Ka Leo o ka Lahui, Volume II, Number 1060, 5 November 1894 — Ka Makai Kiu Lau Omaomao. Ke Kaeaea o na kakai pali nihoniho o Misoiuri. KA MEA NANA I HOOHOKA KA POWA IEKE A ME KONA PUALI HOLOKOA. A I OLE Ke Aka kino wailua o ke kuluaumoe KA MEA NANA I HOOPAKELE NA KAMAHELE O KA PO. [ARTICLE]

Ka Makai Kiu Lau Omaomao.

Ke Kaeaea o na kakai pali nihoniho o Misouri.

KA MEA NANA I HOOHOKA KA POWA IEKE IEKE A ME KONA PUALI HOLOKOA. A I OLE Ke Aka kino wailua o ke kuluaumoe

KA MEA NANA I HOOPAKELE NA KAMAHELE O KA PO.

Ka mea nona ka Ipu kukui ka mahao lua oe.

MOKUNA III.

Ka hanu ana o ka Makai Kiu i ka meheu e loaa ai ka ui Mehaka Kona loaa ana iloko o ke ana huna o na powa, komo kino ka Makai Kiu iloko ona paio hahana ana. Lanakila ka Makai Kiu, hoohoka ia na poa liio ka Makai Kiu i mea weli weli nui ia nui loa ia e na poe haihai kanawai a pau, ma keia huakai ua loaa pu i ka Makai Kiu Lau Omaomao, ka mea na na i pepehi hoomainoino i ko na makuahine, oiai kona mau la opio, paa i ka hopu pio ia ke kalohe o ka lawe ia no Misouri ike hou ka ui Mehaka i ke ao aina. mohala pono kanani oia pua. la wa, nana iho la ua ui nei, aole he maopopo iaia heaha la ka mea hou e loaa ana, pane aku la oia, aohe o'u ike la, aia la mahea, ka nuhou a kuu aloha i ike iho nei? I kela wa, lalau iho la na lima o ka Makai Kiu Lau Omaomao i ka moena Veleveta a ulaa aku la, i kela wa ua hemo aku la kekahi aoao, a ua holo aku la ua nohea nei a paa ma ke poo o ka moe, ia manawa kuhikuhi aku la kana ipo, e nana oe i keia aoao ua paa ia, a ma kela aoao ua hemo; nolaila, e hoomanao oe o kahi a keia moe e ku nei, oia ke pani o ka lua powa o keia hale, a i hoike oiaio, e hoonee ae au i keia moe i ike pono ai oe e kuu aloha. I kela wa. ua lalau aku la na lima o ua Makai Kiu Lau Omaomao nei i ka moe a hapai ae la iluna, a iloko oia wa, ua poha maalie koke ae la kahi i paa ai, a ulaa pu ia ae la ua nani nei a hamama ana, aia hoi he mau pouliuli, e hoho ae ana ka makani me na ea polopolona. I ka ike ana o ka ui Mehaka i keia lua hana, ua pani ae la oia i kona maka a haule aku la oia ilalo, a waiho maule aku la i kela wa ua huli ae la kana ipo a lomilomi

iho la iaia, me ka haawi ana iho i na olelo hoolana i ka pepeiao o kana ipo. I ka pohala ana ae, ua pane ae la oia e hoi kaua ano, no Misouri, oiai, ua hele mai la au a weliweli i keia lua pa'u, a'u hoi i ike ole ai i kela mai la aku nei, au hoi e noho ana iloko o na la o ka ehaeha e lauwili hele ana, ma kuu nui kino, a i na paha i hana ia keia mau hana lokoino ia mau la, i na ua make mua a'u me kou ike ole ia'u. I kela wa ana e kamailio ana, aia kona mau waimaka ke hoopulu ala i kona mau papalina, a o ka pauma hoi o kona puuwai aia no oia ke hana mao ole ala ia mau setona. Ua pane aku la kana ipo, mai weliweli oe, a mai makau hoi, oiai e hiki mai ana ka la, a me ka hora no lakou e uwe kanikau ai. no ko lakou hopena weliweli e kai mai ana, a lakou hoi i ike ole ai. A ua lohe no hoi oe i ka'u i olelo mua aku nei ia oe, i na hora i hala iho la, he elima la o'u e noho ai ianei. alaila, haalele iho kaua i na paia hoanoano o keia lua powa. Ia laua no e kukai olelo ana, ua lohe aku la ka Makai Kiu i ka nehe ana mai o ka papahele, oia no kona wa i ku koke ae ai iluna, a me ka eleu, ua hoihoi hou aku la oia i na mea a pau a ku e like me mamua, a koe na'e na mea i haule iloko o ka lua, e waiho oneanea ana hoi ua moe ala. aole na mea hoonani i uhi ia ai. Ia laua no a hookuene pono iho, ku ana ka powa Ieke, a me na helehelena mae, ua pane mai la oia, auwe! eia no ka olua maanei kahi i nanea ai, e kuhi ana au ua moe ka malihini. Aole i pau.