Ka Lei Momi, Volume I, Number 7, 29 June 1893 — Page 4

KA LEO O KA LAHUI.

"E Mau ke Ea o ka Aina i ka Pono."

 

HE MOOLELO WALOHIA

NO

AKAMOLEKA

KE

KAMAIKI OPIO I PAKELE MAI I

NA LIMA HAO ENAENA

o Ke

AKUA KII KELEAWE NUI

MOLEKA

 

I Kukuluia ma ka Loko Ahi

Weliweli o Gehena

 

MOKUNA 1

HINOMA KA MAKUAKANE LOKOINO

KA LEO UWALO O KA

MAKUAHINE NO KANA

KAMALEI.

 

            Ei aku no maloko aku o kekahi o na rumi o ko olua hale nei ma kekahi o kona mea lawelawe a me ke keiki pu no a olua, ua hanau iho nei oia i ka olua keikikane oiwi kilakila, a ka ua lohe iho nei makou; e hiki mai ana o Majour e hoolaa i ke keiki ma ka inoa o Moloka ko kakou akua e hoomalu la i na la palapa o Gehena,” wahi a lakou i puana like mai ai.

            Kaha aku la ua Hinoma la no kahi a kana wahine e lulumi mai la me kona wahi kokoolua.  Ma ka puka o ua wahi ruini la, ku iho la ua kanaka la a kikeke aku la, me ke kahea pu ana aku hoi     “Auhea la oe e kuu Amora aloha, e wehe mai oo i ka puka i ike aku ai au ia oe, eia wau o kau kane mai kahi loihi loa mai nei.”

            Eleu mai la kahi kokoolua o Amora i ke kii ana e wehe ae i ka puka no kona kane, a ua loaa pono hoi ia Amora no noonoo maikai, a e nolio ana oia iluna me kana bebe no ma konapoli, a koe wale no ka upehupehu o na maka i ka mea o ka noke mau ana i ka uwe.

            I ka hemo ana o ka puka, komo mai.  Ia ua Hinoma la a ma ke alo ponoi o kana wahine, pepelu iho la kona mau kuli imua ona hopu iho la i ka lima o kana wahine a honi iho.  Oia ka ka manawa i ninini makawalu iho ai o Amora i kona mau waimaka, me ka uwe kaukau ana iho ma na pepeiao o kana kane ah ha:

            “E kuu kane Hinoma aloha e, eia maua me ka kaua makahiapo imua ou       Auwe kuu kaumaha no ka kaua keiki    E kuu kane e!”

            Na keia mau mapuna leo i poha pono iho ma na pepeiao o Hinoma, i hoomohala pono ae i kona mau noonoo uahoa no ka manawa pokole, a nana pololei aku la maluna o na helehelena o kana wahine, i hele walea upehupehu na maka i ka ka mea o ka noke mau i ka uwe, a pane aku la kana kane:

            “Pehea na pono o ko kaua kihapai      ua pau anei ka ai i ke oki?”

            “Ua liolopono ia mau mea a pau, a ua hoolako aku, au i na poe paua me na mea kupono.”  A hoomaka aku la kana wahine e hoike i na mea a pau e pili ana i ka lawelawe ana o na poe paaua’ ka nui o na mea i haawiia i ka nui o na mea i haawiia i ka lehulehu, a hiki wale i kona hoomaks ana e hele ma kana huakai mua a noho ai oia malalo o ke kumulaau oliva, a me ka hoomaka ana e nahunahu o kona opu.

            Maanei o Amora i hoomaha iki iho ai me ka paa ana ae i kona hina hema ma kona umauma, a kulon iho la maluna o kaua keiki.

            No keia kulou ana iho o Amora ilalo ua piha loa ua Hinoma la i ka hoonauki no ke oki pu anu o kana mau kamilio ana, a nolaila, ua nonau hookikina aku la kana kaue.

“Pohea hou aku ka hoi            malalo auei o kela kuma oliva i hanau ai oe i kena keiki?”

“aole, aka, malaila au i ehaeha loa ai kuu naau nou e ka’u mea aloha.”

O ka oiaio nae, ua eha loa no kona manao no ka laua keiki, oiai aole oia i ike aku i ke ano oluolu mai o kaona helehelena, a oia no kana i koho e iho ai iloko ona     “e make io ana no ka ke keiki ma na lima wela o kela kii keleawe.”

Nolaila, hoomau hou aku la ua oia i kana hoike ana i ua mea a pau e pili ana iaia, a hiki wale i kona hanau ana mai i ua keiki nei, ka mea hoi nona keia nanea a kakou e hoohialani nei, a hiki wale i ka manawa a laua i halawai iho la.

Iaia no nae e hoomau la i ke kamailio, aia no he mea i kuia mau i kona noonoo mamuli o kela keiki a Hinoma i lawe mai ai mai Seba o Arabia mai, aka alia oia e hoopuka aku ia mea ia wa.

“Ae, ua ike mua no au e hanau ana io ana oe i keiki na kaua, i keiki makahiapo hoi, aka na ike no oe, he keiki keia ua lilo mua kona ola oiai oia iloko o kou opu, a ua ike no hoi oe, aole loa e hiki i kekahi mau makua i honau he keiki makahiapo elike me ka kaua i keia wa e pakele ana kahi o ia mau keiki mai na lima mana mai o Moloka ko kakou, a ua ike no hoi oe, he kanawai paa loa ia i hiki ole ia kaua ke pale ae.

“A no ia kumu, ua ku ao au a haalele hikiwawe iho ia oe, a hele aku au ma ka’u huakai hele, no ka imi ana i pani no ka hua o ka puhaka o kaua, no ka mea, he oiaio no e make ana oia, a o keia keiki a’u i lawe mai nei, oia auanei ke pani ma kona hakahaka, i hoomaalili ia ai ko kaua aloha maluna o ka kaua ponoi i hanau mai ai.”

