Ka Lei Momi, Volume I, Number 2, 22 June 1893 — NA LETA. [ARTICLE]

NA LETA.

Aole o makou makemake e lawe i ke kaumaha no na mea a pau e hoopuka ia aku nei malalo o keia poo manao, no na mea a pau i kukania mai e ka no ka kakou milimili. Marae Malu. Ma ke ahiahi o ka ka la 10 o Iune, ua Mareia o Sam Kipu, o Halawa, Molokai, me Miss Vilenika o Kapalama ae nei, ma kahi o Rev. J. Waiamau. I ka pau ana o ka hipuu ana, hiki ana ke kaikuaana o keia Vilenika me ka uwa kapalili ana no ke aloha ole i ko laua makuakane. Aole o laua makuahine. A nele no he maliu aku o ke kaikaina. Ua hala ka wa pono. Ua hamai e ka waina. He ma re keia aole i ae ka makuahine a me ka ohana. No Molokai no ka peelua kauhana. I kii aku ka mea e kaku nei i ka pee i m ia e ko kahunapule ia ahiahi. O Mrs. Elizabeth Hala Loa. Ma ka Poakahi iho nei, Iune 19, ma Kunawai nei, ua kipa palanehe mai la ka anela o ka make ma ka home o Mrs. Haui a ume malie ae la i ka uhane o Mrs. Elizabeth Kanoe he lede opio hoi a he pua ohaha hoi i oili mai mai ka puhaka mai e Mrs. Haui. Ma ka lima wale no he wahi ulia i hiki ole ke manaolena ia ua kokoke mai la hoi kona manawa, aka aole pela ka manao o ka Potera Nui. A i ka hora i manao ole ia, ua kiekie mai la ke Akua mawaho ona, a lilo aku la ke ola. O kona noho ana haahaa a akahai, ua hala pu ae la, o kona leo oluolu a heahea ua hamau; ua hala i ke ala hoi ole mai. O kona kokooiua he kanemare aia ma ka halepaahao o Kawa malalo o na auamo o ko kanawai no 20 makahiki, mamuli o kela huikau pu me I'uulolo o Lanai. Ua hanauia mai na laua oe bebe hookahi e ola nei. Aloha no ia makamaka i nane aka la. Ua moe aku la oia ma ka hale keo a me na wa maka he nui nona ma ka auina la o ka Paalua nei. Mrs. Luisi Kanawai, Iune 21, 1893. Nui ka mahaloia o ka haiolelo a J.E. Bush makai o ka papo mokualii i ka Poakolu nei, oiai ka Auseteralia e makaukau ana e holo no Kapalakiko. Ua piha makolukolu ka uwapo i na kanaka. Malaila ao na keiki o ka Bana Lahui kahi i kaulele ai i ka lakou mau hokeo, a he ku i ka nani na leo mele.