Ka Lei Momi, Volume I, Number 6, 28 Iune 1893 — KE AUPUNI MOI. [ARTICLE]

KE AUPUNI MOI.

AOLE LOA he manawa kupilikii o ka Paredaiso o ka Pakipika i ike ia e like hoi me keia au e nee nei, a nolaila ke ake nei makou e ike pono ka lahui nona iho. E nana hoi kakou ano, ua kahuli ke Aupuni Moi o Hawaii i keia 1890 mai ka malama mai hoi o lanuari. O na ohuohu o ke kalaunu, ua nalo ae la, ka mea maluna e noho ana ua hookaawale ia ae la. Ua eha- ka naau o na kupa ponoi o Hawaii Lahui. Ua maopopo no ia kakou ia mau mea, aka, e nana ae nae hoi, he mau mea nae e ao mai ana ia kakou me ka ehaeha pu o ka naau no keia mau ouli a pau i ili iho maluna o Hawaii Paredaiso, a na kakou e nu iho, me ka ui ana ia kakou iho—Heaha la ko kakou mea i hana ia mai ai penei? A pehea Ia kakou e pakele ai mai keia mau ale poi pu ae? Maluna - o keia mau ouli ke ake nui nei makou e ike lea ka lahui i ka moa i hana ia a me ka-ukali kupono o ia mau hana ia a i loaa iho la. Oiai, no makou iho, aole loa makou i hauoli i ka hookahuli aupuni i ohumu malu ia e kekahi poe kakaikahi walo no e hoonele loa i ka memele o ka ahuula a me ke aka o na mahoe ma hai o ke kalaunu, a ua hoohakahaka ia o Hawaii me ka malu o ka leo alii poo kalaunu, aka no ka wa ano, he makehewa paha ko kakou huli like aua ihope e hulikole ai. He mau mea hookole waha wale no ia. E aho paha e imi nui aku kakou me ka noho haahaa ana no ka hopena hauoli e hiki mai ana maluna ou e Hawaii e like me ka manao o ka mea nana e olokaa nei i ke ao nei maluna o ka ole. Waiho na mea a pau, kulu aka waimaka, a hoike aku imua o ke Alii o na alii, ua nele makou i ka ikaika e paio no ko makou aina, ua nele pu hoi ina lako a pau, waiho ilalo me ka haahaa, alaila, ke hele la kakou imua me ka waimaka, e juli hoi mai no auanei ia me ka hauoli nui. Hoike i na pilikia i ka paehumu o ka noho alii o na lani e ninini mai i ke kohau o ka hoomaikai ia maluna o Hawaii a ola ae o Iakoba.