Ka Leo o ka Lahui, Volume II, Number 1375, 13 January 1896 — HE MOOLELO KAAO HAWAII NO KA Puhi o Laumeki. KA MEA I LIKE ME KA ILIO Puaapualenalena [ARTICLE]

HE MOOLELO KAAO HAWAII NO KA Puhi o Laumeki.

KA MEA I LIKE ME KA ILIO Puaapualenalena

JKa hele hou ana o Mokumeha no Molokai a me Maui. - a noho wahine oia ma Hana, a me kona hele ana i ke kaua - a loaa iaia na pilikia ma kona kino. - a hooleiia oia iloko o kekahi Pa Puaa - ma Wananalua. Aia nae ma keia holo ana mai o ua waa nei ia la, ua loaa no he mau manao hoohuoi i na poe kanaka o Maunalua Oahu nei ma keia holo ana a lakou no ka hiki wawe loa me ka makani maikai a pae kakahiaka ana i Molokai me ka pulu ole o kahi kihei i kaili a me kahi malo i ka hope, me he mea la, aia no lakou i ka aina kahi i noho ai, aka, aia no nae ua loaa ka manao haupu i ka mea nona ua waa nie, no keia kanaka maikai noia i holo pu mai ai lakou mai Oahu aku nei, a oia hoi ka mea nana i hoohauli loa i ko lakou manao aloha ia Mokumeha me ka malama ana iaia, a i ka hala ana o kekahi mau la ma

Kamalo, ua ninau aku ka mea nona ka waa ia Mokumeha i kona makamaka o Molokai, a ua olelo ae oia, aole ona makamaka oia aina he makemake makaikai wale no kona i hele mai ai a maia hope iho, ua halele aku ka poe mea waa ia Kamalo, a ua hele wawae aku o Mokumeha me kekahi mau kanaka kamaaina o Kamlo mauka o ka aina a hiki ma Uwalapue kahi o ka waa i pae ai, a noho mailaila no kekahi mau la, a mailaila aku no Waialua a hala kekahi mau la. A mailaila aku no Halawa, a malaila kahi i noho loihi ai no na ana hulu ekolu, aia nae maia noho ana, ua hoolauna maila kekahi kaikamahine ui a mea makua oia awaawa kaulana i kawailele o Moaula i ua Mokumeha nei ma ke ano i kane oia nana, ua olelo aku oia i ka mea oiaio e pili ana iaia iho ma kona ano he malihini oia, aole hoi he mau

mea aua e lalau ae ai a haawi aku i ua ui la o Halawa. E loaa ana he Eono HAINAKA MANUAHI, i ka mea e piha ai o kela a me keia 10 poe i komo a kuai maloko o ka HALEKUAI HEIAU o na Paikini, e ku nei ma ALANUI PAPU, Helu 519; ma ka POAONO apau o ka malama o Sepatemaba. NO ka manawa KUAI HOOPOHO wale no keia.