Ka Lei Momi, Volume I, Number 1, 21 June 1893 — KE KAHUA LAULA O KA MAKAKILA. [ARTICLE]

KE KAHUA LAULA O KA MAKAKILA.

E ko anakou mau hiki mua o ke kahua laula o ka makakila, e ae mai i ko oukou muli pokii nei e kuilima pu aku: He nui na wa i hala o ko kakou aloalo pu ana i na inea o nei mea he kahua laula o ka makakila, a ua kiei ia e kakou na pali nihinihi o ka papa pai, na ono like ole mai na pea mai o na wahi a pau o ka poepoe honua a malalo o ia mau kaina wawae hookahi, ke ku nei makou ma na kapa o keia kahua kumahao a hoe kahi ko kakou ka'i huakai like ana ma keia kula laula i akaka ole kona mau palena ma kona mau aoao a pau. Aka no makou iho, ua ike no makou, he kahua pihopiho keia i kupono ole i ka mea naau pokole, a he nui hoi na auiui ale e poia pu ia ai ke halalo pono ole ia, nolaila, ke hai e aku nei no makou i ka hua o ka umauma ke alawa ae i ko makou mau rula.

Oiai no hoi, he mau ouli wale no ia no ka hanohano o na maka peni elua a oi ae paha e haualaoa ana, a ke noho mai la paha ke lehulehu o na kini e ae me ka anoi mau ana no na kuhinia o ka manawa. Nolaila, aole makou iloko o ke oiai, ka uwila, ke ahi a me ka makaui ikaika e haehae ana i ka waonahele, aka ina iho no makou iloko o ke kamunumu o ke aheahe malie.