Ka Lei Momi, Volume I, Number 7, 29 June 1893 — Page 2

KA LEO O KA LAHUI.

"E Mau ke Ea o ka Aina i ka Pono."

KA LEI MOMI

POAHA, IUNE 29, 1893

 

            EIA no makou iioko o ko makou mau la kinohi o ka hele ana aku imua o ko makou mau hoa oiwi ma ke ano he wahaolelo no ka lahui, aka, ua nema koke ia mai la nae makou no ko makou kalai ole i kekahi mau mea e pili ana i ke Aupuni a me kekahi mau kalaimanao e ae, a pela aku  O na poe na lakou mai keia mau olelo’ he poe opio Hawaii maoli no ia hoonaauao ia ma kekahi mau kulanui o kakou nei, a i loaa he mau noonoo maikai iloko o lakou.

 

            No makou iho aole o makou makemake e lawe i kekahi kahua i maopppo ole ia makou kona hopena aole hoi i ke kawa i hihi ole ia makou ke lele a opu. Aia wale no a maepopo ia makou ke kahua, alaila, ua hiki ia makou ke kalai aku me ka nana ole ae o ka aoao hea la ia. Ke ku nei makou i keia manawa me ka nana a hakilo pono ana i ke kulana a me ka hopena e hoea mai ana ma keia mau iho. E like no hoi me ka makou i kalai ai ma kou makou helu mua, aole makou iloko o ka uwila, ka hekili, ka makani heleuluulu, a pela aku, pela no e oili aku nei KA LEI MOMI, aia no oia iloko o ke aheahe malie. Aole makou a haanui wale aku no i na kalaimanao aha, aole no hoi e hakuepa wale aku no i kekahi mau olelo i maopopo ole ko lakou oiaio.

 

            Lua na manao kekahi poe opio Hawaii he mau kalaimanao ano hoonaauao mai ka lakou, i hui pu ole me na hakukole, ua hamama mau na kolamu o KA LEI MOMI no ka hookipa ana mai ia lakou a pahola aku imua o ka lahui a ua lakou ia e kaupaona mai i ku mea io a me ka mea io ole. A ina paha he manao no ka hoino mai ia makou, eia wale no ka makou-ho aku imua, oia. He poe like wale no kakou lawelawe pu i keia hana he paipalapala.

 

            KE HOOPUKA aku nei makou i keia la i ka mea e pili ana no kela hookahuli aupuni ma Hawaii nei, i kakauia e Mr. Allen Dare. He manao keia e hoomaikeike ana i na hana i lawelawe ia e na haole he umikumamakolu mu kela la 17 poina ole o Ianuari, 1893, a ua unuhi mai makou a pahola aku imua o ko makou mau makamaka heluhelu i ike ai lakou aia no he mau hoaloha oiaio no kakou ke noho la ma Amerika, me ka minamina ne ko kakou Moiwahine i hoohaahaa ia.

 

KA MISIONA A BLOUNT.

[Unuhlia mai ke California Magazine o Iune 1893:]

 

            O ke kohoia ana o Mr. Blount e Peresident Kalivalaua ma ke ano he Komisina i Hawaii ua hoohauoli mai ia i ka poe noonoo maikai a pau, he kanaka hoi i hiki ole ke kanalua ia no ka hiki ke haawi i kaaa olelo hooholo kaulike ma na aoao elua. O ka mea wale no i makemake ia heaha ana la ko kahua a ke Komisina e lawelawe aku ai e pili ana i ke ano o na hana ma kela mau paemoku, he kanaka naauao ia a me he mea lu e lawe lawe ana oia i kana hana me ka malie loa—no ka manawa loihi loa nae. I ka nana ana, me he mea la ua lokahi na aupuni mena uni e ae ma ka haawi ana @ Amerika Huipuia e hooponopono kela mau paemoku, me ka hookaulike ana i ka pono o na aoao elua, aole hoi ma ke ano kapakahi e hiki ai ke hhilinai ole ia.

