Ka Leo o ka Lahui, Volume II, Number 1374, 10 January 1896 — HE MOOLELO KAAO HAWAII NO KA Puhi o Laumeki. KA MEA I LIKE ME KA ILIO Puaapualenalena [ARTICLE]

Help Learn more about this Article Text

HE MOOLELO KAAO HAWAII NO KA Puhi o Laumeki.

KA MEA I LIKE ME KA ILIO Puaapualenalena

Ka hele hou ana o Mokumeha no Molokai a me Maui. - a noho wahine oia ma Hana, a me kona hele ana i ke kaua - a loaa iaia na pilikia ma kona kino. - a hooleiia oia iloko o kekahi Pa Puaa, - ma Wananalua. A ia nae ia wa, ua ike aku la o Mokumeha i kekahi mea ula ma- mua pono o kaihu o ka waa e pii pono ana i ka makani me na hiona eehia, a ua hoomanao ae no oia, aole he me mea e ae o kekahi kino lau keia o kona hanau mua Laumeki. Oia hoi he Lolimakoko i haku ia e na'lii iloko o na lalani hope o ke mele - e Koauli Keakea ka lani.

O keia ka mea nana i hoohikiwawe loa me ka maalahi i ke alakai ana i keia waa me ka halawai ole me na ulia poino ma kahi o Kaiwi i na mea a pau maluna o ka waa a hiki wale no i ke kaa hope anae o kalae o Kalaau mahope o lakou, eia wale no keia i ke kakahiaka a maia ano wale no lakou a hiki i ke kaa pono ana'e o lakou nei mawaho o ke kahalaiakamano, ua ninau aku la o Mokumeha i ka poe nona ka waa ana e kau nei. Owai keia aina mauka o kakou e ku mai nei? Wahi a ka poe mea waa.

O Molokainuiahina. A olelo hou o Mokumeha. Aihea kakou e pae aku ai iuka o ka aina? Pane ka mea nona ka waa. E pae mua aku ana kakou no Ka- malo. aia ilaila kou kaikuahine kahi i noho ai me kana kane me ka laua mau keiki, a mahope aku no Ualapue a Waialua, a o ke awa hope loa e pae ai a huli hou mai o Halawa. Mahope o keia mau ku-kak olelo ana, ua holo pono lakou nei a pae ma Kamalo a hui pu me na ohana o ka mea waa, a ua haawi ia no leo uwe aloha mawaena o na malihini a me na kamaaina me na hookip maikai ana, elike me ke ano mau o ka poe kahiko. E loaa ana he Eono HAINAKA MANUAHI, i ka mea e piha ai o kela a me keia 10 poe i komo a kuai maloko o ka HALEKUAI HEIAU o na Paikini, e ku nei ma ALANUI PAPU, Helu 519; ma ka POAONO apau o ka malama o Sepatemaba. No ka manawa KUAI HOOPOHO wale no keia.