Ka Lei Momi, Volume I, Number 33, 31 July 1893 — Page 1
| This text was transcribed by: | Rob Escuadro |
| This work is dedicated to: | Ko'u keiki haauna Natalie Kauinaneaokailikea Kekahuna o Kahului, Maui |
KA LEO O KA LAHUI.
"E Mau ke Ea o ka Aina i ka Pono."
KA LEI MOMI
BUKE 1. HONOLULU, OAHU, IULAI 31, 1893. HELU 33
NUPEPA PUKA LA
KA LEI MOMI
W. H. KAPU,
Luna Na! a Lunahooponopono.
@ Honolulu kona wahi noho.
UKU PEPA:
No ka Makahiki…………………. $10.00
No ka Mahina……………………. 1.00
No ka Pule……………………….. .25
o ke Kope Hookahi………………. .10
NANA KA RULA.
E hoopuka mau ia ana i kela a me keia la, koe ke Sabati.
O na hooponopono dala a me na kauoha nupepa ana, aia wale po iue ka Luna Nui.
Aia wale no me ka Luna Nui a Lunahooponopono na kuka ana no na mea e pili ana i ka uku o na olelo hoolaha, na kanikau, na mole inoa a pela aku. Aole loa e hoopukaia kekahi o keia mau mea ke hookaa mua ole ia mai ka uku.
O na poe a pau e makemake ana e lawe i ka Nupepa KA LEI MOMI e hookaa mua ia mai ka uku, ina ma ka Pule a ma ka Mahina paha. Aole hoaie.
E hoopukaia aku no na manao o na makamaka ma keia Nupepa i ku i ke ano hoonaauao mai a me na moa hou o kela a me keia ano, koe na hoopaapaa pilikino ano ole. E hoouna mai i na manao i ka lunahooponopono.
KEENA HANA: Ma kahi noho (no ka manawa), Alanui Kula.
HEMOOLELO KAI
NO
MONE TIKERO
- KA -
HOLOOIO I KA WA HOOILO
- KA -
UI MAALO I KE KUPULAU
A O KE
KEIKIALII HARE MATINE
- KE -
KIAHA OPAKA O NINEWA.
MOKUNA III.
Ka huakai hele imi Kiaha Opa-Opaka o Nineva - Ke kupua Fuginidela iloko
o na ululaau o Urala - Ka pahikaua a ka Moa i haule i ke kuhihewa -
Ke kahuna Lapaau ma ka aoao o ka mea mai.
"Ina aia ua kanaka opio la iloko o na kulanakauhale o ka honua, a i ole ia, iloko paha o o na paha hale o na kunaina, alaila ua hiki ia Dubana ke hooko i ka makemake o ke aliil. A heaha la ka manao ino o ke alii i ua kanaka opio la?"
Ia manawa i hapai ae ai o Hare Matine i kona lima iluna kuhikuhi iho la kona manamana lima i ka ehu ma kona umauma, a i mai la:
"O keia eha ma kuu @ @ au i keu iho nei i ka laau, ma ua kanaka opio la ia eha, aole na ke kupua."
"Kai no na ke kupua i hana i keia mea! A o hea kahi noho paa o keia kanaka opio au e hai mai nei?" i pane aku ai o Dubana.
"Aole he maopopo loa ia'u o kala nohopaa o keia kanaka, a he olelo mai nae o Igeboseba ia'u, - i ka manawa hooilo e ike ia no ua @aka opio la iloko o na ula@ o Palamuga ma Arabia, a iloko o ka wa kupulau e ikeia no oia iluna o na kuahiwi o Hagara. Ua hoike pu mai oia ia'u aole he maopopo o kahi @moe ai keia kanaka opio, a me he mea la o ke kua no o kona lio kona wahi e moe ae. A aole no he maopopo loa o kona makuakane a me kona makuahine, ana hiki loa no ia'u ke olelo no i keia manawa a i na manawa no a pau, he puaa holo nahele maopopo ua kanaka la."
"Alaila, ua pau ao la ko kaua bilikia," wahi a ke kahuna lapaau Dubana, "oiai ua lilo aku la oia he puaa holonahele, a aohe a kaua hana nona."
