Ka Lei Momi, Volume I, Number 9, 1 Iulai 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

KIU  SAILOKA

A ME KA

WAHINE LOIO.

  Ma ke kulanakauhale o Venisa, aia malaila e noho ana kekahi kanaka ludaio kalepa nona ka inoa o Sailoka, he noho ana ulakolako kona, ,oia he kalepa noeau oia, a na pii mahuahua ae kona waiwai mamuli o kona hoaie ana aku i kana man dala me ua ukupanee mahuahua mai na Kristiano kalepa e ae a pau e noho ana malaila.

  He kanaka puuwai paakiki o Sailoka, a aole ona hoihoi i ka hookaulua ana no ka hookaa ia mai o kana mau dala me ka uku pu aku i ka ukupanee.

  A no keia ano o Sailoka, ua lilo loa oia i mea hoowahawaha nui ia iwaena o na poe maikai a pau, a pela no hoi o Anetonio kekahi kanaka Indaio kalepa e ae, he paonioni ko laua noho ana me Sailoka.

  Oiai he kue loa o Sailoka ia Anetonia no kona hoaie mau i kana mau dala me ka ukukuaia oluolu loa, a he ukukuala ole maoli no i kekahi manawa, nolaila, ua noho kuee mau laua.

  I kekahi manawa mai mahope, ua halawai ae la laua ma kekahi halekuai kukaa, kahi hoi e akokoa mau ai o ka poe kalepa i kela a me keia la.

  Ike aku la o Anetonia ia Sailoka, hoao aku la oia e halawai me Sailoka a e kukakuka pu no kekahi mau mea, aka aia no ke kau mai la ka ena o ke ao makani iluna o ua Sailoka la.

  He kanaka oluolu a@akahai o Anetonio, a oia kekahi o na kanaka kulana maemae o Roma i ke au kahiko, a ua ike nui ia oia me ka haahaa mawaena o na kamaaina a pau o Italia, a ua aloha nui ia oia e lakou.

  Aka, iwaena o na hoaloha e ae a pau o Anetonio, hookahi i oi loa ae o kona oia no o Bosania, he kanaka kulana kiekie oia no Venetiana, a ua hoopomaikai ia kona mau la mamuli o kana mau hana maikai.

  I kekahi manawa, na ake nui iho la ua Bosanio la e loaa iaia he mau dala, a ke halia mai la hoi o Anetonio imua ona, kona haaaloha h@, oiai na lilo lai a i puuwai. hookahi, a he hookahi h@ a laua eke dala, a nolaila na @ooi.olo iho-la o Bosania a hele no oia i dala nana i o Anetonio la i dala nona.

  I kekahi la, hele io mai la o Bosanio i o Anetonio la a i mai la ua makemake loa oia e loaa ona mau dala naua.

  No kona ake nui ana e mare me kekahi kaikamahine ui opioana i aloha loa ai, a i mea hoi e hoonu'anu'a aku ai i ua aloha la ana, nolaila ua hele ae la oia i wahi dala i kona hoaaloha.

  O ka make ana iho na ia o ka makuakane o ua kaikamahine la a oiu wale no koe e noho ana me ke kuonoono maluna o ka waiwai o kona makuakane. Nolaila i mea e kohu ai ka hele ana o ike i ke aloha, e pono e hoolako mua oia i wahi dala ma kona ini pakeke.

  I kona hoea ana aku imua o Anetonio, a pane aku la oia me ka i ana aku:

  "E Anetonio kuu hoaaloha, e oluolu oe e haawi mai mau dala na'u ma ka aie ana aku ia oe i okolu haneri ducata, i mea hoolako no kuu mare ana aku i kuu mea o aloha nei?"

  I kela manawa nae, aohe he dala Anetonio e kokua aku ai i kona hoaaloha, a eia nae, aia aku ke aneane mai la i ka manawa e ku mai kona mau moku kalepa me ua waiwai he nui mai ua aina mamao mai, a oia hoi kana i pane mai ui.

