Ka Leo o ka Lahui, Volume II, Number 1351, 6 December 1895 — HE MOOLELO KAAO HAWAII NO KA Puhi o Laumeki. KA MEA I LIKE ME KA ILIO PUAAPUALENALENA [ARTICLE]

HE MOOLELO KAAO HAWAII NO KA Puhi o Laumeki.

KA MEA I LIKE ME KA ILIO PUAAPUALENALENA

Ka imi ana i kona kahu—Pela no keia Puhi kaulana i oleloia He Puhi ka i'a—He oni ka Lala. (Hoohenoia no Ka Leo.) I ka pau ana o keia mau olelo, ua hele akuia laua nei a kokoke ma kahakai o Laiemaloo, aia hoi ko Mokumeha mau maka ke nana pono ala i na waa a me ka weli o ke kai i ka ia, oiai no hoi oia e hoomanao mau ana ia Laumeki me ka nana pono ana. Aia i keia manawa iike aku ai o Mokumeha i ka hulili olinolino o keia mau mea a, me na puka ana la o ka Hokuloa i ka wanaao i keia mau mea hulili elua i kaili kai, oia no na maka o ka puhi Laumeki, ua like keia me na maka o ka Mano Niuhi o ka moana kailipolipo, ma keia ano ua hookokoke loa aku la o Mokumeha ma ka lihi kahakai

me na mea a pau ma kona lima e paana, me na huaolelo kaukau ole i pane aku ai i kona hoahanau Laumeki me ka eehia. I ka pau ana o ka mau kamailio ana, ua hoea koke mai la o Laumeki mai loko mai o ke kai a kau ana kona poo i luna o na uha o kona kaikaina kanaka me he keiki ai waiu ala ke ano, oia no ka wa i hooinu iho ai o Mokumeha i ka awa a me na mea ai a pau, a no keia wa i olelo ae ai o Mokumeha i ka makuakine. E kuu, mama maikai, eia ko keipuhi la ua hiki mai me ka ia, nolaila e hele mai oe e ike iho iaia me ka makau ole. A no keia olelo, ua hele mai la oia e ike pono me ka manao ano hopohopo no nae iloko ona, aka, ua hoopau ia kona maku mamuli o Mokumeha. He 30 wale no ia o keia Laikini ma'i kolela ou e mana ai, nolaila ke kono aku nei au ia oukou a pau loa e hele koke mai iloko o keia mau la, i loaa a ai oukou ka laau lapaau kupono o na kumukuai haahaa, au e kuai ai i keia mau la. M. G. SILV. Alanui Papu Helu 519,