Ka Leo o ka Lahui, Volume II, Number 1379, 17 January 1896 — HE MOOLELO KAAO HAWAII NO KA Puhi o Laumeki. KA MEA I LIKE ME KA ILIO Puaapualenalena [ARTICLE]

HE MOOLELO KAAO HAWAII NO KA Puhi o Laumeki.

KA MEA I LIKE ME KA ILIO Puaapualenalena

Ka hele hou ana o Mokumeha no Molokai a me Maui, - a noho wa- hine oia ma Hana, a me kona he- le ana i ke kaua - a loaa iaia na pilikia ma kona kino, - a hooleiia oia iloko o kekahi Pa Puaa, - ma Wananalua. I ke kolu o ko lakou mau la hele i haalele iho ai lakou ia Wailuku ua kamoe aku na kaina wawae o ko lakou ma kapuai ne ke one hone o Kahului, a hiki lakou ma Keonelele me Kapakaulua aia hoi, ua hookipa ia aku la lakou nei e ko laila keiki kamaaina mea makua hoi, oia o Kaihuwaa me kona kaikuahine eueu nui wale, oia aoao huli makani, ka mea i oleloia ka eueu o Hama- kuapoko, a o ua eueu ala ka mea nana i hoopapa mai i na malihini no kekahi mau po malaula o ka noho ana, aole no nae hoi i hoohihi loa aku na manao o ka poe kaahele nolaila, ua haalele aku la o Mokumeha me kona mau hoa hele i ka lokomaikai oia mau kamaaina nana lakou i hookipa, a ua hele aku lakou no Hamakualoa a hiki ma Papaooa, ua moe lakou ma laila, a ao ae, ua hele aku no kanahele o Oopuola a hiki ma Kaloa, a mai laila aku no ka pali o Honomanu. O ka pali keiki kane keia o ua Koolau ala o Maui i oleloia ma ke mele

He malihini au na ke kai i lawe mai. Ike ia Honomanu he aina pali. Aole i Pau.