 

            Aole paha he mea e kaualua ai ke hoike ae e lawe mai ana o Mr. Blount i kakahi mau hoike o ke ano e like paha me ke ano malalo iho

 

            “Ma ka la 16 o Ianuari, 1893, he maluhia ke hoalii ana maluna o ka aina mai o a o, aole he mau mea nana e hoano e ka noho ana. E holomoku ana na waiwai iloko o Hawaii ma o ke Kuikahi la me na aupuni mana nui o ka honua nei a me kekahi mau aupuni liilii e ae. Ke noho nei ma ke kulanakauhale he lehu lehu wale o na luna aupuni o na aina e, a ke kau nei i ko lakou mau hao ma ke kulanakauhale o Honolulu. O kekahi o ko lakou mau hoaloha maikai loa, oia no o Amerika Huipuia. Ke kau nei lakou i ko lakou mau kanawai iho me ka noeau lua ole. Ke holomua nei na kula hoonaanao ma na wahi a pau, a aia ma Honolulu na kula kiekie ma lalao o no alakai ana a kekahi mau kumukulu @ Ua hiki i na poe kaahele ke hele a ike kumaka i ke ano o ka hoonaauao ia ana. O na banako, na halekua a me na hale hana, na keena nupepa, eia 1 kou ke holomua nei me ka hoopoino ole ia e e kekahi mea. Aka, ma ka hora elima o ka auina la o ia la, ua hoolele ia mai la he mau koa marina a me na luina mai ka mokukaua Bosetona mai, e ku ana ma ke awa me na pukaupoohiwi kaui kupinai, e maki ana no ke alanui  Moi a ku iho la mawaena o ka hale aupuni a me ka Pa`lii. Ua lilo keia mau hana i mea nana e hoohikilele i ka noonoo o a mea a pau, a ike ia aku la he auna nui o ua lahui like ole e nahole ana ma na alanui e ake e ike a e lohe pono hoi i ke ano o keia mau hanu. Aole he mea i ike Mahope o ke ku ana o keia poe no hookahi a elua hora ua hoi aku la lakou no kekahi wahi no ka hooluolu ana ia lakou ma ia po. O ka lehulehu o na kanaka ua hoi ae la lakou no ka Hotele Hawaii e hoolohe ai i na leo mele hoononea.

 

