Ka Leo o ka Lahui, Volume II, Number 1346, 29 November 1895 — HE MOOLELO KAAO HAWAII NO KA Puhi o Laumeki. KA MEA I LIKE ME KA ILIO PUAAPUALENALENA [ARTICLE]

HE MOOLELO KAAO HAWAII NO KA Puhi o Laumeki.

KA MEA I LIKE ME KA ILIO PUAAPUALENALENA

Ka imi ana i kona kahu - Pela no keia Puhi kaulana i oleloia He Puhi ka i'a - He oni ka Lala.

(Hoohenoia no Ka Leo.) A oia ka mea nana i hoola ae i ka hiamoe me ka puiwa nui aka, o kona hanau mua aole oia i puiwa a makau ae hoi. Oiai ua maopopo iaia o Laumeki no keia, nolaila, ua hoala aku la oia i Pueo me ka olelo ana aku, e ala e paa eia ko keiki puhi ke kii mai nei ia oe e hele olua. Noloila e makaukau oe i keia wa e ai kakou a ua hoala ia ae la na mea o ka hale a ua hoonee koke ia mai la na mea ai a pau me na kanaka no ka hele ana. O keia manawa a lakou e makaukau nei e ai oia no ka pili o ke ao, oiai aia o Ae'a a me Kapea ma iluna o na hoku i olelo ia e ka poe kahiko o ka hoku hookele waa a me ka hoku Kauopae. Aia ma ke kiekie loa ana ae o keia mau hoku iluna ma ko kakou alahele lani, nolaila e moku mai ana Kapawa a o ke alaula mai ka hope. Aia no hoi ua Laumeki nei ke haupa ala i kana mau mea ai i hoolako ia nana. A mahope iho o ka lakou ai ana ua liuliu ae la na kanaka a me Pu-

eo no ka hoi ana, no ka mea ua pau mua na ukana iluna o na waa kaulua a no ia mau minute huihui o ka wanaao, ua kaukoo pu aku la na mea a pau he kahi o na waa e kau ana a o na aloha hope loa kai kaana ia manawa o lakou a panee aku la na waa. Aia no ka puhi Laumeki i ka hale no kahi i hoonanea ai, a no ka mana o na waa i kaa pono ai ma ka Lae o Kahuku. Aia hoi ua puhi Laumeki nei ke hia la mamua o ka ihu o na waa, ai ka hala ana ae o Kapakule mahope kahi o na mano e komo ai i ke au kahiko a lilo i mea paani wale ia iho e ko Puuloa mau kamaaina.