Ka Leo o ka Lahui, Volume II, Number 1076, 29 March 1895 — KA PAPA KILOKIKO O HAWAII NEI, A ME KA NUI O NA AO KILOKILO. [ARTICLE]

KA PAPA KILOKIKO O HAWAII NEI, A ME KA NUI O NA AO KILOKILO.

[ Kakau ia e D. M, Punini Jr. ] Na hoakaka ana i ke ano o ke ao Akua, oia hoi ka onohi iloko o ka La. a me ka Mahina.a iloko hoi o na ao Polohiwa. e-pu-a mai ana iloko o ka lewa, me he onohi ala no ka maka o ka manu Mohoe-a, i hoopuni ia e ke aweawe like ole o na wai ehiku. he kakaikahi

loa kona wa e ike ia ai ma ka lewa a ma ka aina. Ka lua, Kaluakalai e hoopuni ana i ka La. a me ka Mahina, ua ike ia ke ano o Kaluakalai. a me ka po. Ke kolu, oia ka Punohu-uakoko i ike ia ma ka moana, a ma ka aina. ua pili wale no ia i na lii nui, mai ka po mai. e like me ka mahele ana o Kane me Kanaloa. a no laua hoi ke kanawai he Alamuku, oia hoi ke Anuenue ka mea hoi a Kauakahianaoa, i hooko ai iloko o ka hulihia ana i hana ai imua o Pele ka wahine ai humuhumu o Kilauea i Hawaii, a

oia ka mea i kapaia ai he Alamuku ko Kane me Kanaloa, a ua hoomaka hoi ka oihana Kilokilo mai a Mauweleka, ke kane a Kapaeopua, wahine ke kahuna o Wakea, ka mea naa i laumaki ia Wakea i ka noho ana aku me ka laua hapuu mua loa me Papa, oia hoi o Hoohokukalani. mahope mai o Welaahinuilani, ka mea nana i mahele

pono i ka oihana kahuna mua loa nana i mahele i na 'lii mai ka po mai a me ka oihana o ka papa kahuna e pili ana i na kanaka, a ua ike ia ka ike, a me ka mana mai ke

Akua mai, ma ka wanana ana i ka pono. a me kahewa, a me na mea e hiki mai ana. a me na mea e hana ia ana. Ua hooko ia na wanana mai kahiko mai, a hiki i ke au o ka moi Kauikeaouli, Kunuiakea, Kukailimoku, Kaleiapapa, Kamehameha III, a hiki i ke au o ka moi C. W. Lunalilo I, oia ka panina. A oia ike oia poe. Ua mamao ia mai keia lahui aku, oiai ua kapae ae keia lahui i na ike oia au, a noonoo aku nei no ke au hou, a pela kakou i nele ai ia ike. a ehia la poe i kou, e loaa na ka welewele o ka ike o keia ano, aka, me he mea ala pomaikai ke loaa i hookahi iwaena o ka Lahui Hawaii piha i keia wa e nee nei. A eia na loina e pili ana i ke ano o keia mau ao kilokilo a pau, a he

mea pono ke hoomaopopo ia na aho a pau. Ina e paa mai ka ua me ke ao makole e ni-kikii mai ana me ke kuleana ole o kona ku ana mai, alaila oia ke ao Akua. Ina e ku ke ao Akuaka mauna, he Lehopuluia, he malie a pela aku.