Ka Leo o ka Lahui, Volume I, Number 19, 8 May 1896 — Page 3
| This text was transcribed by: | Maryann Acker |
| This work is dedicated to: | Judith Hyde |
KA LEO O KA LAHUI.
"E Mau ke Ea o ka Aina i ka Pono."
Pololei i ke kauoha. Ina noka hoohui ma ke koho balota malu, a e haawiia ka mana kaokoa no lakou e koho e like me ke kanawai koho o Auseteralia, he mea maopopo loa no kanaka Hawaii ka lolio kona manao kulike ole o ke koho balota akea e like me ke koho balota malu nona ponoi iho.
Aole o keia wale ka’u mea e hoike aku ia oe e Mr. Baluna, aka, o ka lele ana mai o na koa o ka mokukaua Bosetona a me ka ninau hunahuna a kekahi lala a ke komite 13 o ka aoao hoomaemae.
Kela ahiahi i lele mai ai na koa Ametika, ua halawai aku wau me Mr. Kakina, a nana keia ninau i pane mai ia’u ma ke ano hunajuna, a penei:
E Mr. Paka: Nawaii i kauoha aku i na koa Amerika e lele mai iuka nei?
Eia ka’u paue: “Aole au i ike, aka, he manaoio ko’u, na kela Keinite Hoopakele o ka Aoao hoomaemae o oukou i noi aku nei.”
KA PAPA OLA
Ma ka halawai ana a ka Papa Ola ma ka hora 3 onehinei, ua haiho ia ka heolohe ana i ka hoopii e pili ana ia Kauka Akana. Pake, no ka hewa, lapaau hemahema. Ua waihoia a keia mahina ae.
Ua hapai ka Papa i ka noonoo ana i ke kupono e kipaku i ka mokuahi Chittigong e holo mai nei no Honolulu nei mai Honekona mai, a aia malana o ia moku kela mai hepela eleele. Ua hooholo ka Papa aole e ae e hoolele ia mai na ohua, a hoohake i ka moku e holo.
He Pake ka i hoopaiia he $12 no ka mikioi loa i ka hahau pepa kulina.
Ke lelele la ka oili o Kepekaio imua o ka Aha Kaapani no ke kuai waiona.
Keaka lio ko ka po Poaono nenei no na ekeeke o kamalii keaka.
He hoolele opiuma ka hewa i hopu ia ai ke puhi ahi o ka Auseteralia.
E wehe ia ana ke kau Paani Popo mua loa o keia Kikina ma ka la 23 o keia mahina, mawaena o ka Honolulu kue la Hoku.
Ua holo aku ka mokuahi Waialeale no na awa o Lahaina me Hawaii i ko ahiahi nei.
Ua hooko aku makou i ka olelo kahiko, “E ike ia kokou hoakauaka.” Ua pilikia maeli makou i ka hilinai aku. Ua o’o ia makou e ua-hoa.
NU HOU KULOKO
Hora 5 onehinei holo aku ka mokuahi Kina.
Mariposa ko ke ahiahi o nehinei mai Kpalakiko mai.
He 4 me hapa keneta o ka paona kopaa ma Kapalakiko.
Ua hopuia a paa he kanaka no ke kolohe i ka puhipuhi okolehao.
Ua paa ae ia Holbus he hao le mahuka no ka moku kalepa Pactolus.
E i ae o Paraica me kana puali keaka hou ana i kii aku nei i Kalaponi, he mau wahine kekahi o ia poe.
He $50 ka hoopai o ka pake hoopae opiuma.
Hookahi mahina hoopaahao ko Kepano no ka wawahi hale ana.
Hookahi iniha ka hohonu o ke kuaua o ke ahiahi o ka Poalua nei.
Aia imua o ke kiure Hawaii ka hihia wawahi hale o Manu nakeo.
E hoomaha ana na Kula Aupuni a puni ka Paeaina ma ka la 26 o June, a e pau ana i Sepatemaba 7. He elua mahina ka loihio ka wa hauoli.
E ohuohu ana na kaa alahao o Ewa i ka poe makaikai heihei waapa o keia Poaono iho.
Ua kupoo o Wm. H. Hell o Maui i kona kani a-i a paa ma ka hoohiki e kakoo i ka repubalika, i loaa kahi hana kahahipi o na mahiko. Maa ia.
Oiai ua waiho maikai mai o Mr. D. M. Punni ia makou na kaa maluna o Mr. J. W. Mikasope ka lawelawe ana no makou me na luna pepa no na pepa ame ke dala.
