Ka Lei Momi, Volume I, Number 49, 18 August 1893 — Page 1

KA LEO O KA LAHUI.

"E Mau ke Ea o ka Aina i ka Pono."

 

KA  LEI  MOMI

 

BUKE I.           HONOLULU, OAHU, AUGATE  18  1893.           HELU 49

 

NUPEPA PUKA LA

KA LEI MOMI

W. H. KAPU.

Luna Nui a Lunahooponopono.

Ma Honolulu koua wahi noho.

 

 

UKU PEPA:

No ka Makahiki . . . . . . . . . . . . . . . $10  00

No ka Mahina. . . . . . . . . . . . . . . . .     1  00

No ka Pule . .  . . . . . . . . . . . . . . . . .        25

No ke Kope Hookahi . . . . . . . . . . .        10

KEIKE KA RULA.

 

  E hoopuka mau ia ana i kela a me keia la, kou ke Sabati.

  O na hooponopono dala a me na kauoha aupepa ana, aia wale no me ka Lama Nui..

  Aia wale no me ka Luna Nui a Lunahooponopono na kuka ana no na mea e pili ana i ka uku o na olelo hoolaha, na kanikau, na mele inoa, a pela aku. Aole loa e hoopukaia kekahi o keia mau mea ke hookaa mua ole ia mai ka uku.

  O na poe a pau e makemake ana e lawe i ka Nupepa KA LEI MOMI e hookaa mua ia mai ka uku, ina ma ka Pule a ma ka Mahina paha. Aole hoaie.

  E hoopukaia aku no na manao o na makamaka ma keia Nupepa i ku i ke ano hoonaauae mai a me na mea hou o kela a me keia ano, koe na hoopaapaa pilikino ano ole. E hoouna mai i ua manao i ka Lunahooponopono.

  KEENA HANA: ma kahi noho (no ka manawa). Alanui Kala.

 

HE MOOLELO KAAO

NO

MONE  TIKERO

----KA----

HOLOLIO I KA WA HOOILO

----KA----

UI MAALO I KE KUPULAU.

A O KE

KEIKIALII  HARE  MATINE

----KE----

KIAHA OPAKA O NINEWA

 

MOKUNA V.

 

    Ka Hololio Keokeo me kona mau hua--Hure Matine ke Koa--Ka Paio Hahana ma na hora o ke aumoe--Ka Moiwahine me Mozunadime--Ka Mea Huna i ike ole ia.

  "E hole ana ka oukou'i hea?" wahi hou a ka ninau.

  "Mai ninau hou mai," wahi a ka hololio i ka wa hooilo.

  Iloko olu manawa i hoopuni ae ai ua poe kamahele nei i na kaoaoa o na kuahiwi a hooili iho la i kokuhi paio hahana, a i kela wa i lelo ao ai na huna ahi mai ka maka ae o ka lakou mau pahikaua, a ko nana aku ia lakou i ua po la, aohe pahuna hala a ka Makuakele.

  Ke kuupau la ke keiki malihini i kona ikaika kakapahi imua o ka hololio o ka ua hooilo, a o ke kanaka poohina hoi aia oia ke hookuo la i kana pahikaua ma luna o kona mau @nemi, a he ku i ka weliweli ke ike i kana hahau ana i kana pahikaua. A o na hoku o imoimo mai ana iloko o na ao o ka lewa na hoike no koia hana a keia poo. O ka haluku nao o n@ kapuai o ko lakou mau lio ke lohe ia ana e na mea a pau.

  "E paa iho i kou lio o haule auanoi," wahi a ka hololio i ka wa hooilo i pane aku ai imua o kona hoa paio, a lele aku la kona papale i kahi e. A ahu wale ae kona mau helehelena imua o ka ui hololio.

  Pii ne la ka ena o ua kanaka nei a hahau ino mai la i kana pahikaua imua o ka hololio k@okeo a ia manawa pu no i pale ae ai ua ui la i kana hauna pahi lokoino a pane aku la:

  "E malama ia oe e Hare Matane mei ka pahikaua aku a Mone Tikero ke akua lapu o  ka po."

  Hoolele mai la ua opio la'i kona lio imua a hookui mai la me ka lio o Hare Matine, a pahu mai la ma ka poaeue e Hare me ka manao o ua hololio la eia kana kiina e haule ai o Hare mailuna aku o kona lio, aka, me ka eleu o Hare i pale ae ai a hala aku la ia kiina palauehe a Mone Tikero.

