Ka Leo o ka Lahui, Volume II, Number 1083, 9 ʻApelila 1895 — KA PAPA KILOKILO O HAWAII NEI A ME KA NUI O NA AO KILOKILO. [ARTICLE]

KA PAPA KILOKILO O HAWAII NEI A ME KA NUI O NA AO KILOKILO.

[Kakau ia e D. M. Punini Jr ] Iloko o Kupau i ke kakahiakanui ua kaalo ae la ka waa o ke alii Hoapili ma ka aoao Hikina o ke Awaauhau, oia kona manawa i ninau aku ai i ka poe e lawaia limu ana, i na paha aia ilaila o Popolo ae, no i ka hale. Ua lele aku o Hoapili i ka aina a me na kanaka. a lawe aku la i na mohai i hoomakaukau ia, a hiki imua o Popolo a alana aku la, a oia ka Popolo i ninau mai ai, heaha la ka hana o ka mohai i hiki mai nei imua oʻu. I kii mai nei au ia oe, i kauoha e hele aku a oia ka wa o Popolo i lalau ae ai i kana upena naʻe i hoopili pu ia me ka hulu liwi. a kilo ae la i ka paia lani, a pane mai la oia ia Hoapili, e make ana ke alii aole e ola. I kela wa koke no. ua kau koke aku la lakou iluna i ka waa, a holo aku la no Kailua, a pae aku lakou ilaila i ka la o Olepau, mamua o ke kupono ana o ka la i ka "Lolo." A ua hele pololei aku la o Popolo a me Hoapili a hiki imua o ke alo o Kamehameaha a pa-e aku la kana kahea, aia o Popolo imua o ke alo o Kamehameha, ua kulou iho la oia ilalo, a uwe iho la. A i ka pau ana ua pane aku la o Kamehameha, akahi no au a pono. ua hiki mai la oe, e nana mai oe i kuʻu mai, oia no ka wa o Popolo ninau aku ai, pehea ka noi ka i** a na kilokilo kuhikuhi puuone, k* kaolelo, ame ka papa kahuna, ua pane aku la o Kamehame. hookahi no a lakou olelo, aohe o'u mai I kela wa, ua kahea aku la o Popolo ia Kamehameha e kahea ia aku ua mau kahuna ala o ke alii, e akoakoa mai, a oia ko lakou wa i hele mai ai. Ua ninau aku la o Popolo i a kilokilo i ko lakou ike i ka mai o ke alii, ua pane mai lakon, ua kilo makou i ka Papalani, a ua hoole mai lakou aohe pilikia i na kuhikuhi puuone hoi like no na kakaolelo like no a i Ka papa kahuna oia ana like no, aohe mai o ke alii l kela wa. ua wehe ae la o Popolo i kana Upena Naʻe. a kilo aku la i ka Papalani. a huli mai la a pane 1 ke alii Kamehameha I, e make ana oe, i ka po o Hoku, eia kou po e make ai.