Ka Lei Momi, Volume I, Number 2, 22 Iune 1893 — EULALIA MA KIKAKO. [ARTICLE]

EULALIA MA KIKAKO.

Na Hoohanohano ho nui a ko ko Kulanakauhale Iaia. Ua hiki ae ma Kikako i ke kakahiaka o ka la 6 o Iune ke Kaikamahinealii Eulalia o Sepania. Ua hiamoe maikai oia maluna o ke kaaahi i ka po mamua iho a hiki i kona ala ana. P kakahiaka me ka oluolu. Hawaii tausani o na kanaka mai kela a me keia Mokuaina mai o ka Uniona a mai kela a me keia pea mai no hoi o ka honua, i akoakoa ma kahi hoolulu o ke kaaahi no ka haawi ana aku i na hoomaikai he nui iaia a me ka ike kumaka ana aku hoi i kona mau helehelena. Iaia i lele iho ai mailuna mai o ke kaa, ua nookipa aka la o Meia Harisona iaia ma ke ano he malihini kiekie na ka Hoikeike Nui o Kikako, a me ka pahola pu ana aku i na hoomaikai ana a ko ke kulanakauhale iaia a me kana kane. I ka wa a Harisona i apo aloha aku ai iaia ua honi iho la oia i kona mau lima, alaila ua hoolauna aku la ko Mera i na komite hookipa he lehulehu imua ona a me ke Keikialii. Antonio kana kane, ke Duke o Tamamesa a me na ukali me na lulu lima pumehana ana. Alaila lawe ia aku la ke Kaikamahine no kekahi i hookanawale ia nona me kona hoa, a o ko koena iho ma kekahi mau kaa okoa ae. Aia me kela me keia aoao o ke kaa ahi, e ukali ana he elua mau puali kaualio a me kekahi kaoo kanaka nui, e hooho ana me ka olioli a hiki wale no i Palema Hale. Eia me ke alo o keia hotele he mau tausani o na kanaka e kali ana o ka hoea aku o ke Kaikainahinealii me ka huakai holookoa. Ua hoouluwehiwehi ia ka hale a puni me na hae Sepania me Amerika. I ka hoea ana aku o ke kaa. ua huro ae la ka lehulehu, a ia manawa i lele-iho ai oia mai ke kaa ae a helewawae aku la no ka hotele me ke kuunou hoomaikai ana i ka lehulehu ma o a maanei o ke alahele. O ka nanaina o Fulalia he mohala ohana maikai, lauoho ano hauliuli, he mau maka poni kona. Akahi no oia a hehi i ka lepo o Amerika.