Ka Lei Momi, Volume I, Number 3, 23 June 1893 — Page 1
| This text was transcribed by: | Toshiaki Furukawa |
| This work is dedicated to: | Awaiaulu |
KA LEI MOMI
@UKE 1. HONOLULU, OAHU, IUNE 23, 1893. HELU 3
NUPEPA PUKA LA
KA LEI MOMI
W. H. KAPU
@ @ @ @hooponopono.
Ma Honolulu kona wahi noho.
@K@ PEPA:
No ka Makahiki $10 00
No ka Mahina 1 00
No ka Pule 25
No ke Kope Hookahi 10
K@KE KA RULA
E hoopuka mau ia ana i kela a me keia la. koe ke Sabati.
@ na kauoha nupepa a me na hooponopono dala ana. aia wale no me ka Luna Nui.
Aia wale no me ka Luna Nui a Lunahooponopono na kuka ana no na mea e pili ana i ka uku o na olelo hoolaha. na kanikau, na mele inoa, a pela aku. Aole loa e hoopukaia kekahi o keia mau mea ke hookaa mua oie ia mai ka uku.
@ na poe a pau e makemake ana e lawe i ka Nupepa KA LEI MOMI e hookaa mua ia mai ka uku, ina ma ka Pule a ma ka Mahina paha. Aole hoaie.
E hoopukaia aku no na manao o na makamaka ma keia Nupepa i ku i ke ano hoonaauao mai a me na mea hou o kela a me keia ano, koe na hoopaapaa pilikino ano ole. E hoouna mai i na manao i ka Lunahooponopono.
KEENA HANA: Ma kahi noho (no ka manawa), Alanui Kula.
HE MOOLELO KAAO
NO
MONE TIKERO
@
HOLOLIO I KA WA HOOILO
KA
@MAALO I KE KUPULAU.
A O KE
KEIKIALII HARE MATINE
KE
KIAHA OPAKA O NINEWA.
MOKUNA 1.
KE KAHUNAPULE A ME KE KAHUNA LAPAAU-KE KAMAIKI ALOHA IWAENA O NA ULULAAU-KA LIO KEOKEO I KA PO POULI.
I ka hoea ana aku o ka palapala a ua kahunapule la, nana iho la oia a ike i ka inoa o ka Moiwahine malalo o ua palapala la, a maloko o ua palapala nei e hoike mai ana ka moiwahine aole ona makemake e ike hou i kona mau helehelena maloko o ka halealii, aia wale no a hele pu aku oia me ke kahuna lapaau, alaila oia ike mai, a ua lilo iho la ia he mea maikai no i ua kahunapule la me kona manao iho he pono kela e hauaia nei, eia ka e ahuwale ana kana no'a.
I ka hiki ana aku hoi o ka palapala a ka Moiwahine iaia, ua ike iho la oia i ka inoa o ke kahunapule Uzima malalo, a ma ia palapala e hoike aku ana ua kahunapule la, aole ia e hiki aku i ekolu malama mamuli o kona lilo loa i na hana pili hoomana iwaena o na kanaka o ke kulanakauhale o Meka a me Medina, a ua lilo iho la ia he mea maikai no i ka Moiwahine.
I ka hala ana ae o na malama elua a oi ae, a he mau la wale no koe a piha ae ka ekolu malama, ia manawa i haalele aku ai o Dubana ke kahuna lapaau i ke kulanakauhale o Meka, a kamoe aku la oia i kana huakaihele no kahi o ka Moiwahine Tumerenia: a o ka hale mua ana i kipa ai oia no ka hale o Uzima ke kahunapule, a hookipa ia aku la oia me ka maikai me kona hoa@moe pu ana malaila
Ma ke kakahiaka o kekahi la ae, mahope iho o ka pau ana o ko laua paina kakahika, uhaele aku la laua no kahi o ka Moiwahine Tumerenia. I ko laua hoea ana aku @ hoike mai la @ kauwa ua ma @ loa ia ka moiwahine, a o Dubana wale no ke komo aku iloko.
