Ka Lei Momi, Volume I, Number 4, 28 ʻAukake 1893 — Page 8

KA LEO O KA LAHUI.

"E Mau ke Ea o ka Aina i ka Pono."

 

3                              HONOLULU, OAHU, POAKAHI, AUGATE 28, 1893.                              .

 

Na Aneai oka Panalaau.

     E oluolu oe haawi mai i ke kauwahi kaawale o kau hiwa hiwa no na wahi huaolelo e kau @ la maluna, i ike mau ai na mea hou o ka aina i kau ia ka weli e na lahui like oe o ke ao nei, a me kona kulana i keia mau la.

KULANA O KA AINA

     He maikai ke kulana o na aina nei i keia mau la, aohe hoi he ua aole pu hoi ka makani a me ke kai-koo, elike hoi me na la i hala ae nei, ka hana mau a ka ino, aka, iloko o keia mau la he keu aku a ka malie, oluolu maikai makou e noho nei.

 

KE KULANA O NA MA'I

     O ke kulana o na ma'i ma keia aina oia kekahi mea kupaianaha loa, a penei e maopopoa i ia kaua.

     Ina o kekahi poe i hele a kau maha na helehelena i keia ma'i, a ina hoi he poe ano mama o na helehelena, a lawe ia mai no keia aina, e ike auanei oe i ke pii ino o ko lakou ma'i.

     O kekahi poe ma keia aina aole he manamana lima, oia hoi ka poe i kapaia he "pulua" a o kekahi poe hoi aohe o lakou manamana wawae, o ke kano wale no, o kekahi poe hoi aohe ike ia aku o na helehelena o ka ma'i maluna o lakou.

 

KA PONO UAI O KA LEHULEHU

     O keia mea o ka wai, oia kekahi mea pilikia loa maanei, oiai ma kekahi wahi e loaa ana ka wai, ma kekahi wahi hoi, ua nele i ka wai mai ka hora 8 o ke kakahiaka a hiki i ka hora 4 o ke ahiahi.  Ma kekahi wahi, aole he loaa o ka wai a po ka la; aka, ua palekana nae lakou mamuli o kekahi mau rula hooponopono i ka Oihana wai i hoolaha ia, e kaupalena ana i ka wa hookahekahe wai no na mea kanu a mea e ae paha, mai ka hora 4 pm. a ka hora 6 am, pela i palekana ai ka poe makapehu wai.

 

KA LAPAAU.

     O kekahi mea keia a kekahi poe e ake nui nei, oia hoi ka poe i hilinai i ka laau a Kauka Goto.

     Eia he 30 poe ma'i e lapaau ia nei e Kauka Goto ma Goto's Hospital, malalo o ka noho luna ia au e Mr. J. N. Travis-

     Ua ike au ma kekahi kolamu o kau Lei i kekahi mau mea e pili ana i na rula i hoolaha ia e ka Papa Ola e olelo ana na ka Luna Nui Wale no i kakau i kela Rula a hoouna aku nei i ka Papa Ola e apono mai.  He ike ole paha i ke poo e olelo ana, "He Kanawai Kahiko i Hooponopono ia he mau makahiki loihi i hala."

     Nolaila, ke noi aku nei au ia L. K. Makai e nana ma ke poo, mai hoolohe i na olelo ana ole. 

     No na mea e pili ana i ka hopu ole ia o ka poe inu uala.  Eia hoi ka'u, ua iuu kahi poe i ka uala me ka maluhia aole he hoohaunaeae e hiki ai ke hopu aku.

     Ua lawa paha kaua a no kahi wa aku hui hou kaua ma ke aiai o ke kanaka.  Eia no o A. K. Hutchson ke noho poo nei no ka Panalaau.  Eia ke hana ia nei ka hale o ka mea nana e malama ka halekuai hou malalo o ka noho poo ana a B. Reid.  Me oe ko'u welina, a i na keiki oniu hua metala ko'u aloha.

                                                GEO. KELIIMIHIHOPELOA.

                                                Kalaupapa, Augate 24, 1893.

 

KAUKA LOEA O KA AINA PUA.

     Ua biki ke hoola ia kela a me keia ano mai, mai ko na wahine a me ko na kane a me ko na keiki liilii.  Ua hiki ke hoola ia na ma'i Hano, nama'i a pau o ke akemama a me koloko o ka naau a pau.  Na ma'i wahine o kela a me keia.  Na ma'i Lele, oia ka Hebera ke Koleia, Fiva Lenalena, a Lepera, a me kekahi mau ma'i e ae he nui wale.  Ua hiki no hoi ke lawelawe ma na lapaau oki ana i na palapu o kela a me keia.  O na ma'i koko ino a pau ua hiki loa ke hoola ia me ka auhau haahaa loa.

     E kipa nui ae e na makamaka, ka poe hoi i loohia me na ehaeha a ka ma'i a e loaa no au ia oukou me ka hauoli e kokua aku i na mea a pau a me kahi auhau mama loa.

     O na pilikia a pau e pili aa i kai hanau keiki, ua hiki loa ia'u ke haaia aku i ka laau e hoohemo ai i ke ke k me ka hikiwawe no ke kokoke ana ka wa e eha ana i ka hanau.  Ina e hemo ke keiki e inu hou i ka laau hoomaikai i ka wahine hanau keiki me ka hoolhoe loa i na rula a pau.

                                                YONG KAM PUNG.

                                                8-2m

 

HALEPAI

KA LEI MOMI

 

KAULUWELA                    HONOLULU

W. H. KAPU. Luna Nui.

TELEPONA HELE                    HELU 527

 

Ua makaukau makou e lawelawe i na hana e pili ana i ka makou oihana, e laa na

PALAPALA KONO PAPAKUHIKUHI

NA PALAPALA HOOKAA O NA ANO A PAU

A pela aku, a pela aku, a pela aku.

Keena hana me kahi noho.  Alanui Kula