Ka Leo o ka Lahui, Volume II, Number 1060, 5 Nowemapa 1894 — HE MOOLELO KAAO HAWAII NO LAUKAIEIE. Ke Kino Kamahao Iloko O KA Punohu Ua-koko. Ke Kahulileole'a o ke Kuluaumoe o na Pali o Waipio Hawaii. [ARTICLE]

HE MOOLELO KAAO HAWAII NO LAUKAIEIE.

Ke Kino Kamahao Iloko O KA Punohu Ua-koko.

Ke Kahulileole'a o ke Kuluaumoe o na Pali o Waipio Hawaii.

unuhi ia e Mose Manu no "KA LEO Ka huakai hele makaikai a Laukaieie me kana Aliikane—Lilo o Makanikeoe me Hinahelelani i mau alakai ma ka aina, a me ka moana Ike ia na lua hohonu maloko o ke kai a me ka aina nei—Hele pu me na ohana ponoi—Hoonohoia o Laukieleula i Ihikalani—Ulu ka ieie ma keia mau mokupuni -- Lilo i mea hoomanao ia e ka Lahu Hawaii nei. Aia ma wnhi i hele maoli aku ai o Makanikeoe maluna o ka aina a hiki i ka palena o Honuaula ime Ka'aikinui, oia hoi o Keahuaiea. Ano kona a wiwi mau no ma ka hele ana, ua hiki aku la keia maluna pono o na puu mahoe o Lualai lua, a mai laila aku oia no ke kahawai o Waiahualele-a ma o iki aku aia hoi, ua huli ae la oia a ike i kekahi ana e hamama mai ana makai o ke alanui. A ua hoomaka no oia e hele maloko o keia lua nui hohonu loa, me kekahi pali nui mamua aku o keia lua-a iho pololei aku la ilalo lilo loa o ka honua, aole i loaa iaia he wahi puka malalo o keia lua. Nolaila, ua huli hou aku oia i hope, a ua hiki aku oia mai Nakaohu, a ua ike aku oia i kekahi wahine e kuku kapa mai ana maloko o keka hi ana, makai o ke alanui, ana e hele aku nei, aia nae i keia wa, ua hoopuiwa ia ua wahine nei i ka ike ana mai ia Makanikeoe me kona ano nani nui me ka ui maoli no. A oia ka ua wahine la i hele iho ai kona pauku kino a hai malule i ka wai a ka naulu. me he ala ua pepe i ka wai o Niulu, a e like no me ke ano mau o na wahine ke ike mai iaia. ua ike no oe, e ka mea heluhelu, aohe pu-ko momona iaia. Aia hoi, i ua wahine nei e opiopi ana i kana kapa, a e pahee ana kana mau olelo a pau imua o ka malihini, aia nae, ua oloio aku la keia me he

wahi Iole ala a nalo aku la me ka emoole loa a hoea ma kekahi puka nui poepoe e hamama ana ka puka iluna, a ua hele hou aku oia ma ka aoao makai a hiki i ka loaa ana o ka wai iaia ma ahi e puka loa 'ku ai i ke kai. A ua ua moe aoao ae kekahi mana o keia lua ma kumu pali a puka ma Uliuli ma Papaloa ma ka K - paheehee ma Kahikinui, a o ke kolu o ka mana o keia lua, ua moe pololei aku ia iuka o Mahemanui a puka ina ke kau wahi huli alo pali o Uliuli. no ka inoa. oia oia inoa hookahi no i kai o Papaloa, a no keia Uiiuli keia mau lalani mele a Lonoapamano "Ulili kai pali o Kahikinui-e, Kokolo mai ka ohu e he ino, I hoolono i ka nehe a ke kai e, O Papaloa i Kahikinui."