Ka Leo o ka Lahui, Volume II, Number 1060, 5 November 1894 — KA LA HANAU O KA EMEPERA O IAPANA. [ARTICLE]

KA LA HANAU O KA EMEPERA O IAPANA.

Ma ke kakahiaka Poaono nei, ua malama ae na makaainana Iapana i ka la hanau o ko lakou Emepera. Ua pani ae na Kepani i ko lakou mau hale oihana no ka hanohano o ka mea nona ka la. Ma ke alanui Maunakea, malaila kahi i hoakoakoa ai na Iapana, no lakou ka huina o 70, he aahu piha ko lakou o ke kulana koa, a ua kaa ke alakai ia ana o keia huakai i ka puali puhi ohe Lahui Hawaii Ponoi a ua kai aku lakou no ke keena o ke Komisina Iapana Fujii, a ua haawi ae lakou he ekolu mau huro hauoli; ua kai hou ae lakou ma na alanui o ke kaona nei, a i ko lakou hiki ana ma ke alo iho o ka hale hooko, ua haawi hou ae la lakou he mau huro ana; a mai laila aku a ka pa alii o Wasinetona, ua haawi hou ae la lakou he ekolu mau leo huro hou. I ke ahiahi ana iho, ua kai aku lakou no ka hale hooikaika kino ma Manamana, a mai aila mai a hiki i ko lakou wahi i hoo- maka mai ai.

Ua hanau mai ma Kunawai ae nei, na Mr. a me Mrs. Ioba, i ka la 1 o keia mahina, he kaikamahine nui nepunepu. Oia ka nani.