Ia manawa i akauka ae ai ke keikialii a pane mai la, "Aole pela, i hoopuka wale ae nei no au ia olelo no ko'u piha inaina loa iaia."
No ia mea i pane hou aku ai ke kahuna apaau Dubana i ke keikialii, i ka i ana, -
"hookahi wale no mea e ko ai ka manao o ke alii, e hoalu ae no ke alii a me kona makuakane i la lealea nui no ko olua aupuni a e kono aku i na kanaka ikaika a pau e hele mai iloko o ia lealea, a malia o komo aku ka hauoli iloko o ua kanaka opio la a haalele aku oia i na ululaau a hela mei oia e lealea pu, alaila ia manawa e pepehi iho ai oe e ke alii a me kou poe kanaka koa i ua kanaka opio la, alaila e lilo no ka pua liliu o Zubieda ia oe e ke alii."
Ia manawa i pane mai ai ko ke keikialii:
"He oiaio ia, aole paha e liuliu na la a e lohe aku no o Dubana i ka hoala ia aku no o ia hana mahope aku, a mai noho nae oe a hoike aku i keia moa a kanai kamailio iho la i kekahi poe, a hiki i ka manawa e hooko ia ai ia hana."
Mahope o ka pau ana o ka laua hana, ua hoi aku la ua kahuna lapaau ia no kona wahi ma Arabia, a ua noho iho oia e noonoo no keia hana nui a ke keikialii e hoala aku ai.
Maanei o hoomaha iki iho ai ko kaua kamaillio ana no laua, a e huli ae kaua a nana no ka me i nona keia nanea.
I ka manawa i nalowale aku ai ua Ui @ ia i ka wa kupuluu mai na maka aku o ka lehulehu i nana aku ai i ko laua wa e paio ana me Hare Matine, ua hoi ke ae ia aia maloko o kekahi ululaau a ma kekahi alanui i hoomouli ia e na holoholona hihiu i kuoe malie aku ai oia iloko o ke poho, a me ka ukele i na kulu pakaua o ka po i hala mumua iho.
A i ka wa a ka la i kupono ae ai i ke awakea, hoea aku la oia ma kekahi ohuku paii, kahi a kekahi wahi wai pahihi e lele maopu mai ana mamua o kona alo.
Ma ia wahi oia i noho iho ai a puina i kona aina awakea. A mahope o ka pau ana o kona paina ana, ua inu aku la oia i ua wai lole maopu la, me ka hoopuka pu ana ae i ka huaolelo, -
"Na ke kupua Fuginidera o ka aina hau anuanu o Orenekeda i iuu mua ia oe e kei wahi wai huihui."
A pau kana inu ana, ua huli ae la na ui la a kamoe aku la ma kona alahele, a i ka wa a ka la e iho aku ana e nalowale, ua hiki aku la oia ma kahi ona i hoopaa ai ia Igebosedu i ke kumulaau, a i kona nana ana aku aole ua hiena la ma kona wahi i heopaa ia ai, aole pu no hoi kona lio keokeo ma ia wahi, a aole no hoi ke kaula i hoopaa ia ai a me ka noho o Igeboseda. No ia mea i ku iho ai ua keiki la ma ia wahi me ka hoopuka i ka huaolelo, -
"Owai la ka aeahaukae nana i wohe keia kanaka, a nana no anei i lawe aku kuu Hamarina keokeo, a pehea la i owala ole ai o Hamaiina iaia, ka mea a'u i a'o loihi ai?"
A kalele iho la na kuekue lima o ua koiki la iluna o ka makuu o kona noho, a nana aku la i na kukuna o ka la e iho aku la e nalowale.
A i ka hope loa o kona noonoo ana, hoopa ae la oia i na sepa ma ka aoao o kona lio a hele aku la oia imua iwaena o ka ponaha manu, a wehe ae la i kana uwepa e paa ana mamua o kona noho a pane ae la:
"Ina aia o Hamarina ma kahi kokoke mai i keia ululaau i hele ai, alaila aole no e nela kona hele mai i kona wa e lohe ai i ke kani o kuu uwepa."
Anepe kani ka uwepa.