Ka Lei Momi, Volume I, Number 5, 27 Iune 1893 — Page 3
| This text was transcribed by: | Inger Hojfeldt |
| This work is dedicated to: | Daughters of Hawaii |
KA LEO O KA LAHUI.
"E Mau ke Ea o ka Aina i ka Pono."
NA MOMU HOLO AKU
Poakahi, Iune 23.
U S S Aduna, no ka hoomaamaa kipu.
Hawaii, no Paauhau, Ookala, Hakalau, Pepeekeo, Laupahoehoe me Koholalele, hora 1.
Mok@i, no Molokai a me Lanai.
@la, no Kapaa.
@pa, no Kahuku.
K@ni Kamaki, no Koolau.
Iwalani, no Makaweli.
MOKU HOLO I KELA LA.
Malulani, no Lahaina, Maal@a, na Kona a me Kau.
Mikahala, no Nawiliwili, Koloa, Hanapepe, Waimea a me Kekaha, Kauai.
Likelike, no Kahului a me Hana.
Kawailani, no Koolau.
Sarah me Eliza, no Koolau.
Miike Maru, no Iokohama, hora 4.
KELA A ME KEIA.
O na puali Kamehameha a me Hawaii ke paani ana i keia ahiahi Poaono iho e hiki mai ana, Iulai 1, hora 3:30.
Aole makou iloko o ka uwila a me ke ahi, aka, aia makou iloko o ka ha@amu o ke aheahe mahe.
Ke hele loa mai nei keia mau la e kakau i ka maleo haha, aole he mau mea hou ana nui e pili ana no kakou.
Hoohonohono laa no h@ ka leo o ke Gita i ko makou Keena hana i ka ponei, hai pu mai la hoi me ka oeoo o ka wai o ka piula-palanehe lua i ka piko olu o Waialeale Ae. Hu ka aka.
Ku ka liki ia Nuuanu i kekahi mau luna lawe pepa o makou i ka la inehinei, nana aku oe, puehu liilii ka lepo o kapuahi ia laua. E hoomanawanui iho olua, pele iho a maa poae iho i ka hana.
Ma ke ka ana mai o ka Mokupea Kilona i ka la Sabati nei, na loaa mai la ka lono maluna mai ona no ka hookehu ia ana mai nei o @ makanawai L@need o Tenesi. Hele Kuhina Noho no Amerika Huipuia ma Hawaii nei, ma kihi o James H. Blount i waiho aku.
Ma ka hora 9 o ka po Sabati nei, Iune 20, ua kii palanehe mai la ka h@a menemene ole o ka make i ka hapuu hou loa a losna a me kana wahine, ma ko la ua wahi noho ma Kauluwela a lawe aku la ina kela aoao o ka honua. Ke noho nei na makua a me ka ohaha iloko o ke kaumaha luuluu no ke kamalei i hala aku. Ke komo pu aku nei makou me ka u ana nona.
Ua hala aku ka Mainland i ka hora 10 o keia kakahiaka no kona mau kalu o Maui, a me Hawaii.
Ke hana mau ala no ka ma@a @ i kana mau hana hookalakunua, o ka hoopulamalama i kona nani, ma ka waha o ka lua o Kilauea, ma Hawaii.
Ohuohu mau no makou e puka aku nei me na kuhinia ono o na mea heluhelu, no ka pomaikai o ko makou mau makamaka puni mea hou. Oia ka nani!
Ua hoopanee ia ka Hui Keaka Hawaii i ka hoike ana i ka lakou mau mea lealea ma keia Poaono iho, a kahi manawa aku.
E malamaia ana he heihei lio mawaena o na lio Lord Brock o W.H. Cornwell, a me Duke Spencer o W.H. Rickards, ma ka la 2 o Sepatemaba.
O ka mahina konane maikai ko luna iho i ka ponoi, a o ko makou keiki kukulu hua kepau ko lalo me na ihoiho kukui, e hoomalamalama ana i na wahi pouliuli o lalo o ka hale. Ua hiki-o ka pono ia.
Ua loaa mai ia makou he lono mai kekahi makamaka mai o Hawaii, ma keia huli hoi ana mai nei a ka mokuahi Malulani, he nui ka ino o kona mau awa ma kona alahele huli hoi i ke taona nei.
Ua lilo i mea hoihoi ele ka paani kinipopo o ka Poaono i hala, mamuli o ka eleeleu ole o ka puali Cresent. Ua ahai o Hawaii i ka lanakila o ia lealea, he 10 puni, kue ia hookahi o kona hoa.
I keia ahiahi hora 4 e haalele mai ai ka mokuahi Miike Maru no Iokohama. E hoihoi pu aku ana oia ia 450 mau limahana Iapana o na kane me na wahine a pau ko lakou manawa o ke kipa ia ana ma Hawaii nei.
No keia poe keonimana malalo iho ko makou mau hoomaikai ana a nui, no ko lakou ae ana mai e kokua ia makou iloko o ko makou wa popilikia. Ioba, Kimo, Keala, Kalei a me Dominiko. A ina paha he mea hiki ia makou ke ume mai i kekahi mau hunahuna ma@enia o ka lani, ina o a makou makana ia mamua o ke dala a me ke gula.
I ke ano ahiahi nei ua lawe a lilo ae na keiki o keia oihana a ko makou mau hanau mua kalii e hoohana ia nei o ka kakou milimili KA LEI MOMI, me ka lakou mau "Kaula o uwehone" a he ku maoli anei ke @kaili@puuwai, ke hoolohe aku
Na Niuhi o ka Moana Atelanita.