            “I kekahi la ae [Ianuari 17] he iwakalua minute mamua ae o ka hora 3 o ka auina la, ua hele aku la he umikumamakolu kanaka mai ke keena loio o W. O. Smith ma ke alanui Papu, no ka aHale Aupuni, a i ko lakou wu i maalo ai mamua o na puali koa Amerika, ua hele ae la o C. L. Carter, kekahi o na poe la he umikumamakolu, a heluhelu aku la i ka palapala a ke Kuhina Noho John L. Stevens, imua o ke aliikoa o ka puali, alaila, ukali aku la na koa i keia poe he umikumamakolu no ke alo iho o ka Hale Aupuni. Mahope koke iho ua oili ne la o Cooper a heluhelu mai la me ka hoohakalia ole i ke kuahaua kue i ka Moiwahine, a kukala koke mai la i ke aupuni hou he Aupuni Kuikawa. Ia manawa koke no ua lawelawe koko ia ae la na hana e hookahua paa ia ai ke ano aupuni hou maloko o ia hale. O na hana pili oihana a pau ma ia la he oia mau no, he kakaikahi loa na kanaka iloko o ka hale aupuni, a o na kakauolelo o kela a me keia keena aia lakou ma na pakaukau e lawelawe ana i ka lakou mau hana a hiki i ka wa a ka elele i hele aku ai e kamaiiio ia lakou. He mau minute pokole mahope iho, ua hoea mai he poe i lako me na mea kaua he 27 ka nui a hoopuni ae la i ka hale aupuni. Ua hookahaha loa ia na kakauolelo a me na poe lawelawe o ka hale aupuni no keia mau hana. Ua pahola awiwi ae la ka lono a puni ke kulanakauhale maloko o na uwea telepona. O ke Aupuni iloko o koia manawa pokole me na koa he 87 ua kii koke ne la lakou i ka halekoa, e paikau mau ana i kela a me keia manawa, a he haneri poe i lako me na pu maloko o ka halewai. O ka hana mua a ke Aupuni i hana ai oia no ke kau @ ke aliikoa e malama ana i ka Halekoa e lawe koke ae i ka mana o ka Hale Aupuni a e hopuhopu aku i kela poe he umikamamakolu a me ka poe i hoolako ia lakou iho ma na lako kaua. I ka wa nae i hoomaka ia ai ka lawelawe ana no ka hopu ana i kela poe, aia na koa o ka manuwa Bosetona ke ku makaukau mai la no ke pale ana aku ia lakou; nolaila, ua holo kukai palapala awiwi iho la ke Kuhina o ko na Aina E, me ke Kuhina Kiwini, a o ka pane i loaa mai mamuli o kaua i lele mai ai kela poe koa no ke kokua ana i kela poe, ina he mau keehina kekahi e hoohana ia ae ana e ko Aupuni Hawaii no ke kue ana uku i kela poe a me ka lawe ana ae i ka Hale Aupuni. Iloko o keia manawa e holo nei na palapala kukai olelo me ke Kuhina Amerika, aia he 200 o na kanaka Hawaii i noho mua i ka oihaua koa mamua a i hoopauia e ka Aoao Hoomaemae i ka 1887, i maamaalea, ma kalawelawe ana i na mea kaua, ua akoakoa ae la ma ka Halekoa, a he haneri a oi aku o na haole a me na kanaka aia ma ka Halewai kahi i kali ni o ka loa mai o na kauoha mai ka Ilamuku mai, he poe hoaloha oiaio hoi no ke Aupuni. Ua makaukau keia mau wahi ae la me na lako kaua no ka hoohana ana aku. Aiai ma kekahi keena oloko o ka Halewai o waiho ana he pu keleawe me ka lako i na poka ai me na hemahema e ae. Aia pu no hoi ma ka Halekoa he eha mau pukuniahi nunui a me eha pu keleawe i lako pono i na poka o keia a me keia ano. Ma keia mau wahi ae la elua ua loaa he poe kokua i ke Aupuni ma na ano a pau, a aole he kanalua ana no ka loaa o ka lanakila ia lakou ina i hoao ia () na liikoa a me na kanaka ma ka-Halekoa, a me ka Ilamuku me na makai a me na hoaloha he nui ma ka Halewai, ua makaukau lakou a me ka ikaika no hoi e hiki ole ai ke kaualua ia. Mamuli o ke noi ana a Hon. Paulo Numana a me kekahi mau hoaloha e ae o ke Aupuni i ke Kuhina Kiwini, ua haawi ia aku la ka mana o ka Hale Aupuni i na kon a Amerika. Ua kuahaua koke mai la ka Moiwahine mahope iho i kona manao mua o ka lahui no kona waiho i ke kala inu, me kona hiliuai ana na ka noonoo kaulike o ka lahui Amerika e hooponopono i ka hana a keia poe.

[Aole i pau.]

 

            Ma ka Poakolu o ka pu`e i hala, ua hamu ae la na alelo a ke aloha ole i kekahi Hotele i mahalo nui ia e na m a a pau ma ke kaona o Hilo Bay. O Joe Vitoli ka ona o kela Hotele i hoike ia ae la, a o na lilo o ka hana ana i ua hotele la he $1,900, a ua hoolimalima ia mai ia Joe Viela, aole nae i maopopo ke kumu i pau ai i ke ahi. He nui ka wai o na kahawai o Hilo i kela mau pule aku nei i hala, o ka hele ia o ka wai a haale i ke pili, pela ka lono i hai ia mai nra ke Kalaudine i ke kakahiaka e nehinei.