Ka Leo o ka Lahui, Volume II, Number 8, 2 Ianuali 1895 — Page 3

KA LEO O KA LAHUI.

"E Mau ke Ea o ka Aina i ka Pono."

 

KE LIULIU NEI NA AUMOKU KAUA NO KA NEE ANA AKU I MULIWAIIALU

 

            Wasinetona, Dec 21-Ua loaa mai kekahi hoike ana ma na ekelata mai Kina mai, e pili ana no ke Keena kaua, a ma ia mau hoike i ike maopopo ia ai ke kulana o na puali koa o Iapana, ma ke Awa o Aka, e hoike ana, aia na puali koa e Iapana ke liuliu ala no ke kukulu paa ana iho i ko lakou kulana Aupuni malaila. a e hoonee hou ae ana i kekahi hapa o na aumoku kaua ma ka muliwai Ialo no ke kukulu ana iho i Keena kaua ma ia wahi.  Hookahi hoike iike ia mai na lii koa mai, e olelo ana. au lawe ia ae la na wahi kupono apau ma hope koke iho o ke kaua ana, a he mea maopopo, e pau loa aku aua wahi apau o Kina malalo o ka mana o Iapana me ka hiki ole ke keakea ia aku.

            I keia wa aia ke hoomau nei no na aumoku kaua o Iapana i ke ko pu ana i kekahi mau kulanakau hale a ma keia manawa ua papa lua ia ka ikaika o na aumoku e noke mau ana i ke kipu ana, aua ike pu ia no hoi ka hoike a ke Kuhina Kaua Nui, o ke Keena Kaua, e noi ana i ka Aha Kau Kanawai e noo noo koke ia ka hoike a na Komite o na Keena kaua, oiai, ua ike ia. ua ku puikii loa ko makou kulana a keia wa, oiai, eia ke hoonee hou ia mai nei he ekolu aumoku kaua hou.

            O keia kekahi o na hoike ano nui loa like ia, e pili ana no ua au moku kaua. A ua hoike ia ae la mahope koke iho o keia wa o ke kulana o na puali koa o Kina, he kulana nawaliwali ia, aole hoi ilawa ko lakou kulana pale aku ma ke kupu ana, oiai, e nee mau aku ana na Iapana imua, me ka emi hope ole. 

            A o ko Kina mau moku kaua, ua hoonawaliwali pu ia no.

            Aka, o na Iapana ua ike ia he aha la keia ano hana e hana ia nei me ka hiki ole ke hookuemi hope ia. O ke kulana o na Iapana, he kulana paa ko lakou, aua hoomaka aku lakou e kipu ma kani o 3,000 iwilei a ma ia wahi i ki ai ia kou i na pu kuniahi pukaa, aole loa hoi e hiki ke pale ia aku ka ia keu ipu ana.

            O ke kulana kipu hoi o na puali koa o Kina, he lohi a o kekahi i ka wa e ki ai e lele loa ae ana na poka ma na wahi i makemake ole ia. I keia manawa o ka hooili kaua ana o na puali koa o Iapana. aia pu he elua mahele aumoku kaua Iapana e kipu like ana i ka wa hookahi o ka Chin Yieu, ua loaa aku ia oia i ka poka he 4000 i ka manawa hookahi aua poino loa oia, a ua loaa pu aku la no hoi ia noino ia Ting Yuena, no keia kaua ana a hiki wale i ka hoomaha ana.

            Iloko oia wa, ua huli hoi aku la o Chin Yuen no kona wahi mua mawaena o na aumoku kaua o Iapana, a Ting Yuen, aua olelo ia aela o keia mau kipu ana, au like loa ia me he ala he mau kapuai wale no ka manao. I keia manawa aia o Iapana a me kona aumoku kaua ma ke kulana kiekie o ka hooili kaua ana, oiai e lawe ana na puali koa o Iapana i na pu kuniahi o 14 iniha ke ana waena o ka waha, aia lakou e hele ai, me he ʻla aohe pu ma ko lakou aeao akau.

            O ka nui o ka poe make o na Iapana he 10 alii koa he 60 koa i make a he 160 i hoeha ia. Aole hoi hookahi moku kaua i nalowale oiai aia no o Matasusina Hiyei a me Akagi he oia mau no ko lakou kulana. A no na aumoku kaua o Kina ua iike ia ua nalowale kekahi mau moku no lakou keia mau, inoa a me ka heluna o ka lakou mau tona Yang Wei 1,300 tona a me Chao Yuen he wahi moku uuku keia.

            A o Ping Yuen, Chin Yuen, a me Long Yuen, o lakou kai pakele mai ke kahua kaua mai. No na pualikoa o Kina, aole i maopopo loa na ʻlii koa i make, a me na koa, oiai, aole i loaa ka huina pololei loa o na kanaka o na moku i nalowale ai. Ma keia hooili kaua, aole loa hookahi moku kaua o Iapana i hoohana i kekahi Topito.

 

NU HOU KULOKO

 

            E hui ana ka Papa Ola i keia auina la.

            Ua huli hoi mai no ke Taona nei o Kauka Makonia, ma ka Malulani o ka Poalua nei.

