Ka Leo o ka Lahui, Volume I, Number 16, 4 May 1896 — Page 1

KA LEO O KA LAHUI.

"E Mau ke Ea o ka Aina i ka Pono."

 

Buke 1.                                    HONOLULU,                        MEI 4, 1896                            Helu 18

 

HE MOOLELO HOONANEA.

 

NO

 

EVALINA,

 

KE

 

Kukui ila o Dubelina.

 

A ME

 

HAROLANA,

 

A O KE ALOHA KAKIA I KA,

 

IWI.

 

(Hooheno ia no Ka Leo).

 

            (E na makamaka heluhelu,. Ua loihi ae nei na la i hala, aole kakou i halawai iki me ka kakou moolelo hoonanea, ka mea hoi nana i kona mai i ka oukou mea kakau moolelo e hoopuka. Aka, aole ma ko makou manao iho, aka, mamuli o ke kono pinepine mai o na makamaka heluhelu, nolaila, eia mai oia ke oili hou nei, e like me kona ano mau, a a o na ulia o ka mana wa he mea ike ole ia ia).

            O keia mau olelo hookaau a hoopuku ia mai ka lehelehe aku o ka ui Evalina, ua like ia me ka waiu a me ka meli a kahe ana iloko o ka punawai o Harolana wiahona noonoo.

            A ke haupa pono i na huaolelo i pa pono aku ma ka pahu kani o kona mau pepi, ao, ua like ia me oa meli e kahe ana, a he momona hoi a mikomiko ke ai iho ia mau huaolelo hoeha puuwai.

            E like me ka noho ana o na opio hou malalo o ka malumalumalu o ke aloha pela laua i awili ai i na haawina o ka hauoli iloko o ko laua mau la o ka hoau ana ai ma ke kuau o ka hoeka, o ka noho ana o ke kane a me ka wahine.

            Ua hoopoino ia aku na hoomanao ana i na la hala, a ua hoi mai na hoomanao ana a i na la a laua kuwili nei iloko o ke aloha ikaika iwi.

            Pau ko Harolana manao ana ae no kono mau luaui makua, e waiho mai la iloko o ka ehaeha, a na poino pu na hoomanao ana no na mea a pau, a hookahi mea noonoo a kona puniu, o kahi punawai hoohauli puuwai o Maulili.

            He mau la loihi ko laua noho pela me ka piha pono o ko laua manawa iloko o na haawina o ke aloha, a i kekahi po, mahope iho o ka pau ana o ko laua paina ahiahi, ua hoi e aku la o Harolana e moe ma kona wahi moe, a ua noho iho la o Evalina me kona kahu hanai no ke kuka pu ana me ia no ka mea a kona puuwai i makemake ai e hana.

            Oiai hoi, e hoihoi aku ana au ia oe imua o kou mau makua a me kou lehulehu a pau.

            I ka wa e ike mai ai o kona mau makua ia oe a me kou kokoolua o keia mua aku e lilo aku ana ia i mea hauoli i ko lana manao.

            No ka mea, ua hooko au i ka mea k ko’u waha i ae ai a i hoohiki aku ai hoi imua o kou makuakane moi, i piha i ka naau maemae a me ke akahi.

            Nolaila, e hai aku au ia oe e kuu luhi, kuu kokoolua hei o keia wahi laukanaka ole i hoolaukanaka ia hoi i ka leo weliweli o ko kaua mau kiai makaala.

            I ka la apopo, oia hoi ka piha pono ana o na makahiki he 18, o kou mau la hanau, oia ko kaua wa e hoea aku ai imua i ke alo o kou mau makua ponoi.

            A ina e ae mai ana kou kokoolua e hele pu me oe ma keia huakai alaila, he hooi loa aku ia i ko’u hauoli palena ole maluna ona.

 

PEKELO ka NUI

 

A I OLE LA, KE

 

Za-puuwai Liona

 

O. Rusia.

 

KA

 

Nohoalii o Alekanedero

 

            He ninau hoohewahewa ole, a he kumu hiki ole i ke kanaka hupo loa ke kanalua iho, o ke aupuni Emepire o Rusia e ku nei iloko o keia la mai kona kukulu mua ia ana mai kahiko loa mai mahope iho o kela Kaiakahinalii, oia ka okana aina nui i palapala ia kona mau palena me na huuolelo moakaka o ka ppaanaau.

