Ka Lei Momi, Volume I, Number 31, 28 Iulai 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

 

KEAKA  HUPEKOLE.

NA NEGERO KAULANA

o

AFERIKA HEMA.

KA

HEIHEI LUU KAMAHAO.

PUHILI I KA EUEU.

 

Ia wa haawi mai la kela i ke komo i ke Kapena, a ia wa pu no hoi i hopu aku ai ke Kapena a luli a lole ae la, a ike koke ihola no o ke komo no hoi.  Nolaila ua piha loa iho la oia i ka hauoli a puana ae la i keia wahi mele kaulana, -

            Wai olu wale ka manao

            Me he ua noenoe la

            O ka pa a ke Konane e

            Ka makani huluhulu mano.

 

Mamuli o ka loaa ana o ke komo ia Keaka Hupekole ua haawi makana aku la ke Kapena he kanalima dala keokeo, a olu iho la ua wahi Keaka nei.

 

Ninau aku la ke Kapena i  ua, wahi Keaka nei:  "Pehea i loaa ai keia komo ia oe?

 

Ia manawa i pane mai ai ua Keaka nei:  Pehea, mai hoi kau?  Kai no hoi i luu aku a@i no hoi a@ a e ano poeleele iho ana, holo aia keia wahi i a moku loihi mamua oʻu, he Iheihe, a e anapa ana keia a loaa iaʻu.  I lalau aku kuu hone he komo gula, ua komo no hoi ma kahi oioi o ka nuku.  Ninau aku la no hoi au iaia:

 

"Pehea i loaa ai keia komo ia Hai mai la no hoi kela iaʻu,  Ka i pii mai au iluna o ka ilikai e olani ai, e iho mai ana keia mea hulali maluna pono iho, e kuhi ana au he iʻo puaa, i huli ae au e komo iho ana i kuu nuku.  Oi mea wale au i hemo, a he ole loa ka hemo, a ioa paha aole oe ina ua pilikia au, no ka mea, ua paa loa kuu nuke.  A oia iho la ka moolelo o ka loaa ana o keia komo gula iaʻu."

 

Ua piha hauoli loa na mea apau no keia mau olelo a Keaka, a o ka oi loa aku no paha o ke Kapena.  Ae, pela io no.

 

E na hoa hoinainau o keia nanea ilihia o Keaka Hupekole, ke uluhua loa mai nei paha oukou no ko Keaka hana kolohe i na negero o Aferika Hema.  Ae, aka e hoomanawanui iki iho pela a oili aku, a ilaila oe e noke ai a puu ko nuku e noke oe i ka aka a helelei kou mau niho.

 

Nolaila, mai walaau loa ae oe o makani auanei kana, a e ike ana oe i ka la apopo.  E huai pau aku ana ua wahi Keaka nei a pilipu ka hanu o na negero,

            Aole i pau.

-----

@ [1-paragraph article unreadable]

 

KAUKA YONG KAM PUNG

@        Alanui Maunakea

-----

@ [2-paragraph article unreadable]

KAUKA YONG KAM PUNG.

@

-----

 

HALE PAI

 

KA  LEI MOMI

KAULUWELA                      HONOLULU

W H. KAPU, Luna Nui.

TELEPONA HALE               @@@@ @07.

 

Ua makaukau makeu e lawelawe i na hana e pili ana i ka @@a kou oihana, e laa na

 

PALAPALA KONO

PAPAKUHIKUHI

NA PALAPALA HOOKAA O NA ANO A PAU

A pela aku, a pela aku, a pela aku.

Koene Ilana     Ma kahi noho,             Alanui Kula