            Ma ke kakahiakanui poniponi o ka Poalua nei i ku mai ai ka Malulani mai na Kona mai.

            E haalele iho ana o W.N. Limaikaika, Lunahooponopono o ka nupepa kakahiaka Advertiser, no Kapalakiko, ma ka Auseteralia o ka Poaono ae nei.

            Ma ke kakahiaka la pule nei, ua a ia ae la e ke ahi kekahi halekuai ma Hana Maui. Ua lohe wale ia no kekahi poe Pake Kalepa o Honolulu nei ua hale ia. a ua pauihakahaka ia no hoi.

            He nui na opio i hoolilo ia i hookahi ma ka po o ka la 1 nei, a he nui no hoi na luau a me na ahahula i malama ia ma na wahi like ole o ke kulanakauhale nei.

            He elua wale no kanaka i hopu ia ma ka Poakahi nei. no ka inu nui loa i ke saki. Aole he lohe nui ia o ka Ruta Bia i keia manawa, o ke saki nae hoi ia e holanu nei me kana anoano make.

            Oiai kekahi kanaka e hoomakaukau ana e hauoli makahiki hou, ma o ka hookani ana i kekahi pahupahu nui ma ka po Poakahi nei, ua pahu ae la ua mea hoopahu nei, a ua weluwelu ae la ka peahi o kona lima, a ua lawe loa ia no ka Haukipila. No ke awaawa ae nei o Pauoa keia kanaka.

            Nana aku no hoi ia la i kahi hoahanau o Kawaiahao, poahi lua ka hoi ma ka hulakuʻi, lawe ka akau lilo i ka hema; ke hele ala a ike ole ia aku ka pa ana iho o na manamana wawae bipi ona iluna oka papahele, ma ka la Hape Nuia iho nei. O ka hana ana ia. Peia anei ke aʻo a ka Buke Nui?

            Ma ke kakahiaka Poakahi nei, ua loaa iho la ia Kanoho kekahi eha kukenukunu ma o ka haki ana o kona wawae akau. Maluna lakou o ka moku Bryant kahi i hoopiha kopaa ai, a ua hiu ia mai la kekahi mau eke kopaa a pa mai la me ka ikaika ma kona wawae. a loaa iho la keia poino.  Ua hoihoi ia aku oia no ka Haukipila.

            Ma Kau Hawaii, ua haule iho la o Conela Sam Norris mai kona lio iho, aole nae i kukonukonu ka eha i loaa iaia.

            Ma ka po nei i ku mai ai ka mokuahi Miowera, a ma ka hora elua o keia auina la e hoomau loa aku ai oia ma kona alahele moana no Vanecouwa. E kau aku ana maluna ona kela poe haole ekolu i mahuka iho nei mai ka halewai mai a loaa ai i Koolau.

            Ua ulu ae he hoopaapaa mawaena o kekahi Iapana me kekahi Pake ma ka Poakahi nei, a o ka hopena, ua hoeha aku la ke keiki o Iapana i ke keiki o ka Aina Pua, a au loaa kekahi eha kukonukonu ma kona poo, a ua hookipa loa ia aku la hoi ka Iapana ma ka hotele o Hikikoki.

            Ua loaa aku kekahi kanaka o Hawaii kona inoa, ua make ma kona home ma Waialae ae nei, ma ke kakahiaka o nehinei. Ua hoike ia mai ka lono i ka Ilamuku, a eia ke imi ia nei ke kumu o kona make ana. He 65 kona mau makahiki, a he 14 makahiki o kona loaa ana i ka mai makapo.

 

B.F. Ehlers & co. (Painapa Ma.)

 

KO

Na Lede Kolamu.

 

            Ke makemake nei makou e kokua aku ia oe ma ke kuai ana i na waiwai Karisimata; ma ka hookoe ana i kekahi mau kala ma kou pakeke no kela a me keia mea au i kuai mai ai me makou, no keia mau la kulaia He nui a lehelehu loa na waiwai kupono o kela a me keia ano i makemake e hoohana i na la a pau. a aole hoi e emi iho ana ko lakou waiwai io ma kou haawi ana aku i Makana Karisimata.

            Ua hiki ia makou ke haawi wale aku i piano a waiwai kumukuai nui e ae paha, ma ke ano i kumu ehele nui mai ai oukou e kuai; aka. ma kahi o ia mau waiwai haawi wale, e hoemi loa ia iho ana ke kumukuai o na waiwai a pau loa, i wahi e loaa like ai ka pomaikai i na mea a pau, ma mua o ka lilo wale ana no i ka mea hookahi.

            He elua ana mau pakaukau kuai ma loko nei o ko makou Halekuai e hoomakaukau ana me na waiwa ma na kumukuai Kuikawa o ka haahaa loa.

            Ua loaa mai ia makou he mau waiwai hou loa ma ka mokuahi Oceanica mai nei. a oia ka makou e hoike aku nei, e hooliloia aku ana keia mau waiwai a pau loa ma ka makou mau kumukuai haahaa loa no ka manawa wale no. Eke, Silika, Pakupukaaniani, Mamalu, Pahoehoe, Keokeo, Lilina a me na waiwai i hiki ole ke heluia aku, e kuai ia aku ana ma na kumukuai e hoohauoli ai i ka poe  kuai ana ia mau waiwai, i kupono loa i makana no ka la Karisimaka.

