Ka Leo o ka Lahui, Volume II, Number 1212, 21 May 1895 — E IKE IA KAKOU HOAKANAKA. [ARTICLE]

E IKE IA KAKOU HOAKANAKA.

E na aloha, na hoa hoi o ka puupuu hookahi na hoa hoomanawanui iloko o ka inea o keia apL ho'e-ha'a nui wale e nee nei, ."E ike ia kakou hoakanaka."

Oiai hoi, o kakou pu noia e alo nei iloko o kawiliau hookahi ana, o ke aloha kuiipolipo no ko kakou aina kulaiwi, ka mea hoi a ko kakou mau kupuna i nai ai, a Aole hoi makou i wahena mai a oukou mai; hookahi o kakou koko, hookahi i'o, a hookahi iwi, a hookahi no hoi o kakou manao, oia hoi ke aloha i ka ka lahuia me ka» noho 'lii o Hawaii nei, No īa kumu, ke kalokalo ae nei makou i na. Mana Lani, e kau mai ka mana o konauhane hemoleie maluna o kakou a pau, a nana hoi e hookaawale aku i na manao liii pilikino, na hookuee ana, na kolea ana, a me na manao e ae. A e komo ae kakou a pau iloko o ke apo o ka lokahi, e kokua hoi kekahi i kekahi, a pela kakoū e pono ai.

E hoomanao hoi oukou i ka moolelo o Napoliana I, ka hiapai ole o £uropa i na la i aui aku la ka mea hoi nana e hoonaueue ia Europa holookoa ia mau 1&.

Iloko o ka wa e noho ana ka lahui o Farani iloko o ka lokahi ja& lilo mau ka lanakila o na kahua kaua i ka Emepera Napoliana, aka, i ka wa i moktrahaca ai, oia ka wa i paa pio ai o Napoliana i ke Duke Welinekona ma ke kahua kaua o Wataru, a pela hoi me na wahi e ae o ke ao nei.

Ano ia kumu ke kan leo aku nei makou ia oakou, e haalele loa ina manao like ole o kela ano, a me keia ano, a e komo ae kakou a pau īloko o ke apo hookahi cvka noho hoaloha pumehana ana, a oia ka mea e mau ai ka hanohano o ko kakou noho lahui ana, a mau hui ke o ana o kela mau olelo kaulana e keha nei a puni ke ao holookoa mai o a o, "O Hawaii no, ka oi,". A na ka mana o ke Akua Kiekie Loa, e kiai mai ia kākou a pau. E oia o jiawaii i ke Akua,