Ka Leo o ka Lahui, Volume I, Number 17, 5 Mei 1896 — Page 3
| This text was transcribed by: | Maryann Acker |
| This work is dedicated to: | Lee Hanger |
KA LEO O KA LAHUI.
"E Mau ke Ea o ka Aina i ka Pono."
@ KULOKO
He omaimai o loio Numana i keia mau la.
Inehinei ua, keia la wela.
Ke hoea hou aku nei ka moolelo piha hoonaukuiki nui wale o ka moi o Inia.
Mai poina ka poe puni nani i ke kipa ae ma ko N. S. Sach ma halekuai, e nana ai i ka lakou hoolaha e puka aku la.
Ke noho nei ke kau kiure repubalika i keia la, o lunakanawai Pere ke kahu o ka ola.
Oka poe makemake i na nui kanu, kipa mai a kuai ma ka pa o ka halepai o KA LEO, alanui pai palapala.
Lumilumi mai nei lakou nei ma i ka mea hou a ka lahui.
He halawai ka na kaikamahine lomilomi i ka hora 7:30 o keia ahiahi ma ko lakou keena.
Ma Kau, Hawaii, ua pahu ae kekahi pu, a komo ka poka iloko o ka opu o kekahi Iapana, ua weheia ka pola, e ola ana’ka Iapana.
I ko Kuhina Wili pae ana aku nei i Kapalakiko, ua paa loa ka waha o ua wahi puka-lua la aohe ekemu ae i na mea pili kalaiaina.
Ua make mai nei ma Kapalakiko, Kaleponi, o Mrs. Adalaide Loudaca Cornwell, ka luaui makuahine o ke Duke o Waikapu a me na kaikuahine. Hala ia kamaaina!
O ka poe a pau he mau koena aie ko lakou i ka Buke Lapaau Hawaii, e hoonua mai ia T. P. Spencer ma ke Keena o ka Leo.
Hora 4 ahiahi Poaono aenei e holo aku ai ka Auseteralia no ka ipuka lelo.
He eono poe mikioi loa i ka piliwaiwai i hahaoia ae iloko o kahi hoopaa no ka hoopaiia aku e ka Aha.
Apopo ku mai o Kina mai Kina a me Iapana mai.
Ua kipa pili oihana ae o Kanikela Mila o Amerika Hui i ke keena Kuhina o na Aina E o ka repubalika. Ua haawi ia aku iaia ke aloha maa mau--:I ke alo pu!”
E kudala ia aku ana ka apana aina o Mole Kivini a me J. L. Kivini ma ka apana o Kawaiaihao mokupuni Oahu a me kekahi apana aina o waiho la ma l’apolo, Lahaina, Maui, e ka Ilamuku ma kona keena i ka la 29 o Mei i ka hora 12 ponoi o ke awakea Poalima.
KE ANA WAIWAI
O keia mau huahelu mahalo iho nei, oia ka papa hoike piha o ka waiwai io o ke dala me ke gula ma ke ana auka o ke tona, a me ka huina kaumaha o ka waiwai io o ka miliona dala i hoohehee ia ma ka paona, penei:
Hookahi tona auka Dala,
ua like kona waiwai io
me ka huna o $37,704.84
$1,000,000 (apana dala)
ua like kona kaumaha
me na paona he 58,929.9
Hookahi lona auka gula
ua like kona waiwai $602,799.21
$1,000,000 (apana gula]
ua like kona kaumana
me na paona he 3,685
KA MAMA O KA NALO
Wahi a ka hoike a kekahi aliikoa Rukini i ke keena oihana hana mikini kaua o Rusia, oia no kona imi ana i ka ikaika u-pa alapine o ka nalo i kona mau eheu mai ka ohenana hoonui ike, ua hookomo pu iho oia i keia mau huaolelo ma ka hope loa o kana hoike, penei:
“O ka nalo, aia he ikaika u-pa o kona mau eheu i hiki aku i ke 30 manawa o kona kapalili ana iloko o ke sekona hookahi, a o kona mama lele hoi, ua hiki aku no ia i ko 40 mile iloko o ka hora.”
