Ka Lei Momi, Volume I, Number 2, 22 June 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

AINA MAMAO.

 

HuiKea Peupuu Ka Lunakanawa mo ka Loio

 

 Ma ka la 9 o Iune, i ka wa e noho ana ka Aha Hoomalu e noonoo i ka hihia o kekahi wahine ma Guthrie, Oklahoma.  T.,ua h@ lolo koke iho la ka Lanakana@ ona noho a hele mai la e kuikui puupuu me ka Loio Allen o ka aoao pale.  Ua hahana ka paio ana mawaena o lana@ mamua o ka uwao ana a na makai ua kaheawai like ke keko ma ko laua mau ihu pakahi, a na uii na maka.  Ua hoopilia laua no ka hakakalua

   @ii @uu e ke Kekola.

 Oiai ka mokuahi Iapana Ma@uura Maia @waho ae o na lae kahakai o H@ ma ka la 7 o Mei, ua hookui aku la oia me kekahi mea me ka ikaika nui, me he la ua i'i m@iiuna o kekahi lae au, a ua l@u malie ka moku me ka oni ole.  He mau mina@ pokole ua hoonano ia ae la ka moku, a ike ia aku la he Kohoia.

 

Na Mokua ma Beritania

 

VITORIA (B.Co. Iune 6 - Ua holo aku ka mokukaua Nv@phe no Oolanaska@ i ke ahiahi nei a eku loa aku no ke kai lawaia o Berina.  Ua lawe pa aka oia he mau eke leta ao aa aumoka e hoolulu la ma ia kai O ke Champioa wale no ka moku e ku ia i ma Esekuimala. O ka Royal Auther, ka moku lawehae li@, me he la e ku mai ana eia ma ka la 19 o keia mahina.  Alaila ia wa e holo aka ai ke Champioa no ke pani ana ia Garneta, oiai oia e hai ana no ka home.  Ua manao wale ia e ku mai ana o Pheasant (Kolohala), no ka hai pu ana aku me ka moku laweh@e.

 

o na Moku poino

 

 Nu Ioka, Mei 25.- Ua hoaluiu@ mai nei ma Trenton, Nu Ierese, he hui imi i na ia aku poino ma ka moana.  O ke kumuwaiwai o ka hui he $2,500,000  O ka mokuahi Oregon i paholo ai mawaho o Mokupuni Ahi ka Lakou moku mua loa e hoao ana e hoala m@iiloko mai o ka hohonu.  Alaila mahe, aka na moku poino e ae

 

Hakana i ko @

 

 Vienna, Iune 6 - Ua hooana aku nei ka Emepera o Rusia i ke Sulelana o Tureke, he buke@ me na kii i peaa @iau ia o na au moku kaua a pau o Rusia e noho nei ma ke @ Eleele.

 

@ Poino

 

 (Seatile. Was'i.). Iune 6 - O ka mokuahi heinei Aquilla, i hoolilo ia mai ia Mr. Hearst e Joe McNaught he ehua makahiki aenei i hala, a i hooli'o hoa ia aku ia Peter Kirk, ua li@kui oia me ka mokuahi Elfin a piholo iho la i ku manawa pokole.  Aole he ola poina, a eia ka moku iluna o @ke alahuki moku.

 

Ke Kuikahi o Rusia.

 

 Wasinetona, Iune 6. - @ka halawai a ka Aha Kuhina i keia la, ua hooholo ia e ae aku i ke Kuikahi me Rusia a e mana ua kuikahi la mai ka la 25 aku o lune a i ole ia, i 20 la mai ka manawa mai i kuahauaia ai.

 

Barona Da Tuvil's.@

 

 I ka wa i ku mai ai o ka mokuahi Gaelie mai Kina mai ma ko ala ae o Honolulu, ua loaa mai la ka lono no ka make ana o ka Barona De Tuyll's maluna o kona oneki.  O kana wahine, ua iho aku i ka uwapo no ke apo aloha ana aku iaia mai kana huakai makaikai aku nei i na paemoku o Hawaii, me kona lohe maa ole i keia poino I kona wa nae i lohe mai ai no ka make o kana kane ma ka moana i ka la 1 o keia mahina, he mea e kona kaumaha a me ka luuluu.  Aia kona mau waimaka ke kaheawai la oiai oia e kaikai ia ana a hookau iluna o ke kaa e'na hoaloha, no ka lio@hoi ana i ka Hotele Halealii. O kauka Griffith (Kilitit@) ka mea nana i hoike aku imua ona i na mea e pili ana i kona huakai a me kona make ana: He 34 ka nui o na makahiki o ka Barona a he Enelani ma ka hinau ana.  Oiai oia ma Honakaona, Kina, na telegarapa aku la oia i kana wahine i Enelani no ka holo mai i Kapalakiko nei e hui pa ai me ia, aka, o ke kino puanuanu kana i ike iho.  E hoihoi loa ana ka wahine i ke kino o kana kane aloha i Enelani.

 

Kala a me Keia.

 

 Ua lilo ke eo o na lealea heihei moku o Beritania i ka moku heihei Beritania o ke Keikialii o wale o kona papa like i keia kau heihei moku.

 

 Ke holomoku la ka pahola ana a ka ma'i korela ma Rusia, Auseturia a me Asia Uuku,  Kau ka weli i na kanaka.

 

 Ua manaoia he aneane e umi miliona dala Gula e koma ana iloko o Amerika Huipuia mai na poe mai o Europa e hele ana i ka iloikeike Nui o Kikake.

 

 Eia o Enelani ke hoomakaukau nei no ka loiohiwahiwa@ ana i ka la e mare ia ai ke Keikialii Keoki, hooilina o - ke kalaunu, me ko Kaikamahinealii Mere o Teka i oko aenei o Ialai.

