Ka Leo o ka Lahui, Volume II, Number 1001, 9 August 1894 — UA POLOLEI NO MAKOU. [ARTICLE]

UA POLOLEI NO MAKOU.

Ua ulu mai nei nakuhikuhi pa-e-e ana a ka poai o ka poe Hae Eleele, e olelo ana o mak<ju ka poe makemake e ake ana e alakai i ka Lahui e kue i ke Aupuni Moi o Hawaii nei aka o.ka mea oiaio maoli nae o ka poai o ka Hui Hae Eleele ka mea i ike maopopo ia na "hana kokua e hoole ike kukulu hou ia oke Aupuni Moi o Hawaii, a e kukulu hoi i aupuni Repubalika no Hawaii nei. Ma ka nuoepa Advertiser o ka Poakolū iho la, i ike ai makou, ira lawe ae l'a o Antone Rosa i ka hoohiki ana no ka Repubalika, a ua kue a hoole loa aku la i ke aupuni Moi o Hawaii. He mea keia, e aku ana , ua pau ka hilinai ana aku ia ia. No ka mea he okoa ka olelo, a he okoa hoi ka hana ana, he aloha ika aina ame ke aupuni Moi o Hawaii ke olelo mai, aka, he aupuni Repubalika nae ka manao a me ka makemake maoli. 0 na ano kanaka o keia ano, he muhee ka mea e hoohalike aku ai. e holo ana imua a i a i^tcnei, iho la keia ano kanaka, a pela ihola no e hiki ole aike paiileleaku. Ua hala kona nani.