Ka Leo o ka Lahui, Volume I, Number 12, 28 April 1896 — Page 3
| This text was transcribed by: | Tenille Afemata-Marasco |
| This work is dedicated to: | To my Grandma Lucy. Thank you for your great examples. Miss and love you so much. |
KA LEO O KA LAHUI.
"E Mau ke Ea o ka Aina i ka Pono."
E na oa Makaainana Aloha, ka io, ke koko a me ka iwi ou e Hawaii Aina, Hawaii Lahui a me Hawaii Aupuni alii, e paa a paa ke Aloha Aina oiaio, i mau ai ka hanohano o ko kakou noho Lahui ana.
Oiai hoi, eia ke lohelohe ia mai nei kekahi hana poholalo e hanaia ana ma keia mua iho, a ua makemake ia hoi poe i hoonaanao maikai ia e komo pu aku iloko o na alakai ana @@@@@oe noonoo papau, i hik ole noi ke hilimaiia.
Oiai hoi o keia poe, oia lakou ke alakai ia nei e ka poe i ike ole i ke kakau a me ka heluhelu, a ke waha wai mai nei, e kokua aku ia lakou no ke kukulu ana i Aupuni hou.
Mamuli o keia lono a makou i iohe ai, oia keia e ao aku nei ia oukou ko makou Lahui ponoi; mai puni aku oukou, mai ae, a mai komo aku e kakoo i ka lakou mau hana, oiai hoi he alahele ia o ka pilikia e hiki mai ana. EW hookuu aku no ia poe e hana e like me ko lakou makamake ponoi iho no
A mai poina e ka Lahui oiwi i ka makia paa a Ka uikeaouli e o nei: Ua mau ke ea o ka aina i ka Pono. E ola o Hawaii i ke Akua.
------------------------------
Piha kui ka Aha Mele o na Kaikuahine lomilomi o ka po Poaono nei, u ahiki ia waho ke ike wale aku.
Mai ka hale kiai o ka Lua o Pele kekahi lono e hoike ana, mahope e ko Pele nalowale ana iluna o Makuaweoweo, aole oia i hoea aku ilalo o Halemaumau e muki papalina me ka mea kiai.
No ka Poaono nei ka lono i loaa mai ma ka mokuahi Waialeale mai Hawaii, ua hoole o Pele i ka hoohiku e kakoo i ka Repubalika, a ua pau ka a ana iluna o Mokuaweoweo i keia wa, he kumu ka kona o ka hoole ana, no kela kanawai kaupalena e keakea ana i ka hele ana ma kekahi mau apana e aku. Ke nune la na uwea olelo a puni o Hawaii i ke akamai o Pele. Ke manao wale ia la nae e ano hoimihala ana oia ia kai o Kau, iwaena o na mahike a malia o holo aku lakou nei ae e kaua i ko Pele kue kauoha.
…..APERILA…..
Sabati………….5 12 19 26
Poakahi………..6 13 20 27
Poalua…………7 14 21 28
Poakolu……1 8 15 22 @@
Poaha………2 9 16 23 30
Poalima…….3 10 17 24
Poaono……..4 11 18 25
--------------------------------
NU HOU KULOKO
--------------------------------------
No ko makou malihini i naLuna pepa o keia Keena, ua ko hoia aku o Mr. D.M. Punini i Agena lawelawe no makou ma na mea pili i ke dala a me na pepa.
O ka poe makemake ana i mau Buke Lapaau Hawaii, e hoeuna mai i na kauoha ia makou.
O ka poe a pau he mau koena aie ko lakou i ka Buke Lapaau Hawaii, e hoouna mai ia T.P. Spencer ma ke Keena o ka Leo.
A popo ka moolelo o kela Maoi kaulio o Inia.
Kulikuli au ia oe Manu kapalulu.
Apopo kela moeuhane hoolakolako.
Ua hoopaiia o Chung Hoon he $50 no ka malama opiuma.
He paina la hanau no Irmgard Makapolena ko ke ahiahi Poaono i hala.
Apopo paha holo aku ke Komite o ka Ahaolelo no Kalaupapa, Molokai.
Ua lawe aku ka mokualii Rio Kamela no Kina he 58 Pake, a me 212 Iapana.
Ua haule o Morris Keohoka lole i kona hoa pahupahu Mr.Howe, he 200 paina kue ia 196. E ulele hou ana laua.
Ua hoohalahala a haalele hookuakeo paha ka lunahoomalu o ke komite hooko o ka Ahahui Kalaiaina.
I keia la i kuai kudalaia kuai ka pa halenoho o Hanale Bakalamana, a me hookahi hapaha o ka luawai huahuai.
I ka mokuahi Mauna Lebanona he 150 mile maluna aku o Hawaii, ua hauoli loa kona poe ohua i ka ike mai i ka Pele o Mokuaweoweo.
Ua haalele aku o John Cassidy i kona noho hana ana no ka oihana uwila o ke Aupuni, oia ka luna nui o ia oihana, a ua nune kor@ haalele ana.
Ua maau aku kekahi poe i uka o Palolo mehinei, i ka huli Jelly Hao, aole nae he loaa. No Honolulu nei kela poe, a ua hanaiia lakou e ko Palolo poe i ke kamano.