            E hoomanao, e wehe ana makou i na ahiahi a pau, me na kukuiuwila hou, a au hiki ke hana ia na waiwai me he ala, aia no i ke ao.

            Emalama i kau mau kikiki a pau no ka Luaopele, a e hoouna mai ma ko makou nei Halekuai mamamua ae o ka hora 12 o ka la 26 Dekemaba, a e loaa ana hoi he kikiki holo kaapuni i ka mea i loaa ka heluna nui o na kikiki i kuai ia aku.

 

B.F.EHLERS & CO.

(Painapa Ma.)

Alanui Papu 1w-diy

 

Hale Kuai Lako Hale Nui!

 

E Hanaia no na Lako Hale o na ano a pau

 

Na Lako Hale i Makaukau mua mai na Aina e mai.

 

Na Bela Moe o na ano a pau.

 

Na Moe Oka a me na pono Lumi Moe e ae o ke ano hou loa o ka

 

HOIKEIKE NUI O KIKAKO.

 

Na Ukina Hulumauu i uhlia me na pale Silika o na ano like ole a me na Uluna Mauu

 

O Kela a me Keia Ano,

 

Na Pela Moe Lauoha, Lumi, Huluhipa, a me na Bela Moe Manu i makaukaa mua i na manawa a pau.

 

Na Noho o na Ano a pau.

 

He mau noho holimalima no kekahi no na anaina hoolaulea a  ahaai paha, he oluolu loa ka uku hoolimalima.

 

He oluolu loa na kumukuai o na pono lako hale e na ano a pau e waiho nei ma loko nei o ko maua HALE KUAI.

 

ORDWAY PORTER

 

Alanui Hotele ma ka Hale Pohaku o Robikana mauka mai o ka Mele Kolaunu Hou Telepona Bele 525            Telepona Miutala 645

jan 12-ly diy.

 

Waiwai Karisimaka

 

Ua wehe ia ae nei heheluna o na Waiwai Karisimaka ma ka Halekuai.

 

N. S. SACHS:

520 Alanui Papu, Honolulu.

 

HE KUAI KUIKAWA NO NA LA KULAIA E HOOMAKA ANA KEIA POAONO DEKEMAPA 8TH

 

            Na Kii na Pu na Ole a me na mea Paani o na ano a pau aole e kuai ia aku ana keia mau waiwai aka e haawi wole ia aku ana i ka poe a pau e komo mai ana a kuai me makou iloko o keia mau la e noemaka ana ma keia Poaono a i pakui no keia e haawi makana aku ana makou hookani Ipukukui nui me ka uhi Silika a eia hoi ke ku nei maloko o ka makou pukaaniani o keia Ipukukui nani he $40. kona waiwai ia a e haawi ia aku ana keia i ka mea koho kokoke loa i ka nui o na hua o ka Ipuhaele e kau pu nei maloko o keia pukaaniani hookahi, e loaa no he Kikiki no ke koho ana i ka poe a pau e kuai ana me makou a piha ka $2. I kela  me keia manawa au e kuai ai a elike me ka nui o keia mau Kikiki i loaa aku ia oe pela ka  ka nui o kau mau koho ana ma na huahele like ole a he mea pono no kela a me keia e hoao e loaa keia Kikiki oiai aole ou lilo no ia mea.

            He mau kumukuai kuikawa ka makou no keia mau la wale no ma no Lole Silika o kela a me keia ano i kupono no ka Holoku ma ke 50¢ o ka ia mamua he $1 o ka ia,

            O na Lole Huluhulu o na ano a pau papalua ka laula he 50¢ a ke 60 keneta o ka ia mamua ae 75¢ o ka ia.

            No Lole Kakimia Eleele papalua ka laula o ke ano maikai loa he 50¢ o ka i-u i ka $1.

            Na Lei Ai na Koloka na Kihei a me na Koleka Silika o na kamalii i humulauia no ka $2.25 wale no.

            Na hainaka Kamalii o na ano a pau he 50¢ o ke doz………

            Na Hainaka o na Lede i kuni lau ia o hai 65¢ o ke doz …….

            Na Hainaka Silika i humulauia he 5 no $1,

PAPALE KARISIMAKA PAPALE KARISIMAKA

            He huina o na Papale Keokeo i hanaia a paa o ke no maikai i kupono no na la kulaia o keia na Paikini hou ioa a he haahaa loa na kumukuai.

            He Pine kala Omau Papale e haawi wale ia aku ana no kela a me keia Papale i kuai ia aku e makou ma keia mau la kulaia me ke kaki ole aku no ia Pine Kata Omau Papale.

            Kai Poina i keia mau Kumukuai e na la Kulaia a makou e hoolaha aku nei e hoomaka ana ma keia Poaono.

 

N.S. SACHS.

520 Alanui Papu

 

epte id