  "Aole a'u kala i keia manawa, aka nae, e hele aku au i o Sailoka la, ke kanaka hoopukapuka i kona mau dala, a e aie aku au iaia ia mau dala, me ka hoopaa ana aku i na waiwai a pau o ua moku ke ku mai, no ia mau ducata au i makemake ai."

  Nolaila i kekahi la, ua hele pu aku la no laua a elua i o Sailoka la, a noi koke aku la no o Anetonio ia Sailoka, e haawi mai i ekolu haneri ducata ma ka hoaio aua mo ku ukukuala pu a me ka hoopaa pu ana aku i na waiwai o ka moku ke ku mai i ke awa.

  No keia mau mea a Anetonio i pane aku ai ia Sailoka, no pane iho la oia iaia iho me ka i ana:

  "Ina paha i pai ia e u'u kona papakole, alaila ina ua hanai aku au iaia i kekahi mea momona e ni iho ai la hoi ola. Iie mea hoowahawaha hoi nana ka lahuikanaka ludaio, a he hoopolio hoi i ka'u mau dala mamuli o kona hoaie anu i kuna dala me kahi ukupanee haahaa loa. E hoopakele mua au i ko'u ohana iho, mamua o ko'u kala e ana aku i kona pilikia."

  No ka nauki loa o Ane, ouio i ka pane ole mai o Sailoka, nolaila, na p@ne h@i @ku la no o Anetonio.

  "E Sailoka, aole oe i lohe mai nei i ka'u mea i noi aku nei ia oe, e haawi mai hoi oe i mau dala na'u?

  "Anetonio, he ui wale kou manawa i hoopilikia mai ai ia'u ma kela halekuai kukaa a kakou e hui mau ai, a ne'u iho a me ko'u lahui wale no ka'u nana, a o kekahi no hoi, ua kapa mai oe ia'u he mea hiki ole ke hilinai ia, a he ilio puu-moku, a ua kuhakuha wale mai oe i ko'u aahu Iudaio, a ua kaikai mai no hoi oe i kou kuekue wawae no ko kue ana mai ia'u.

  "Ano i keia wa, aole o oe ko'u kokua, a eia ka oe imua o'u me ka hole ana mai e nui ia'u "e Sailoka, homai na'u i ekolu haneri duentu.

  "He dala no ka ka ilo? @o mea nuku anei kela mau dueatu ekolu haneri? E kulou iho anei au me ka haahaa imua @u me ka i ana aku ia oe, e kuu @ ku, i ka Poakolu iho nei no he@ ko kuha ana mai ia'u, a i kahi wa no hoi. ua kapa mai no @e ia'u he ilio, na keia manawa E@ e haawi aku au i dala nau."

  No keia mau olelo ano koikoi a Sailoka, noleno he wiwo iho Anetonio, a oia no kana i pan@ aku ai ia Sailoka.

  "E, o ko'u pono no ia kapa@ hou aku no ia oe pela, a e kuha@ hou aku no ia oe a e kue mau aku no lioi ia oe.

 

KAMAU KIAHA.

Auhea wale oe e ka wai

E niniu ai o ka huila

Poahi launa oi nei

Kaii oi ala he puna

E kamau kiaha i olu la

I pahee ko puu ke moni

Mai kuhi no oe na hai

O kau wikiwiki ana iho

A he mea wela ole no ka waha

Au i pulule iho ai

Eia ka pono e penu kai

Ma ka piko ma kahi momona

A he ole ko alunu iho

E haawi i ka lokomaikai

I lehulehu na halekipa

Haina ka inoa i lohe

Kamau kiaha i ola.