“Aina nui palahalaha

E noke oe i ka holo a pau ko aho.”

            Aole he nohoalii e ae o na lahuikanaka a pau o ke ao nei, e hiki ke hoohalike ia ko lakou mau kumuhana o ke au hoomalu lahui e like me ko Rusia, a iloko hoi o ia au na aupo a Petero ka Nui i unuhi mai ai i kona mana nui a hoohana aku no kona lahui, ua ike ia mahope mai, oia ke ka eaea hookahi nana e hooko i kona manao hana me ke kali ole i na olelo hookomo ia mai e kekahi kanaka hanu ola e ae, a malalo o ia kumu i kau ia ai ka weli me na hou manao poina ole e kona mau enemi i na wa a pau ana e makaukau ia no ke komo iloko o kekahi mau okana aina, aia he hooili kaua hahana e hoouka ia me ke kali ole no na kukai olelo e loaa ka maluhia ma na kuka olelo wale o ke ano kamalii.

            O ka ili aina o Rusia holookoa mai na kihi huiua-ha mai o ke panana oia ka hapalua like o Europa holookoa i noho ia e na lahui puuwai lili o kekahi okana aina i kekahi okana aina, a ua pahola pinepine mai ka ma’i luku nui o ke kaua i hookele ia e na manao koa o ka wiwo ole a me ka noho’na hupo, a ua kaulana na kanaka e puka ana mai loko mai o kona mau okana aina, mai laila mai na haumana ahiu i hanau ia maluna o na pauku hau huihui, a e hiki ole ia i ke aloha kana la ke hoomahelie i ko lakou naina ke hap@ ia e na @ o ka manawa malulo o ke humulana pepehikanaka o na kahua kaua.

            Iloko o ka noho’na ohana o na lahui naauao i loaa he mulamalama mai ka pouli mai o like no palia me ko Hawai nei noho’na lahui i ka wa kahiko, ua hoopuka ia he mau olelo hoohewahewa ole no ka hiki i kekahi lahuikanaka  iloko o ka pouli me ka hupo ke pii iluna o na anu i o ka malamalama me ka noho’na maemae, a o kekahi o ia mau anpuni i noho noomala ia e ka mana alii hanau o ka aina, oia no o Rusia malalo o ke alakai ana a na manao wiwo ole o ka mana moi, a ua ponepone na hakoko me na hookahe koko weliweli nana i lawe ae ia Rusia ma kapa o ka lua hohonu o na hoomakaukau kaua me na aupuni kuwaho e ae o Europa.

            Ua mahele ia o Rusia aina iloko o elua mahele aina, a i kapaia ma ka inoa o Rusia Maloo me Rusia Hau. O Mosekowa, oia ke kulanakauhele alii kahiko o rusia, a ilaila e hooko ia ai na hana pili kanawai o na ano a pau mai ka nohoalii aku. I ka makahiki 1613, oia ka noho ana o ka Ahakuka ma Mosekowa a keho ia o Mikaela Romanowa, ke keikikane hookahi a Pilarete Akibihopa o Rosetowa, he ohana pili kokoke loa i ka papa Moi o na Za o Rusia, e noho ma ka nohoalii a rula i ka hopena o ko Rusia mau okana aina e hakoko ana me na aupuni Moi kuwaho o Europa ia mau la na la hei i pa lapala ia ma kona moolelo pili lahui—“ka oi aku o na manao weliweli i hooko ia malalo o ka puuwai wiwo ole, e ko Rusia mau keikikane lae-oo o ka makee i ka i inoa i hanohano o kona aina hanau.”

            I ko Mikaela noho ana ma ka nohoalii, nona na la i olelo ia—he makemake oie i ka maluhia, a o ka weliweli o na kahua haua i hoohana ia e kona mau lima, na lilo ia he a kua lapu no kona nohoalii, a na haawi wale ia na okana aina kuwaho i k@ e loaa ai ka noho’na maluhia e ka @ haawi pio wale. Nolaila @ ka makahiki 1645, na make aku la oia me ka waiho ana @ ka nohoalii i kana keiki @ oia a Alekanedero, ka makuakane o Peteroka Nui, ka Moi Puuwai Liona o keia moolelo a kakou e heluhelu nei.