Ka Lei Momi, Volume I, Number 1, 21 June 1893 — KO WAKOU MAU MOOLELO. [ARTICLE]

KO MAKOU MAU MOOLELO.

No ko makou ake nui e hoopomaikai ia ko makou mau kini heluhelu a pau me na moolelo hoonanea a ku maoli no i ka ii a loko lilo loa, nolaila, ua wae ponoi mai makou mai na moolelo mai i hooiaio ia, no na mea kupaianaha i huli ia me ka noeau o ke kanaka, a i hunaia hoi maloko o ka honua, he mau keneturia makahiki ae nei i hala, ka noho ana o kekahi mau lahui kaulana i ka wa mamua aku o ka hanau ia ana mai o ko kakou Hoola ma ke ano kino kanaka na hana kupauaha i hanaia ia au i koliu wale aku la, kekahi o na momi maemae o ka Baihala a me na aui hoonanea e ae o ka namawa. O keia mau ono a pau, e huaikaika ana makou me ka pauaho ole e hookaawale i mau keena ku mau no ia mau anoi a pau me ka nana ole i na kaumaha o ia mau aui ale a pau. E loaa pu no he mau keena o na mea uneune noonoo ma ke ano e hoonaauao kekahi i kekahi ma ke alahele o ka noonoo kanaka makua a maemae, "No ka mea, o ka hooluliluli ana i ka pahu wai maemae i piha pono, e hanini mai ananei na kulu wai huihui no ka poe makewai. "E like hoi me ka mea e ohi ana i na iliili no kana umeke ai, a me ka mea hoi e kuu ana i ka upena ma ka waoakua one, pela no ka mea noonoo ole e ohi ana i na ui ano ole, a e pane ana hoi i na mamala olelo 'aku' ole." A nolaila, ho mai he leo, a ku ae i ke akea. alaila ui pono aku no ilaila - Nawai ke kupua oe? A o-ina ae he leo, alaila ikea auanei na lena llike ole. Hele i ka maemae, pono: a i kikokiko, hoihoi hou aku ana ia makou e holoholoi hou iho a maka-ala ke houi iho.