 

 O ka huina nui o na mile alanui hao kaaahi a puni o Europa i paa e holo ia nei e na kuaahi, he 142.658,  Geremania, he 27,000 Farani, he 24,000, Beritania Nui a me Irelani, he 20,000, Lusia, he 19,000, Auseturia, he 17,500, Italia, he 8,000, Sepania, 6000, Suedena a me Norewai, he 6,000, Belegiuma, he 3,000, Suizalana, he 2000,  Portugala, 1430,  Helene 572.  Ma na Mokuaina Hui hoi o Amerika, he 75,000 mau mile alanui hao

 

 He kaualima mau kauhale i hoopoino ia ma Galieia me Gli@eoina e ka waikahe nui.

 

 Ma Lemberg i ka la 8 iho nei, ua powa malu ia iho la o Akibihopa Sembratowies e kekahi poo he aneane e kanaha ka nui.

 

KELA A ME KEIA.

 

 Eia makou i ko elua o na la e oili aku nei imua o ko makou mau makamaka heluhelu.

 

 I ke ahiahi nei i ku mai ai ka mokuahi Miowera mai Vanekouwa mai, no ka holo loa ana aku no na Panalaau o ka Hema.

 

 Mai hoolalao loa oe i ka heluhelu ana ia More Tiketo, o hiu a wela auanei ua keiki maalo la i ke kupulau, Ae.

 

 Ua lohe mai makou ua hoole ke Komisina Blount i ka lawelawe ana i na hana haiolelo ma ka la 4 o Iulai e hiki mai ana, mamuli o kekahi mau kumu.

 

 Imua o ka Aha Apana inehinei, ua hoopaiia o Dill no ka hewa malama, opiuma, he $500 me eono mahina hoopaahao.  Kauono pono.

 

 Aia o Kauka Hai ke wahakole la imua o na haole ma Amerika e olelo ana he hupo a he hoomanakii kakou, aole nae ho hilinai ia.

 

 Ua holo aku ka Auseteralia inehinei no ka Ipuka Gula o Kaleponi, me ka hali pu i kekahi heluna nui o na waiwai Hawaii a me na ohua he lehulehu wale.

 

 Ua hookohuia aku o Kale Notale i luna duio@ awa no Hilo, a ma ke Kalaudina o ka Poalua nei i holo aku ai oia no kona kahua hou o ka hana.

 

 Ma ka hoike a ka nupepa "Pou" o Kapalakiko, aole he ano hoihoi o ka Peresidena o ka Repubalika no ka hoohuiaina, aka, me he la o waiho loa ia aku ana.  O ka pono ia, kiola loa aku i kahi hooleina moka.

 

 Eia makou i ka iuiu loa nei, he ike wale aku no nae makou i ke ka ae o ka e'a o ke lepo, eia ka auanei he piha kanaka ko ke kulanakauhale o Bahulona ma kela huli o Suria, a ike pu ia aku la no he anela e lele ana, a e hooho ana: "Ua haule!  Ua haule o Bahulona - Nui!!"  Oi Babylon Forever!!

 

 E lulu lima akau aloha pu kaua o Hawaii Holomua, nou ko makou kunou hoomaikai ana

 

 Ke i mai nei ko Kuokoa ouohinei@, aole ka o kalivilana me Blount ma ko ka lahui aoao no ka hoihoi ae i ka Moiwahine. Pela io paha!

 Ua kohu makaula io no ka hoi kahi kumakaia.

 

 Ua make ma ka Home Lunalilo i kekahi mau la o kela pule aka nei, o Maui, he kauaka Hawaii i hiki aku kona mau makahiki.  Hanauia oia iha Olowalu, Maui, i ka 1791.  Ua komo pu oia i ke kaua i ka wa o Kamehameha I.

 

He Mele.

 

Nani ka niauna ke kuahiwi o Waialeale.

Ke ku papu i ke kulao Huleia.

O Haupu no ka'u mahalo

I ka nani o Kalanipuu o noho nei

Iaia ka molo o ka honua

Ka poha ke kau o Ikuwa

E lana ai Kauai o Manokalani

Ala mai o Kaula me Nihoa

Alo mai ana ma ke kua o Lehua

Iau iho la i ka wai a ka Paoo

O'u hoa no ia i Kalakalaihi

Ke hoolale mai la ka Naulumakani o Niihau

Aia kahi pae la o Waiolono

Ke ako mai la Limaloa

I ka hale a Kaohai

E haalele ana i ke kaha o Ainaike

I ke ku i ke kapa pili o Kahelu

Ua kupu e ka ua a mamae ka nahele

Ka nahenahe o ke alo o ka mauu

Aohe wahi hemahema i ka Laalaau

Ua like no laua me Waiohuli i Kamaoha

Pau ole ko'u manaao ia Nualolo

I ke aki kaulana o Kamaile

E kuehu ana i ka Auhau

Ka haahoo i ka lawakua makani o Kalalau

E hoi e hoopumehana i Kahuanui

Nanea ka noho a Kaoamano

Mau akula no la i Waialoha

Aloha na Wahihe ako Lauae i Honopu

E hoohoni ana i ke ala pua o ku Mokihana

O ke aka ka hana ia Kilioe

E huai ae oe i niukana@

Aia ka'u aloha la o Naue

O na hale e au nei i ke kai

Ke alawa iho oe ia Haona

Aohe wahi piikai o laila

Hookahi kala@ a ka maikai

A ka nani e waiho nei

Aia hoi ha o na lehua o Lihau

O ka wai l@i ka a@maka

O ke one i Hoalii'a

Honi i ke ala o Poloikahinalo

@aila no ne mo ka manao

Ianei no au me ke aloha

O kaua pu no ilaila

 Ike - ala - o.