Ka Leo o ka Lahui, Volume II, Number 1373, 9 Ianuali 1896 — HE MOOLELO KAAO HAWAII NO KA Puhi o Laumeki. KA MEA I LIKE ME KA ILIO Puaapualenalena [ARTICLE]

HE MOOLELO KAAO HAWAII NO KA Puhi o Laumeki.

KA MEA I LIKE ME KA ILIO Puaapualenalena

Ka hele hou ana o Mokumeha no Molokai a me Maui. - a noho wahine oia ma Hana, a me kona hele ana i ke kaua - a loaa iaia na pilikia ma kona kino, - a hooleiia oia iloko o kekahi Pa Puaa, - ma Wananalua. Aia nae ia Mokumeha i puoho ae ai mai kona hiamoe ana, aia ka he moeuhane kana, a hoomanao ae la oia aole ia mea he ae, a o kona hanau mua no o Laumeki. I ke ao ana ae, ua ike la oia i kekahi mau kanaka elima e hoomakaukau ana i ka waa e holo ana i Molokai, nolaila, ua hele aku oia e hoolauna me ka poe mea waa.

Iaia i hiki aku ai ma kahi o ka poe mea waa ua maopopo ia lakou ka mea i hiki aku ai keia kanaka ui-a maikai o kona mau hoina apau aia he manao kona, nolaila, ua ninau maila ke kanaka ponoi nona ua waa nei ia Mokumeha, ua hai aku keia i kona manao oia kekahi e kau pu maluna o ka waa a ua ae oluolu mai ka mea nona ka waa, a mahope iho o na hoomakaukau ana i na ukana a me na pono no ka holo moana ana, elike me ka mea maa mau i ka poe kahiko, a ua hoi hou mai o Mokumeha e haawi i kona aloha hope i ka poe kamaaina ana i noho ai ma Maunalua. Ma keia manawa no, ua hele hou aku oia a hiki ma kahi o ka waa e makaukau ana no ka holo, a oia no ka wa i panee aku ai ua waa nei no kaili kai, a kau like ae la na poe kanaka elima a oia hoi ke ono, ua noho aku la keia mamua o ka waa ma kahi o ke kia e ku ana i kawaa o kaiako mua, a ua olelo aku no hoi o Mokumeha i ka poe nona ka waa e haawi mai i hoe nana, a ua hoookoia kana olelo, aia ia lakou nei i kaalo ae ai mawaho o kalae o Ka waihoa, a oiai o Ihiihilauakea e kiei iho ana, aia hoi na aheahe welelau makani holouhape kekaha e hoopiha pono ana i ka Pea o ka waa, a ke maki wale la no keama i ka ilikai me he Iao ala, a ke kalelemuku nei hoi na kanaka ia laua na Iao.

9SF E loAa ana he Eono HAINAKA MANUAHI, i ka mea e pilia ai o kela ame keia 10 poe i koiuo a kuai maloko o ka HALEKUAI HEIAU o na Paikini, e ku nei ma ALA-, NtJl PAPU, Helu 519; ma ka POAONO apau o ka malama o Sepatemaba. No Ee manawa KUAI fIOOPOHOwaIe nokeia. |