Ka Lei Momi, Volume I, Number 47, 16 August 1893 — Page 1
This text was transcribed by: | Fifi Fontainebleau |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
KA LEI MOMI
BUKE 1. HONOLULU, OAHU, AUGATE 16, 1893. HELU 47
NUPEPA PUKA LA
KA LEI MOMI
W H. KAPU,
Luna Nui Lanahooponopono.
Ma Honolulu kona wahi noho.
UKU PEPA:
No ka Makahiki $10 00
No ka Mahine 1 00
No ka Pule 25
o ke Kope Hookahi 10
KUKE KA RULA.
E hoopuka mau ia ana i kela a me keia la, koe ke Sabati.
O na hooponopono dala ana, aia wale no me ka Luna Nui.
Aia wale no me ka Luna Nui a Lunahooponopono na kuka ana no na mea e pili ana i ka aku o na olelo hoolaha, na kanikau, ne mele inoa, a pela aku. Aole loa e hoopukaia kekahi o keia mau mea ke hookaa mua ole ia mai ka uku.
O na poe a pau e makemake ana e lawe i ka Nupepa KA LEI MOMI e hookaa mua ia mai ka uku, ina ma ka Pule a ma ka Mahina paha. Aole hoaie.
E hoopukaia aku no na manao o na makamaka ma keia Nupepa i ku i ke ano hoonaanao mai a me na mea hou o kela a me keia ano, koe na hoopaapaa pikikino ano ole. E hoouna mai i na manao i ka Lunahooponopono.
KEENA HANA : Ma kahi noho (no ka manawa), Alanui Kula
HE MOOLELEO KAAO
NO
MONE TIKERO
---KA---
HOLOLIO I KA WA HOOILO
---KA---
UI MAALO I KE KUPULAU
A O KE
KEIKIALII HARE MATINE
---KE---
KIAHA OPAKA O NINEWA
MOKUNA IV.
Ka kupua Taginadora no kona home---Ke Kiaha Opaka o Ninewa, aohe lua---Ka aha kanaka nui o peresia---Ke kakele pahikaua akamai
Na ka naui o ua heloheluna o ka ui hololio i k awa hooilo i kono aku i ka pua lilia o Zubieda e ku ae iluua a e kilohi aku hoi i ka uaui o ua mea hololio la. O ke kilakiia iho no hi kekahi o ko kulana o na keiki la. okipau loa ai ka makahehi o Moz@uadime.
I ka lehulehu e noho ana me ka naua hoomau ana aku i na hololio la, ia wa i ike ia iho ai ka pio ana iho o na ihoiho kukui e kau ana ma kona mau poohiwi a ike ia aku la kona wehe ana ae i kekahi puoio e waiho ana mamua o ka makuu o kona noho lio a paa ae la ma kona lima hema, a oia nohoi ka manawa i kui iho ai ka hekili me ka ikaika a olapa mai la ka uwila, ke pii ae la hoi na ao omamalu o hoi ae i @ lewa nuu a e pa kolonaha mai ana hoi ka makahi huihui o k aheoilo maloko mai o ka ululaau, a o na kinohinohi naui o ua mea la a ua opio nei e paa ana aia ke anapa olinolino la iloko o ia pa, a ke haka pono la ka lehulehu maluna ona me ka eehia.
Unuhi ae la oia i kana pahikaua a paa ao la ma kona akau a hooholo malie aku la i kona lio keokeo ua ke kula mau uliuli e waiho mai ana imua ona, a me he mea la e kono aku ana i kekahi poe o keia anaina kanaha e hele ae iluna o ua kula ni@ua la e pauni pu ai me ia, a oia no hoi ka manawa o ka Moiwahine Tumerenia i ke ae ai iluna a pane ae la,---
"Nana keia hua ohia i haawi mai ia'u."
Alaiia noho hamau iho la oia no kekahi mau minute a pane hou ae la:
"Ina he alii kela no kekahi aupuni, alaila ke manao nei au ua kupono loa ia nau e ka pua liiia o Zubieda. Oiai ka nana o kona mau helehelena ua like me ka pala o keia hua ohia olu e paa nei."
I kela manawa i menoaka iho ai o Mozunadime a pane aku Ia imua o ka Moiwahine me ka leho maopopo ia e na mea a pau e nonoho ana:
"Na kela hololio i ka wa hooilo e honi mua i ka pua lilia o ka malapua o Zubieda, a nana o makaikai i ua pua h@mehao la la a ko ka honua nei i make hehi nui ai," a akaaka ae la ua kaikamahine la a pane hou ae la.
"E hele mai o ka ui hololio i ka wa hooilo maanei i hoohoni aku ai au i ka pua lilia o Subieda ia."
A akaaka ae la ua kaikamahine la me ka palulu ana ao i kona huinaka a pela pu me na mea a pau.
I ka hololio keokeo i ku iho ai maluna o ua kula mauu la, ua ike ia aku la ka oiliili ana mai o kekahi poe kanaka mai loko mai o ka ululaau a holo poai puki ae la i ka ui opio, me ka poai puki ae la i ka ui opio, me ka unu@i like ana ae i ka lakou mau pahikaua a ku iho la ma kahi he elua kapuai ka mamao mai ka opio aku.
Ua aahu ia lakou me na kapa lolua i haukue i ke koko bipi, a ke nana aku ia lakou me he poe kanaka ahiu la no loko o na kuahiwi o Basana.
He mau laau ihe ma na lima hema o lakou, a o ka lakou mau pahikaua aia ma ko lakou mau lima akau kahi i paa ai.
Aole i pau.
E ke Kiai, Heaha ko ka @
He pe no ka po, a e holo an@ ke kaa holokee i piha me na lede ano hou. He leo kekahi no ke telepona i pa-e mai i ke kulu aumoe e hoala mai ana i na luina o KA LEI MOMI e himeni aku ia Makalapua.
Manuunuu wale na poe kono mai ia makou, owe lua no hui o loko o ke telepona i na poe puni leo mele. Ua hiki pela, eia mai no a hooheno aku i ka pili aoao.
He uwahi kokolo e alohi mai la iluna o ka ilikai mahope o kela moku ahi uuku mai ka Aina Pua mai. He wahi ano kupaianaha ko kela uwahi i kolu ike ana, he miomio ke nu o hope, a a he ekolu wai hooluu like ole e punohu ae ana mailoko ae o kona puka uwahi.
Mahalo i ke kiai no kou hana pono.
Ua kokoke e no, a ke hoi nei ko kiai e hooluolu i ka pili o ke ao.
I ka ponei i ku mai ai ka mokuahi Kulanakauhale o Pekina mai Kina a me Iapana mai, a e eku loa aku ana oia no Kapalakiko me na ukana, na leta a me na nupepa no ia awa.