Iloko o ia manawa i ulu koke ae ai ka manao iloko o Dubana ua nahunahu ka moiwahine, nolaila kauoha aku la oia i kekahi o na kauwa e lawe mai i pahu huinaha, i elua kapuai ka loa a me hookahi kapuai ka laula.
Iloko o ka manawa pokole wale no ua loaa mai la ua pahu la, a lalau aku la na kahuna lapaau la a komo pu aku la laua iloko me ke kahunapule.
A i ko laua hiki ana ma kekahi rumi okoa mai, ua hoonoho iho la ke kahuna lapaau ia Uzima malaila, me ka olelo pu ana iho:
"E noho oe maanei, a i kiei mai au ma keia puka komo, e hoomanao iho oe ua makemake ka moiwahine e ike ia oe, alaila hele ae no oe a honi iho iaia me ka hoomaumau ana iho."
Ae aku la no hoi ua kahunapule puni wale nei i ke a'oa'o a Dubana.
Ia wa i komo aku ai ua kahuna lapaau la iloko o ka rumi o ka moiwahine e moe la me ka pahu huinaha ma kona lima, a pani ae la i ka puka mahope ona, a ia manawa no i ike mai ai ka moiwahine a peahi wikiwiki mai la oia i kona mau lima a awiwi aku la no hoi ke kahuna lapaau, a imua o ke alo o ua moiwahine la i kukuli iho ai oia a hawanawana mai la ka moiwahine me ka olelo ana:
"Eia au ke nahunahu nei e hanau."
Pane aku la ke kahuna lapaau,-"Ua hiki, no ka mea, aia ka anela ka mea nana keia keiki mawaho."
"Auwe!" wahi a ka moiwahine, "kainoa a ai au i ka laau lapaau, alaila la hoi hiki mai ka anela."
"Malia paha, ua noonoo mua no kela anela o ka manawa keia e hanau ai o kana keiki no ia mea i hiki mua mai nei oia."
Iloko o ia manawa i unuhi ae ai ua kahuna lapaau i kana omole laau mai kona poli ae, a ike iho la ka moiwahine i na huapalapala mawaho o ua wahi omole la, "Ka laau lapaau o ua Anela," a ninini iho la ua kahuna lapaau la iloko o kekahi kiaha aniani opaka a hoohainu aku la i ka moiwahine.
Ma ia manawa no unuhi hou ae la oia i kekahi kahakahana lole keokeo mai kona poli ae, a palulu aku la oia i na maka o ka moiwahine me ka hikii i na apana apua mahope o kona poo. Iloko o keia manawa, aia ka manamanalima akau o ua kahuna lapaau la i ka umauma o ka moiwahine kahi i kau ai, me he mea la e nana ana i ke ano o ke kuakoko. A i ka manawa ona i ike ai e hiki ana ke kuakoko e hemo ai ke keiki iwaho, ia manawa oia i kahea ae ai me ka leo nui, "E Mone Tikero, ka Anela o ka maluhia, e kii mai oe i kau keiki!"
Ia manawa i hiki iho ai ke kuakoko me ka ikaika iluna o ka moiwahine a puka aku la ke keiki iwaho, hopu ipo la ke kahuna lapaau me ka hikiwawe a wa-hi ae la i ka lole hulu kamelo a hookomo iho la iloko o ka pahu huinaha. Huli ae la ia a kii aku la i ke kahunapule Uzima me ka hoomau no o kona waha i ke kahea ana i ka anela, a i ka hemo ana o ka puka ua peahi aku la oia i ke kahunapule, a o ia kona manawa i ku ae ai a hele mai la.
I ka ike ana aku o ke kahuna lapaau i ka hoomaka ana mai o ke kahunapule e hele, ua huli ae la oia a hele awiwi aku la no kahi a ka moiwahine e waiho ana, a hoouhi iho la oia i ka moiwahine me kekahi kihei pili nui mai kona poo a na wawae, a ia manawa no hoi i hoea mai ai ke kahunapule, a peahi aku la ke kahuna lapaau e hele awiwi mai a ua hele wi@iwiki mai la ua kahunapule la imua me kona manao ua make ka moiwahine. Alaila, pane aku la ke kahuna lapaau, "alia oe e honi e iho i ka moiwahine."
[A puka hou aku.]