Ka Leo o ka Lahui, Volume II, Number 1085, 12 April 1895 — KA PAPA KILOKILO O HAWAII NEI A ME KA NUI O NA AO KILOKILO. [ARTICLE]

KA PAPA KILOKILO O HAWAII NEI A ME KA NUI O NA AO KILOKILO.

[ Kakau ia e D. M, Punini Jr. ] I hoi ma ka hema, ke ao Opulani. he ino nui a hiki mai, i na e hoi ma ke komohana hema, alaila he Naulu ke ano o ka mea e hiki mai ana. I na ma ke komohana, alaila he huaolelo a kiki mai e pili ana ia oe ma ke ano o ka hana au e hana ai, i na ma ke komohana akau, alaila, kii ia mai ana oe e hele i kekahi ahaaina lealea e kou mau hoaloha, i na hoi ma ka akau kahi i ku ai, alaila, e komo ana oe iloko, o kekahi ahaaina hoao o kekahi o kou mau hoa kula, e hoao ia ana, I na hoi e komo ke ao Opulani iloko o ke ao Panopano melemele a keokoe, ha-li la, a oili mai he ao ulaula. alaila, he mai akulau a hiki mai. O keia na loina ano nui e pili ana i keia ao, he kaa hele keia ao i kekahi wa, aole he kupaa. he mau setona wale no a nalo aku. O keia ao o ka Opulani, ua like kona ano maoli me ka Punohu, a o ka like ole, o ka Panohu he ua koko ia. a o ka Opulani, aole he ua koko, aka he onohi kamahao oia, he wa wale no kona e ike ia ai. A i kekahi wa. e ike ia i ka onohi o ka la i ka wa e kupono ai ka la i ka lolo. a i na oe e ike ana, alaila, oia ka hoike piha e pili ana i na 'lii kiekie o Hawaii nei. a no na 'lii ai moku wale no ia kuleana. a me na alii i pili aku ma ia lalani.