No ka pomaikai o ko makou poe heluhelu ke pahola aku nei makou i keia papahelu malalo iho, o na aumoku e hele'ku nei i na ale o ka moana Atelanika:
O ka mokuahi nui, Kahikina Nui, he 680 kapuai loa, 82 kapuai akea, a he 7650 ikaika lio o kona mau enegini. Kukuluia i ka 1858.
O ka Beritanika, he 455 kapuai loa, 46 kapuai laula, a he 5500 lio ikaika huki o kona mau enegini. Kukuluia i ka 1874.
Arizona, i kukuluia i ka 1879, he 450 kapuai loa, 45 kapuai laula, a he 6,300 lio ikaika huki o kona mau enegini.
Sereva, hanaia i ka 1581, he 515 kapuai loa, 52 kapuai laula, a he 10,300 lio ka ikaika hoonee o na enegini.
Alasaka, hanaia i ka 1881, nona na kapuai loa he 500, 50 ka laula, a he 10,500 lio ka ikaika hoonee o kona mau enegini mahu.
O ke kulanakauhale o Roma, hanaia i ka 1881, nona na kapuai he 546,51 kapuai laula, a he 1,800 lio ka ikaika hoonee o kona mau enegini.
Aurania, hanaia i ka 1882, me 470 kapuai loa, 57 kapuai laula, a he 8,500 lio ikaika hoonee o kona mau enegini.
O ka Oregona, hanaia i ka 1883, 500 kapuai loa, 54 kapuai laula, a he 8,375 lio ikaika hoonee.
Amerika, hanaia i ka 1881, 432 kapuai loa, 51 kapuai laula, a he 7,354 lio ikaika hoonee o na enegini.
Umbria, hanaia i ka 1884, 5015 kapuai loa, 572 kapuai laula, a he 14,321 lio ikaika hoonee o na enegini.
O ka Lahn, he 165 kapuai kona loa, 49 kapuai laula, a he 9,500 lio ka ikaika hoonee o kona mau enegini. Hanaia i ka 1887.
O ke Kulanakauhale o Parisa, he 500 kapuai kona loihi, 63 kapuai ka laula, a he 20,605 lio ka ikaika hoonee o kona mau enegini. Hanaia i ka 1888.
Augusta-Vitoria, hanaia i ka 1889. He 180 kapuai loa, 56 kapuai laula, a he @14,100 lio ka ikaika honee o kona mau enegini mahu.
Kohemebia, hanaia i ka 1889. He 180 kapuai ka loihi, 56 kapuai ka laula, a he 13,680 lio ka ikaika hoonee o na enegini.
Teutone, hanaia i ka 1890. He 550 kapuai kona loihi, 550 kapuai kona loihi, 575 kapuai ka laula, a he 19,000 ka ikaika hoonee o kona mau enegini ma Normannia, hanaia i ka 1890. He 520 kapuai loa, 57@-4 kapuai laula, a he 16,352 lio ka ikaika hoonee o kona mau enegini.
O ka Spree, he 485 ka loa, 52 kapuai ka laula, a he 13,000 lio ka ikaika hoonee o kona mau enegini. Panaia i ka 1890.
O ka Furst Bisimaka, he 5,025 kapuai loa, 575 kapuai laula, a he 16,412 lio ka ikaika hooneee o na enegini. Hanaia i ka 189@
O Campania, hanaia i ka 1892. He 620 kapuai ka loa, 643 kapuai ka loa, 653 kapuai ka laula, a a he 30,000 lio ka ikaika hoonee o kona mau enegini.
Ua oleloia o lakou ae la na moku ehiki ke oleloia he mau niuhi no ka Atelanika, he mau kaeaea hoi no na ale kawahawaha o ia moana nui hanupanupa. O na keena o keia mau moku pakahi, ua hanaia me ka maiau no ka oluolu maikai-o-ka noho ana iho me he aina maloo la. Hauoli wale ka hoi ka ike ana aku i ko lakou mau kinohinohi a na lima o ke kanaka i hana noeau ai.
Aliiolani.
He inoa keia nou e Kalani
O Aliiolani kuu hakuia
Aheahe mai ana ka lau makani
Aheahe malanai o Kawaihoa
O ko'u hoa oe i manao ai
I kau aku ai o kuu makemake
Aohe ike iho ua ihiihi
Ua kapu ia uka ia Kalani
Ua kuhihewa au ua iu loa
Hiki e ka makani Pakuikui
Minamina aku au o ka pua nani
O ka pua lamalama pua koolau
I mohala maikai i ke awakea
I nonohe enaena i ke ahiahi
Waipona olu hale o Hanauma
Ka piina welawela o Kaea
Holu nape na lio i ke kula loa
He ihona ikiiki lai Makapuu
Lohi apa i ke one o Pahonu
Hiki e ka makani o waena
He inoa keia nou e Kalani
O Aliiolani kuu haku ia
Makemake aku au o ka pua nani
O ka pua laha ole o na moku
I pupua maikai ma Honolulu
I mohala onaona ma ka hikina
Nani wale ka ikena ia Kaula
I ka moku kuhao alo i ke kai
E ake a ka manao o ka ike aku
I ka nani pau ole o ia wahi
E pehia mai la e na manu
O ko'u hoa oe i iini ai
I piipiikoi ai o ka makemake
Ahea la oe e maliu mae
Oiai na pua i ka wekiu
O lalama'ka manu i ka nui lehua
Naele ka manao ua lana mai
Ua hiki pu mai me ke aloha
Kupono ia pua na'u e kui
E kui no au a hoolawa
I lei mae ole nou e Kalani.
O Aliiolani he inoa ia
Lae Ahi
Iune 26, hora 10 p.m.-Oluolu maikai ke ea. Makani mai ka hikina-akau mai. Ke moani ae la ke ala onaona o ka opiuma i ka nuku o Mamala, o ka mahanahana'aia i Hanauma.