KIEKIE O NA HALE KAULANA
Mamuli o ka noonoo akahele me ke akamai hoomana wanui o ke kanaka, i ka hoala ana i na manao hoolala kaupaku hale kiekie, a me ka hooko maoli ana i ka hana o keia au hololua o ka naauao e uluwehi na aolewa me ko lakou mau nani i kinohinohi piha ia, oia keia papainoa o na hale kiekie e ku nei iloko o keia la ma ka helu kapuai e like me ia malalo iho:
Ua lilo i ke Towela Eiela o Parisa ka huahelu kiekie i aueane piha ke (ausani kapuai maluna o na kaupoku hale e ae.
Towela Efela, Parisa 989 kap
Kiahoomanao Wakinekona 555
Puramika o Keopo 543
Kauarasa 456
Sakaua 356
Halopule Sana Pekelo 448
Sana Paalo 365
Sana Pakarika 328
Pukauwahi o Daue@desa
Ma Galasego 454
Hale Ahaolelo o Ladana 340
Hale Aupuni Wakinekona 300
Kiahoomanao Bana Hila, A. 220
IMUA I NA WA A IMI @
O MAKOU KA MUA, KUAI HOUHEHELO UUKU NANI PUKA
N. S. Sachs,
Helu 520, ma ke Alanui Papu, Honolulu nei
Na LOLE KUAI malalo o ke
KUMUKUAI EMI
HUKUHUKU PULUPULU, o na ano lehulehu a pau me ka maikai, no 12 i-a no $1.
NA LOLE KEOKEO, he mau kuai holopono loa, a o kahi oi loa keia o ka nui o na ano keokeo ma ke Kaona nei.
Ka Vitoria Lana, 10 i-a no 75 keneta.
Na Keokeo Maikai, kakauloa, pohaka a me kikokiko, ane maikai, 8 i-a no $1.
NA MAKALENA MAIKAI, o ua kii ano hon loa, ma ke ano o na pua a me na kakau ana.
HE MAU KUAI MAKEPONO MA NA ANO LIHILIHI A PAU.
Na Lihilihi ma ke kumukuai.
Na Lihilihi nani kupaa holoiia, 12 i-a no 60 keneta.
Na Lihilihi holoha, 5 iniha akea, he 15k wale no o ka i-a, a i ole no 12 i-a o ke $1.50* Mai hoohaule i keia kuai ana.
Ke kuai nei makou i na keokeo halenalena. 20 i-a no $1.
Na Keokeo maoli ano maikai, 1 i-a laula 12 i-a no $1.
NA PAPALE O NA WAHINE, ua ike anei oukou i na papale pai@ hou
Lela o na Wahine.
Eia ia makoa na Keokeo, eleela a me na ano e ae.
Na Papale i hanaaia no na uku hoemi haahaa loa.
N. S. SACKS, 520 ALANUI PAPU.
May5 tfd.
NA WAIWAI EMI
Kuai hooemi, kuai manuahi, a i ole he haawi wale aku no me ka nana ole ia o na lilo iloko o keia wa hune, a nele hoi i ka aina, eia ma ka halekuai KALAHIKI, penei na kuai ana, na Alapia huluhulu pelu palua o 39 iniha ka laula, he 35 keneta wale no o ka I-a, 30 iniha laula, .25 keneta o ka I-a, 26 iniha laula .10 keneta o ka I-a, na papale kaleponi eleele o na ano a pau $3.00 mamua, a i keia wa $1.00. E kipa, e komo, e wai nou iho, i ike pono i ka nani uluwohiwehi o KALAHIKI he ole hoi ka lohe pepeiao. E ike ia kakou hoa kanaka, mai kipa hewa ke aloha i ka manu Kolaka, ua like ia me ka manu Kolea, uliuli ka umauma, o ka hoi no ia i Kahiki, e ia ono ai.
KAUKA E. C. SURMANN
Kahunaiapaau Geremania.
Keena a me Wahi Noho: 137 Al. Papu
9 A.M. – 11 P.M.
Na hora hana: 2 P.M. – 4 P.M.
7 P.M. – 8 P.M.
Telepona 181,
April24. 1 m—dly.
Olelo Hoolaha.
I ka manawa e hiki mai ai o na mokumahu o ka Hui Mokumalu Waila, (i kaupelenaia) aole e ae ia kekahi mea o pii aku iluna o ka moku a pau moa na ohua iuka ka aina, me ka loaa ole o ka palapa la ae mai ke Keena aku; ke ole hoi ua loaa ka ae ia e na luna moku.
C. L. WIGHT.
Peresidena o ka Hui Moku Waila,
june12 tfd.