Ka Lei Momi, Volume I, Number 1, 21 June 1893 — KA OIHANA HOOLAHA NUPEPA. [ARTICLE]

KA OIHANA HOOLAHA NUPEPA.

Ia Hawaii e hoopunanaia ana malalo iho o na eheu o ka pouli, he mea akaka loa ua like no ia me kekahi hokuhele e auwana wale ana no iwaena o na lani me ka maopopo ole aku o kona ano, aka nae, aia a "Olino ka Malamalama" maluna o kona papalina a ikea ia kona ano a me kona kulana, he mea maopopo ua heluai oia iloko o ka huina o na hoku hele Aupuni o ka honua nei, a ua kaulona pu ia oia me ia mau Aupuni ma na ano a pau. A oiai hoi iwaena o na hana holomua loa a ka hoa Aupuni o Hawaii uuku, ka Paredaiso hoi o ka Pakipika, o ka Oihana Hoolaha Nupepa kekahi o na hana i hooikaika nui ia a o kekahi hoi o na mana nui iloko o ke Aupuni; a e ikeia no ke kulana holomua o kekahi Aupuni mamuli o ka ikaika o ia Oihana iloko o ia Aupuni, oia hoi ka mahuahuu o na nupepa i hoolahaia ma ia Aupuni; aka, pehea la o Hawaii nei, ua haule anei oia mahope o kona mau hoa Aupuni ma keia oihana nui a kaulani? Ke olelo nei makou. "Aole i haule hope o Hawaii ma koia oihana kaulana, eia no ia ko hooikaika nei ma na ano a pau e hooholomua i keia hana." Ma ko makou ike ana i ka holomua o na Kanaka Hawaii ma na mea e pili ana i na hana houkea noonoo ma na mea a lakou o heluhelu ui ma na nupepa, ua konoia mai makou e onou aku i keia nupepa hou nona ka inoa "KA LEI MOMI" imua o ko makou mau kini makamaka Hawaii, no ke kokua ana i ko lakou mau pono heluhelu, a hoakeu ae i ko lakou mau noonoo ma na mea he nui me ko makou papahi ana aku hoi i keia mau huaolelo, "Ua hoolaa makou i keia Nupepa no ka Pono, ku Pomaikai a me ka Holomua o na Kanaka Hawaii." E hoao ana makou ma na ano a pau me ka pauaho ole e hookuineki aku i kona mau kolamu me ua kalaimanao naauao, na

nuhou o na iana waweo, na nuhou o kakou iho na moolelo a me na kaao hoonanea, a kekahi mau manao waiwai e ae he nui. A o oukou no auanei e na makamaka heluhelu na hoike oiaio no ka makou mea e hoakaka nei.