Ua lohe mahuiia mai e kukulu aku ana kekahi poe kanaka i hui kalepa, pono no e kukulu pu i pupepa i loaa ona wahaolelo kahea halawai, na olelo a pela aku.
E hoomaopopo aku ana makou ma keia Poakahi iho, ma ke kaohi ana i na pepa a pau a ka poe i hookaa ole mai i ka uku pepa iloko o keia mau la. E haawi aku ana ma ka pepa i uku wale ia no.
Pakele mai hakipu ke kikala o kekahi keiki haole ma alanui Puowaina, i keia kakahiaka, mamuli o ka haule ana mailuna aku o ke kaa opala a Paahae ma, a pa iho la i niao pohaku, waiho lolo ana.
Ke hoomaamaa hoehoe waa pa nei na Makai i keia mau kakahiaka, no ko lakou komo pu aku e kakoo i na hana pili waiwai o keia Poaono ae ma Ewa. Mahalo i ka nunui o na io ua@a o ua makai, ka ikaika hoe a me ka like o na puka ilea me ko kela hohoholona o Kohala.
IMUA I NA WA A @ @
O MAKOU KA MUA, KUAI HOUHEHELO UUKU NANI PUKA
N. S. Sachs,
Helu 520, ma ke Alanui Papu, Honolulu nei
Na LOLE KUAI malalo o ke
KUMUKUAI EMI
HUKUHUKU PULUPULU, o na ano lehulehu a pau me ka maikai, no 12 i-a no $1.
NA LOLE KEOKEO, he mau kuai holopono loa, a o kahi oi loa keia o ka nui o na ano keokeo ma ke Kaona nei.
Ka Vitoria Lana, 10 i-a no 75 keneta.
Na Keokeo Maikai, kakauloa, pohaka a me kikokiko, ane maikai, 8 i-a no $1.
NA MAKALENA MAIKAI, o ua kii ano hon loa, ma ke ano o na pua a me na kakau ana.
HE MAU KUAI MAKEPONO MA NA ANO LIHILIHI A PAU.
Na Lihilihi ma ke kumukuai.
Na Lihilihi nani kupaa holoiia, 12 i-a no 60 keneta.
Na Lihilihi holoha, 5 iniha akea, he 15k wale no o ka i-a, a i ole no 12 i-a o ke $1.50* Mai hoohaule i keia kuai ana.
Ke kuai nei makou i na keokeo halenalena. 20 i-a no $1.
Na Keokeo maoli ano maikai, 1 i-a laula 12 i-a no $1.
NA PAPALE O NA WAHINE, ua ike anei oukou i na papale paikini hou
Lela o na Wahine.
Eia ia makoa na Keokeo, eleela a me na ano e ae.
Na Papale i hanaia no na uku hoemi haahaa loa.
N. S. SACKS, 520 Alanui Papu.
May5 tfd.
NA WAIWAI EMI
Kuai hooemi, kuai manuahi, a i ole he haawi wale aku no me ka nana ole ia o na lilo iloko o keia wa hune, a nele hoi i ka aina, eia ma ka halekuai KALAHIKI, penei na kuai ana, na Alapia huluhulu pelu palua o 39 iniha ka laula, he 35 keneta wale no o ka I-a, 30 iniha laula, .25 keneta o ka I-a, 26 iniha laula .10 keneta o ka I-a, na papale kaleponi eleele o na ano a pau $3.00 mamua, a i keia wa $1.00. E kipa, e komo, e wai nou iho, i ike pono i ka nani uluwohiwehi o KALAHIKI he ole hoi ka lohe pepeiao. E ike ia kakou hoa kanaka, mai kipa hewa ke aloha i ka manu Kolaka, ua like ia me ka manu Kolea, uliuli ka umauma, o ka hoi no ia i Kahiki, e ia ono ai.
KAUKA E. C. SURMANN
Kahunaiapaau Geremania.
Keena a me Wahi Noho: 137 Al. Papu
9 A.M. – 11 P.M.
Na hora hana: 2 P.M. – 4 P.M.
7 P.M. – 8 P.M.
Telepona 181,
April24. 1 m—dly.
Olelo Hoolaha.
I ka manawa e hiki mai ai o na mokumahu o ka Hui Mokumahu Waila, (i kaupelenaia) aole e ae ia kekahi mea o pii aku iluna o ka moku a pau moa na ohua iuka ka aina, me ka loaa ole o ka palapa la ae mai ke Keena aku; ke ole hoi ua loaa ka ae ia e na luna moku.
C. L. WIGHT.
Peresidena o ka Hui Moku Waila,
june12 tfd.