Auhea wale oe e ka ohu

Kipu mai la i Kaa'a

Al@ mai Lihue me Kalena

Kaohi mai Haleaunu

Pehea iho Kokoloea

Ea mai o Kaahupahau

O ka olali o Puuloa

Ehia iho mea minamina

O ka Ia-hamau leo

Mai pane ae i e o makuni

Ike ole ia aku Halawa

Aina i ka mole o Ewa

No Ewa ae no ke awalau

No ka lihikai au i Kawiii

No Honolulu i Kapuukolo

Ilaina, ku inoa i lohe

Kamau kiaha i olu.

 

ALII A.

Aiu i Alika o ka iho o ka moku,

Ua hao a' paihi ka pe'a i na kia

Ke liolio nei na kaula polena

Alualu o'e iho i ki pa a ka makani

Ke kau ae nei ka ihu i Makao

Ke iho ae nei e komo i Alika

Ma ke kai melemele ke kowa o Berina

Nani wale ka ikena, na pua i Kalona

I noho i ka iu, ka piko i Himele

Ka hale pama hoomaka i ke kuia.

Aia i Alika o ka ihu o ka moku,

Nana i alakai kuhikuhi pololei

Ko ala pololei e ike ai oe

Ka loa o ka moana, ka piko o ka hoaua

Paa mai o wakea, kaohi i ka mole

O ka mole o lehua, oa o Kanaloa

A he hoa o you no ka la lealea

Enemi mai leke, pii e ka inaina

Ukiuki ae au, pa oe i ka newa

Ku i ke kuikui, i ka puupuu kahi.

Aia i Alika o ka iho o ka moku

Ua kau e ka hae o ka holo keia

Ke lili mai nei na holohiki  

Ua hiki ae nei ka lono i Ladana

Ka oi o Hawaii, ka ike noeau

Noonoo kaulike o you me a'u

Na'u i hookele ku i Bosetona

Lele na ohua na eepakele

Ma kuu pakeke ka makana he aloha

Lihilihi daimana kapa o Kinikula.

Aia i Alika o ko iho o ka moku

Ke huli lua nei ke panana

Nana ia ae ka ohe latitu

I ike pono @a na mile i koe aku

E hiki aku ai i Poka Ailana

Ua lana ka manao a huli oi aku

Inu i ka wai lohi o loko o Halehai

Haihai olelo aoao me ke hoa

Hoa o ka naika ke ano ahiahi

Holoholo mahina i ka huikauloa.

 

  H nui na moku holo piliaina o kakou i holo aku ma ka la i nehinei.

 

KAUKA YONG KAM PUNG

(APANA)

Helu 81.    -   -   -   Alanui Maunakea.

 

KAUKA LOEA O KA AINA PUA.

  Ua hiki ke hoola ia kela ame keia ano mai, mai ko na wahine a me ko na kane a me ku na keiki liilii. Ua hiki ke ho l@ ia na ma'i Hano, na ma'i a pau o ko ak@maina a me ko loko o ke kino a pau. Na ma'i wahine o kela a me keia Na ma'i Lele, oia hoi ka Hebera, Korela, Fiva Lenalena, a Lepera, a me-kekahi mau ma'i e ae he nui wale. Ua hiki no hoi ke lawelawe ma na lapaau oki ana a me ka lapaau ana i na palapu o kela a me keia. @ na ma'i koko ino a pau ua hiki loa ke hoola ia meka auhau haahaa.

      E kipa nui ae e na makamaka, ka poe hoi i hookaumaha ia e na ehaeha a ka ma'i, a e loaa no au ia oukou me ka hauoli e kokua aku i na mea a pau me kahi auhau mama loa.

  O na pilikia a pau e pili ana i ka hanau keiki, na hiki loa ia'u ke haawi aku i ka laau e hoohemo ai i ke keiki me ka hikiwawe no ke kokoe ana i ka wa e eha ana i'ka hanau. Ina e hemo ke keiki o inu i ka laau hoomaikai i ka waihona keiki me ka hoolohe i na rula a pau.

KAUKA YONG KAM PUNG.

8-6 h.