  Me ka eleu o Hare Matine i hoolele ae ai i kona lio ma ka aoao akau a hoomoe aku la i kana pahikaua maluna o ke poo o Mone Tikera, a mamua o ka iho ana iho o kana pahikaua maluna o ke poo o Mone Tikero, ua lole ae la ka pahikaua a Hare i kahi e me ka mahele pu ia iloko o na apana elua. Na ia mea i hoopii ao i ka inaina iloko o Hare a unuhi awiwi ae la oia i kana iho a pololei aku la i ka puuwai o Mone Tikero, a ina he hawawa i ka paio ana me ka laau ihe ina ua lele mailuna aku o ka lio, aka, no ka nui o ka elou a me ka piha akamai, na pale ia ae la ka pahuna ihe a Hare me ka hikiwawe a lilo mai la ua ihe la ia Mone Tikero, a no ia mea i pano aku ai ua hololio la i ka wa hooilo,--

  "E Hare Matine, he pio ou na'u i keia wa, a e ae hou mai ana no anei oe e paio hou mai me a'u?"

  "Owai oe e keia aeahaukae o ka poi? O oe anei ia e kuu enemi?" wahi a Hare i pane mai ai.

  "Owau ka mea au o kapa mau nei ho akua lapu o ka po."

  I kela i kauoha ae ai o Hare Matino i kana kauwa e lawe mai i pahikaua nana. Haawi ia mai la i pahikaua iaia a huli ae la oia a paio hou me ka holoho keokeo a pu-ko hou ao la ka laua mau, e lelo ana na lio imua a ihope, a i ka hope loa o ka laua paio ana i kapoo aku ai ka maka o ka pahikaua a Mono Tikeero ma ka umauma o Hare, a ua ia mea hookulana aku iaia a walawala aku la mahopoe o kona lio.

  A me ka awiwi o Mone Tikero i lel@ iho ai halo o kona lio a h@ lo mai la e nana i kona hoa pai@ ina pale@ na make loa. Iala o haha ana ike iho la oia e hanu ana no, a ua pau @me ka ike a me ka i@he. No ia mea i kaheo iho ai oia, "E Hare, ua oha ai ei oe

  Aole he @eo i pane ae i kela wa no ia mea i puhi ae ai oia i kana ole e kahea ana i kona mau hoa e hooki i ka hakaka ana, a ike aku la oia i na k@uwa a ke keikialii e holo mai ana no kahi ana e kulou nei.

  Nolaila, unuhi ae la oia i kana pahikaua a ku makaukau iho la oia no ka pale ana iaia iho, aka nae, aole oia i hoopoino ia mai.

  Ua holo mai la na kauwa a hapai ae la i ke keikialii, a ia manawa i pohala ae ai oia a pane ae la,--Auhea la kuu pahikaua a me kuu lio. O, e kela ilio kawau e malama ia oe iho," a kauoha ae la i kona mau kanaka e hopu i ka hololio keokeo, ako, aole ua keiki la ma ia wahi ana e ku ana ua kau e la oia ma kona lio a o ka manawa no hoi ia i hoea mai ai kona mau hoa a hoopuni ae la iaia.

                                 Aole i pau.

 

NA LUNA LAWE PEPA

 

  Malalo iho e ike ai ko makou poe holuholu i na luna a makou i hookohu aku ai no ka lawe ana i ka makou pepa, a ia lakou wale no e loaa ai ka pepa i na poe e makemake mai ana, a i ole ai ma ke Keena nei no hoi.

C. B. Meneso           D. Kuhaleluhi

Samuel Kapua        Sam Kaanauna

                  S. K. Keawe.

  Aole i pili keia i na luna mawaho aku o ke kulanakauhale nei.

 

  Ua hookohuia o Mr. Kanuha kekahi o na keiki Hawaii i ao i ka oihana humu lole ma Piledelepia, i kumu no ke kula Kamehameha ma ka oihana Tela lole. Ke mahalo nei makou i ka loaa ana o keia kulana i kela opio Hawaii.

  O "Sweet Maria" kau o ka Holomua o Kipahulu, a o ka na keiki koi. o KA LEI MOMI o "Sweet Makalapua" e hooulumahiehie ana i ka puuwai o ke hea m@ ke Telepona.