou mai oe e pane ia makou, no ka mea oia makou ke nana aku nei ia oe ma ke ano he kanaka makua, eia nae he ole iho la ke kanaka makua he kamalii ke ano, i oi aku mamua o ko makou mau keiki hoonoho hua, he poe keiki opiopio loa hoi i hiki ke hoomaopopo i ke ano ka hana.

            O ka ike iho la paha ia o ka noke ana mai i ka painuu he kanaka makua ma ka hana a he hawawa nae ma ka lawelawe ana.

            Nolaila, mai noho a kamailio hou, o pa auanei ke lae i ka pohaku a ke kanaka, a loaa ko ma’i he nalulu e waiho malie ai ma kahi moe no ka manawa pau ole.

 

HE HANA PONO OLE.

Mr Lunahooponopono,

            Mamuli o na lohe maopopo loa ke manao nei kekahi poe e hoemi hope i ka hooholo mua ana i na hana hooonaauao iwaena o keia lahui, mamuli o ke kii ana pe nei e hoolimalima i ka papa-pai a ka Ekalesia Roma ma o ka Bihopa la, oiai no nae ua mau lako la e paa ana malalo o kekahi opio Hawaii.

            Nolaila au i manao ai he hana pono ole kela i ko’u manao ponoi a pela pu no paha ka manao o kekahi poe no keia hana.  A ma kou ninau pono ana i na mea o keia ano, ua hai ia mai au penei.  Ua haawi ia mai na mea paahana pai palapala no na Keiki o Ka Lei Momi, a oiai he mau keiki Hawaii lakou e hapai ana i ka hana i mahalo nui ia iwaena o na Aina naauao a puu ke ao nei, a ma ia ano ua haawi ia na hoomaikai a nui i keia mau keiki oiwi o ka aina, Nolaila, o ke kii ana ae pei a keia poe.  Hawaii e like me keia mau keiki a kaili ae i mea hana e pono ai ka lakou hana a e loaa ai ka lakou ola malaila, he manao pono anei ia?

A ma kou manao o keia kekahi hana hewa loa i ike ia mawaena o na Hawaii.

O ka kakou hana pono o kokua kakou ia kakou iho kekahi me kekahi, pela i ike ia ai iwaena o na lahui like ole e noho pu noi me kakou ke kokua aelo o na hana i like me keia.

            He nui wale na kumu e hiki ole ai keia lahui ke holo imua ma’o ka manao lili, akiaki, niania, holoholoolelo, a pela wale aku.

            Ma keia ano ke minamina nei ko’u uhane i na hana aloha ole iwaena o na hawaii i ka malama i na mano pono ole, a he mea pono e kapae ioa ia mau haawina.

            Me ke aloha.

            AKE HOLOMUA.

            Honolulu, Sept. 1893.

 

            O na pahu hoopii iluna o na hale ka mea hana nui ia ma Parisa i ke keneturia 17, a ua kapaia na “noho lele.”

 

Kuu Ipo Pua Lalana.

Nani wale kuu Ipo Pua Lalana

Onaona i ka poli o kuu aloha

Me he mea la a e i mai ana

Ke ala iho ia pili ia iho

I lai i pono iho ka nohona

E inu i ka wai a Kanaloa

Aohe ou loa la e ke kaona

Ke koii-koi a ko makemake

Ilaila ke aloha pili me oe

Ua sila paa ia i ka puuwai

Nawai e ole lia i ka nani

I ka hana kaulana a na kupuna

Kiina ko lei pua Miu-lana

A loaa i ka lai o Kaakopua

E walea e nanea ana i ka olu

I ke kaomi ia e ke ala.

Akahi a lana mai ka manao

E noho kapena no ia pua

            Puana aku au o mai oe

            Elima no pua lawa kuu lei

            “Lilia o na Awawa”

 

PUA HE-I

1.         Pau ole ko’u hoohihi

            I ka pua o ka He-i

            Ke i nei no loko

            E anoi au ilaila

            Ilaila no maua

            Pua kakiele

            Wai mukiki a ka manu

            I ka liko o ka lehua.

Hui

Akahi hoi au a ike

I ka hana a ke kehau

Kolonahe i ke ahiahi

Huihui o ka po lai

O ka hui koni ne keia

A’u e ike nei

Aole no mea like

Me Polipumehana.

2.         Pau ole ko’u hoohihi

            I ka pua o ka Ilima

            I mohala i ke awakea

            I luhei i ke ahiahi

            Ua ahi mai nei loko

            Ke aloha hoiuainau

            E ua no oe o ka Ua

            Ua kaui ahe a ke kiu

 

TELEPONE 92                       PAHU LETA HELU 1-15

H.E. McINTYRE and BRO

MAKINIKAEA ME HOAHANAU.

He mau Mea Hoolako mai a Kuai aku i na

Mea Ai a me na Ai Holoholona o na anoa pau.

E loaa mau mai ana na Mea ai o Kaleponi ma na mokuahi a pau.

 

E hooko pono ia no ua kauoha a pau a e lawe ia aku na Lake i na wahi a pau o ke kulanakauhale nei me ka auhau ole.

Makemake ia na kauoha o na Mokupuni.

E HOOIA NO NA MEA A PAU—Kihi Hikina o na Alanui Pau me Mo.

sept. 12—tfd

 

HALEKUAILAKOHALE

ROBIKANA HALE.

ALANUI HOTELE, MAWAENA O NA ALANUI PAPU ME NUUANU.

Ua weheia a ke kuai nei, a e loaa no na ano lakohale o na ano a pau e like me keia,

NA PONO RUMI MOE OKA!

I Kinohinohiia;

NA PAKAUKAU HOONANI, PAHU-UME KU, NA PAKAUKAU UWAI-I-KA-LOA, ETC.

Eia hou, o kela a me keia ano maikai loa o na

LAKOHALE I-E A ME OHE!

 

HANA PELA!

Na Pela Maikai Loa Uwea, Lauoho Huluhipa, Mauu a me Lumo, Hulu o na Manu Koloa Ola a me na Hulu Kilika no na Uluna.  Ke konoia aku nei ko oukou lunaikehala e makaleho ae i na ano hou.

Na Pela Uwea Holuholu?

            Maikai loa a emi no hoi ke kumukuai i laweia mai i keia aina.  Na Koki a me Koki Moe, ma na kumukuai o Kapalakiko.  Na KAA BEBE o kela a me keia ano.  Moe Bebe, Moe Bebe lewa, a me na Noho Bebe kiekie.  Na Pou lalau a me Pou i kinohi nohiia me ke keleawe.  Ua makaukau maua no ka hoomoe ana o na Moena Pake a me ke kinohinohi ia loko o ka hale; na lakohale me na Pela e hiki ke pahonohono homa e na paahana helu ekahi; hana lakohalo hou.  E hoao mai ia maua.  Ka haahaa ona haahaa o ke kumukuai.

ORDWAY & PORTER,

            Robikana Hale

TELEPONE—Bell, 525.        Mutual, 645.    [sept 12-tfd]