---------------------------------------
Keena -:- Oihana
------------------------
Ua wehe ae nei he hoa kamaaina kahiko i kona lahui, no kekahi mau haawina pili i ka noho’na ohana me hoopiha hemahema o na hoa a puni na mokupuni, oia o
MR. KANAKALIILII
(J. P. H. Kanakaliilii)
Ua wehe ae nei oia i kona keena hana ma alanui Maunakea kokoke i ke alanui Beritania, malaila oia e loaa ai me na lako hale, oia
NA BELA MOE,
NA NOHO KOKI
a hoomaemae i na mea kaiko
NA PAHUKUPAPAU,
KAAHOOLEWA
IALOA i na kina o ka poe make, iua ma ka hookemo ana i ka hau, a i ole ia ma ka pauma ana paha, he oluelu loa ka uku, a e hele oe a ike maka ia kakou Hawaii penoi, alaila kupaa mahope e ka aina.
apr27
------------------------------------
KAUKA E. C. SURMANN
-----------------------------
Kahunalapaau Geremania.
-------------------------------
Keena a me Wahi Noho: 137 Al. Papu
9 A.M. A 11 P.M.
No hora bana: 2 P.M. A 4 P.M.
7 P.M. A 8 P.M.
Telepona 181,
april24. im---dly.
--------------------------------------
AINA KUAI
---------------------
Chas P: Colburn Carlos A Long
HUI IMI WAIWAI O KA NOEONA
PONO.
---------------------
E Na makamaka a
me na hoaloha.
Welina kakou:----
UAKUKULU ae nei ka mea non ka inoa malalo iho nei i HUI MALAMA WAIHONA DALA A IMI POMAIKAI no na nea a pau e komo ana iloko o keia hui i kapaia ma ka inoa, KA HUI IMI WAIWAI O KA NOHO’NO PONO elike me ka mea i hoikeia maluna.
NOLAILA, ke kono a ke poloai aku nei au ina makama a me na hoa’loha a pau e makemake ana e hui pu a e komo like mai e lulu a hoiliili ina wahi dala uuku a kela a me keia mea ma ka waihona o ka hui i mea e hiki ai ke hapai i kekahi hana nui e holomua a e pomaikai ai na poe a pau i hookahi iloko o ke apo o ke aloha a me ke kuikahi i loaa ai ia kakou ka noho’na kuonoono o keia mua aku.
A mea a pau e makemake ana e komo mai iloko o ka hui i oleloia malun@ ae, e looa @o ia lakou ka ike a me ka hoonaauao ia ana aku no na kumuhaka, na aiakai hana ana a me na hoolala a pau pei’i ana i ka hui, mamali o ko la kou hele kino ana mai e hui a e kuka pu me ka mea nona ka inoa malalo iho nei, a nana e wehewehe aku i ke kulana, ke ano a mo na mea a pau i makemakeia hoohana i mea e holomua ai, a e pomaikai ai ka hui.
----------------------------------------
William C. Achi.
------------------------
HE MEA LAWELAWE MA KE KANAWAI
---------------------------
BOROKA O NA WAIWAI PAA
---------------------------
A he Boroka @ na Waiwai Lewa
Olelo Hoolaha.
-----------------------------
I ka manawa e hiki mai ai o na mokumahu e ka Hui Mokumahu Waila, (i kaupalenaia) aole e ae ia kekahi mea e pii aku iluna o ka moku a pau mua na ohua iuka ka aina, me ka loaa ole o ka palapala ae mai ke Keena aku; ke ole hoi ua loaa ka ae ia e na luna moku.
C. L. WIGHT.
Peresidena o ka Hui Moku Waila.
jun12 t@d .
-------------------------------
NA IWI PALAOA.
---------------------------------
E laa hoi na balaki nih@, na aniani lima, na Kahi lauoho, na paliuliilii, a pela aku.
Na Lako Dala!
Na Hua Pupu Momi Maoli?
Na Lole Silika!
Na Lole Keokeo Iapana,
Na Papale Helemela mama loa.
Na Silika Mauu,
Na Pakana Wahine emi no------$1.50
Na Moena Iapana nani,
Na Kookoo me ke au dala,
Na Huewai waiheoluu
Like ole.
Na Pola a me Kilu---------ai,
Pa holoi lima,
Na Kiaha i kahiko
Lau ia
Me ke gula
Me na mea he lehulehu wale.
E kipa mai ma ko’u Halekuai ma ka aoao Ewa iho o kahi o Daimana, Alanui Moi.
- BARNES,
Iulai15, 1895 jul15 1ma.
------------------------------------------
NA WAIWAI EMI
--------------------------
Kuai hooemi, kuai manuahi, a i ole he haawi wale aku no me ka nana ole ia o na lilo iloko o keia wa hune, a nele hoi o ka aina, eia ma ka halekuai KALAHIKI, penei na kuai ana, na Alapia huluhulu pelu palua o 39 iniha ka laula, he .35 keneta wale no o ka I-a, 30 iniha laula, .25 keneta o ka I-a, 26 iniha laula .10 keneta o ka I-a, na papale kaleponi eleele o na ano a pau $3.00 mamua, a i keia wa $1.00, na papale malino $1.00. E kipa, e komo, e wae nou iho, i ike pono i ka nani uluwehiwehi o KALAHIKI. he ole hoi ka lohe pepeiao. E ike ia kakou hoa kanaka mai kipa hewa ke aloha i ka manu Kolaka, ua like ia me ka manu Kolea uliuli ka umauma, o ka hoi no ia i Kahiki, e ia o@o ai.