Ka Lei Momi, Volume I, Number 66, 7 Kepakemapa 1893 — Page 1
| This text was transcribed by: | Kawena Komeiji |
| This work is dedicated to: | Chun 'Ohana |
KA LEI MOMI.
BUKE I. HONOLULU, OAHU, SEPATEMABA 7, 1893. HELU 66.
NUPEPA PUKA LA
KA LEI MOMI
W.H. KAPU,
Luna Nui a Lunahooponopono.
Ma Honolulu kona wahi noho.
-----
UKU PEPA:
No ka Makahiki.....$10.00
No ka Mahina.....1.00
No ka Pule......25
No ke Kope Hookahi.....10
KUIKE KA RULA.
-----
E hoopuka mau ia ana i kela a me keia la, koe ke Sabati.
O na hooponopono dala a me na kauoha ana, aia wale no me ka Luna Nui.
Aia wale no me ka Luna Nui a Lunahooponopono na kuka ana no na mea e pili ana i ka uku o na olelo hoolaha, na kanikau, na mele inoa, a pela aku. Aole loa e hoopukaia kekahi o keia mau mea ke hookaa mua ole ia mai ka uku.
O na poe a pau e makemake ana e lawe i ka NUPEPA KA LEI MOMI e hookaa mua ia mai ka uku, ina ma ka Pule a ma ka Mahina paha, Aole hoaie.
E hoopukaia aku no na manao o na makamaka ma keia Nupepa i ku i ke ano hoonaauao mai a me na mea hou o kela a me keia ano, koe na hoopaapaa pilikino ano ole. E hoouna mai i na manao i ka Lunahooponopono.
KEENA HANA: Ma kahi noho (no ka manawa), Alanui Kula.
HE MOOLELO KAAO
NO
MONE TIKERO
- KA -
HOLOLIO I KA WA HOOILO
- KA -
UI MAALO I KE KUPULAU.
A O KE
KEIKIALII HARE MATINE
- KE -
KIAHA OPAKA O NINEWA.
-----
MOKUNA VI.
-----
Ka Ui Maalo i ke Kupulau - Ke Kakele Pahikaua Akamai - Ka Makena a ka Pua Lilia o Zubieda.
-----
I ka hoea ana mai o ua la nui la o ke aupuni o Samanadaia, ua piha kuineki ae la ke kahua halau nui i hoomakaukau ia, a ke nana aku oe, -
Kauluwela lua ke kula o Mailehuna,
Ka uwe a ke kini o ke Koolau.
Ma keia la nui i kuahaua ia ai na mea a pau, he la piha kanaka maoli keia i ike ola ia ma na la mamua ae, me he nalo meli la ka pipili i ka punana, oiai ua hiki kino mai na poe kiekie iluna loa a hiki i ka poe haahaa loa.
Ua hele no hoi a aohe wahi i koe o ua halau nui loa. E kuku aku ana kekahi poe mawaho aku o nana aku ai, a aia hoi na kanaka koa a pau iloko o ka hale lole i hookaawale ia no lakou ke hiki ae.
O na kanaka koa hoi no lakou @ ulia o @ nei, eia no lakou iloko o ka @ i kahi i @ ai, a ke kali @ kou a hiki i ka manawa e haalele ai ka pua lilia o Zubieda me kona makuakane i ka halealii.
Mahope iho o ko lakou haalele ana iho i ka halealii, aia ka @ Mozunadine ma kona makuakane maluna o ke kaa, a o ka hololio keokeo me kona mau hoa aia lakou me na lio mahope o ke kaa e ukali aku ana.
A i ko lakou kaalo ana ae ma ka aoao o ka hale ahaaina, ua huro mai la ka lehulehu a pau e kuku mai ana, a e haawi ana hoi na koa i ke aloha me na pu imua o ke kaikamahine alii a me kona mau ukali.
Aia nae iwaena o ka poe e kuku ana e nana i ke kaa o ka ui Mozunadine kekahi mea nona na helehelena i hele a haikea me kona puuwai i piha me ka inaina, a no kona hiki ole ke hoomanawanui hou aku, no ia mea i haalele iho ai oia i kahi ana e ku ana a hoi aku la no kona hale lole:
E hoomanao e na makamaka heluhelu o keia kanaka nona na helehelena ano e i hoi aku la no kona halelole, o ke keiki alii Hale Matine no ia, ka mea nona ka puuwai i piha i ka makahehi no ka nani o na helehelena o ka pua lilia o Zubieda.
I kona wa i ike ai i kona enemi e hele ana mahope o ke kaa o ke kaikamahine alii, ua pii koke ae la ko kiaha o kona inaina wela a haale iwaho oia no oe oe i ka ipuhao waiwela ka hele a ku-kuku ka mahu e ka huhu, a me ia ukana nui e nuhele ana iloko o kona puuwai, ua hoopuka ae la oia he mau huaolelo ku i ka hoonaukiuki no ua keiki nei o ke kaa o ka lio keokeo.
Aia hoi iloko ona kela manao kahiko kahi i waiho lolii malie ai, me he puu maihehe la ka oni hele iloko o kona umauma, @ ane e paahu ae a nahaha liilii kona puuwai, ua piha pu oia i ka lili no kela @ ohia a ka pua lilia o Kubieda @ mai ua keiki la. Nolaila aole oia i makemake iki i ka mea ana i aloha ai e hele pu me kela aeahaukae o na ululaau.
Ua manao maoli no ua Haro nei he aloha io ko ua ui nei o Sunanadala iaia, aka, aole nae pela i ka manao o ka pua Sadinia, ua kuhihewa loa ia kona noonoo ana ia mea, a no ia mea ua holo iho la keia wahi lalani hooheno a ka poe haku mele -
"He kikina oe no Kekau,
Ua hala kou laki mahope
A hiki i ka hali ipukukui
Paul loa e ka pono a kahi Kakina."
Ina paha e loaa iaia kela kiaha o Ninewa, ina ua kala kahiko oia i lei ai i ka pua lilia o Kubieda, aole nae i loaa iaia, noalaila, ua nele oia i ka lei ana i ua pua la, a na ka mea ana i enemi iho a makawelawela loa ai, nana aua nei e lei a e e milimili i ka nani o Aipo, ka mea a ka lehulehu e iini nui nei o ke kikoni pua lihi aku i ka piko o Haleakala.
"Akaka wale no nae nae mea hana,
Ka uwe a ke kini o ke Koolau."
A i ka wa o na mea a pau i akoakoa ai ma ka aoao o ka papaaina i hele a piha i na mea ai aia ka ui maalo i ka wa kupulau ke noho la ma ka aoao hema o ka pua lilia o Kubieda, a pela pu no hoi me Igeboseda a me kona mau hoa.
E hoomanawai mai e na makamaka heluhelu e hookuu malia aku kakou i ka lehulehu e hoonuu malie i ka ono o ke pakaukau i hoomakaukau ia, a e kali kakou a oili hou aku.
-----
Ua hoopau ia aku o Sam. Kanaana mai ka noho Luna Pepa ana no KA LEI MOMI, a ma keia mua aku, aole ona kuleana i koe ma ka nupepa. E hoolohe i keia o poino auanei.