Ka Leo o ka Lahui, Volume II, Number 1381, 21 January 1896 — HE MOOLELO KAAOHAWAII NO KA Puhi o Laumeki. KA MEA I LIKE ME KA ILIO Puaapualenalena [ARTICLE]

HE MOOLELO KAAO HAWAII NO KA Puhi o Laumeki.

KA MEA I LIKE ME KA ILIO Puaapualenalena

Ka hele hou ana o Mokumeha no Molokai a me Maui. - a noho wahine oia ma Hana, a me kona he- le ana i ke kaua- a loaa iaia na pilikia ma kona kino, - a hooleiia oia iloko o kekahi Pa Puaa, - ma Wananalua. A hiki lakou nei no lalo o keia pali kahi hoi a ko laila poe kanaka e noho ana, aia hoi ko laila kaikamahine kaulana e heenalu ana i ko na nalu o Kahalii kainoa, a nona hoi kainoa e ola o Pinanai a hiki i keia wa. He hulaana keia a he alanui hele hoi i keia wa. Ua hoonanea ia lakou malaila me na hookipa ana o ko laila poe kamaaina. A mahope iho o na luana ana ua pii maila lakou no ka pali a hiki i luna o ke oioina a hele maila a iho i ka pali o Nuaailua. O kahi keia a Umiamaka i hoopihai i ka iwi o ka ula i ke one, a iaia i hele mai ai a halawai me kekahi wahine me kana kaikamahine e hana lauhala ana mauka o ke alanui. A ike mai la ua wahine nei ia Umiamaka e paa ana he ula ma kona lima. Nolaila, ua noi mai ua wahine la i ka ula ia Umiamaka e haawi aku nana, a o ke kino o kana kaikamahine ka mea e panai mai no ka ula. Ua hookoia kela manao o ua makuahine nei. A ia nae i ka wa e hana ia ana, ua pa-e koke mai la ka leo o ua makuahine nei i kana kaikamahine? Auhea olua e: Heaha? Wahi a laua nei aku.

Ua hewa ka i-a a Umiamaka he okea oloko. Pane: Hewa no oe, pono no maua. He kanaka maoli no keia no Keanae, aole he ano kupua, oia no he mau pua ke ola nei. He kanaka apiki keia me ka ma- alea ma kona moolelo. E kala mai i ka mea kakau moolelo ma keia mau wahi olelo kaulana aia poe aia au kahiko e o mau nei ia olelo. A hala ua pali ala o Nuaailua, ua hiki maila lakou nei no Keanae i Kawaikau a Kauwahikaua. Ka mea nana i hana ua auwai kaulana ala o na pali Koolau. Aua hookipa hou ia no o Mokumeha me kona mau hoa hele e ko laila mau kamaaina a moe hou no lakou nei malaila.