Ka Leo o ka Lahui, Volume II, Number 1060, 5 November 1894 — Ka Uwapo Haaliliamanu. [ARTICLE]

Ka Uwapo Haaliliamanu.

Ua helo aku kekahi imua o ke aupuni me kekahi palapala hoopii e noi ana e hooakeaia ae ka uapo nona ka ino e kau ae la maluna. No ka mea ua lilo kela uwapo i mea hoohilahila imua o na maka o ke kulanakauhale nei, a he mea kupanaha ka ulia ole ana o kekahi poino i ke ola o na kanaka a me na holoholona ma ua wahi la. eia no hoi ke moe nei keia uwapo ma kekahi alanui ano nui o Honolulu nei, a maluna aku o keia wahi e hiki ai no ka hale hoolulu kaa ahi ame kekahi mau wahi e ae, ma ia aoao o ke kulanakauhale. He mea pono e loaa i ka uwapo ke akea e like me ke alanui, nolaila ke hele ia nei kela uwapō me ko hoomanawanui e na kamahele no ka mea aole he alanui hele wawae i hoana okoa ia ma ka aoao makai a o ka aoao mauka hoi aole e hiki i na kamahele ke hele me ka hopohopo no kona palekana, oiai aole i lawa ke kowa i ka kaa hapaumi e kau ai iluna o ka uwapo no na kaa elua e holo akuai a holo mai ma ka aoao makai me keia mau kinaunau i hoikeia ae la aole o makou manao e ae mai ana o mr. Rowela kela kanaka nui a koikoi ma ka mea pili i na hana hou o ke Aupuni e hooko koke ia keia makemake o ko ke kulanakauhale nei no ka mea o kahi olelo hoolana i loaa mai iaia mai e loaa aku ana he uwapo hou ma ia wahi iloko o elua makahiki mai keia manawa ma na wahi kupono maoli e hooliloia ai ka waihona o ka lehulehu ua punukuia ke dala a ma na hoolilo waiwai ole a pela wale aku malaila ke dala e hookaheaia nei, ola ke kanaka o ka manao ana o na haku keia lapuwale.