Ikeia ma@ a Amora i lohe pono ai i ka manao o kana kane no ko laua keiki, a me ke kumu o ke kii ia ana e kela keiki, aole i kanamai ka nui o kona kaumaha a na ka waimaka no e hele.  A no ka manawa pokole keia uwe ana, a no ka hiki ole iaia e hoomanawanui iho, ua pane aku la oia i kana kane:

“Alaila, ua paa loa no kou manao e make ka kaua keiki i loaa i ko kaua mau la hapauea ma na lima o kela kii keleawe lapuwale?”

“Ae, ua mau ia pela, a o ko kaua mau kino no ka uku moepuu o ia mea i na kaua e hoole a hoao paa a ma kekuhi alanui o ao e pakele ai keia keiki.”

“Pehea no hoi i na oe e hookuu ia’u me ka kaua koiki e hele au ma ka aina okoa a hiki i konu nui ana, alaila, hei mai no maua ima o kou alo?”

“Aole no ia he mea e pakele ai nona, oiai i na he keiki nui a uuku paha, a ha makahiapo nae oia, aole loa no oia e pakele ana i na Moleka kona akua, a ua ike no hoi oe, aole e noho kekahi moa maanei nei i na aole e pelu kona mau kuli a hoomaikai aku iaia.”

Me keia pane hope loa a kana kane, ike ea iho la oia, aole loa he alani e ae e pakel ai kana keiki mai ka make ae, koe wale no paha kela wahi mea a laua i ohumuhumu malu ai me kona kokoolua.

Nolaila, ma keia mokuna kakou e ike ai i ka pakele io ana o ka mea nona keia moolelo.

[E hoomau ia aku ana.]

 

HAINA BAIBALA

1          Ua hoohalikeia “ka poe pono” me na la o ka lani a me na hoku e lilelile ana.

2          “O Iuda” ka laau a ke akua i  kanu ai a o Iakoba kona lahuikanaka.

3          Ua hoopai ia ka hewa o ka “Iuda” a pa i ka lani, a ua kakauia me ka peni hao a me kahi oi o ko daimana.

4          Ua like ko “Iesu Karisto Ekalesia” me ke @ia aloha a me ka Theka oluolu.

5          O ka “ La Hookolokolo Hope Loa” ka la oluolu o ke Akua e uku koke mai i ka poe pono i ke ola mau loa.

6          “O ku mea e hai ana i ka euanelio,” ua oi loa ae ia mamua o na mauna uliuli a me na pua o ke kula.

7          E hoopau aku no o Iehova i na mea io a me na mea koko me ka “h@” o kona waha.

8          Kani olioli no na laau o kanahele i ka “mihi ana o ka Iuda” i ko lakou mau hewa iho.

9          “Ma ka olelo” wale no, ua hanaia ka lani a me ka honua e Iehova.

10        “Ua like ino ua ale o ka moana” ko Iehova ala ana mai ino kona huhu a me he hau la hoi kona lokomaikai.

                                                                                                LEBANONA

 

Ka Lunakanawai a me ka

Pahu Leo Mele

            Aia ia Henry Wofe he pahu leo mele maikai i hiki ke kani mai iloko o na leo mele like

ole ehiku, aka, i kokahi la, ua hoike no kekahi keonimana ma ka inoa o Christte, ua ake nui ua Henry Wolfe la e kuai i ua pahu leo mele la ana me ia (C.)  Aka, mahope wale iho, ua hoole hou ua Wolfe la, nolaila, ua hoopii a J. B. Christe ia Wolfe no ke koi poho he $250, imua o ka Lunakanawai o ke Kaulike inehinei.

            O Lunakanawai Dunne, he kalaiolelo maamaalea oiaio oia ma ke kanawai, aka, ma na mea lani, aole i mahele loa iaia, o na mahele mua wale no.

            Ui ae la oia i ko Wolfe aoao i na leo mele i hiki ke hookani ia maloko o ua pahu leo mele la. 

            “Ma kou hanohano, aole i maopopo ia’u na inoa o na leo mele a pau maloko o ia pahu.  Ua lohe au i kahi manawa, a oia ka’u e hoakaka iki aku ia oe.  Oiai ua lohe mua no oe i na leo mele e mele ia ana e ka Marina Bana, a o na leo mele hoi o keia pahu, he oi loa aku kona maemae a nanahe i ko keia pahu leo mele.  He oi aku no hoi mamua o ka pahuolelo ponogarapa a’u i lohe ai.  O ka leo mele a na manu kekahi a’u e hookani ai, a he keu aku a ka maemae mamua o ka uwe ana a ka popoki.”

            “A pehea kela leo ‘Ke kanaka iloko o ka Mahina,’ e hiki no ke hookani ia mai ia leo?” wahi a ka Mea Hanohano i nina@ aku ai.

            “Pela paha! aka, e hoao ae hoi au i ka hiki iaia ke hookani mai ia leo.”

            Ia manawa i ki ae ai oia i ua pahu leo mele la a hookuu aku la, o ka hoomaka mai la no ia e kuni, nana aku oe he keu a ka hoehoene.  No ia mea, ua haawi mai la ka lunakanawai i kana olelo hooholo e ae i ke koi poho he elua haneri me kanalima dala.

            No wai la kela mau mapuna leo pelapela i poha ae ma ka po nei iho la oiai kekahi o ko makou  limahana e huli hoi aku ana mai ko makou kena aku no kona home, a iwaena o kona alahelo ua iohea aku he mau mamalaolelo i poha mai mai kekahi aoao mai o alanui Liliha, he oi aku no hoi o ka pelapela.