Ka Leo o ka Lahui, Volume II, Number 974, 2 July 1894 — NU HOU KULOKO [ARTICLE]
NU HOU KULOKO
O ka nui o na eke kopaa, a ka moku ahi Waialeale i lawe mai no ko kakou makeke nei, he 3,476, a puehu aku no i keia la no Kauai. O ka inoa hookelakela o kekahi moku hou loa i ka pili ia ma ka Nu Ioka e ka Hui o ka Haku Keokeo, oia no ka Hienaokamoana, a o kona awa mua i holo ai, oia no o Livapula ma Enelani. He eha mau mokuahi hou i makakau no ka hooholo ana mai i o kakou nei, no lakou na tona 4,000 pakahi ua kapili ia keia mau moku ahi North Gereman Lloyd, he elua no ka Hui Vulecana, a elua no ka Hui Kelemania.
O na mokuahi holo pili aina o keia la, oia no o Kinau no Maui a Hawaii hora 4 p.m. Mokolii no Molokai a me Lanai hora 5 p,m. Waialeale no Kauai hora 5 p.m. Kaala no Kahuku hora 12 p.m. Ua ku mai i o kakou nei he kiapa, nona kainoa Skagit, iloko o 22 la holo mai Gray's Harbor mai, me ka piha papa no ka Hui o Alani, a me Robikana, a ua lawe ia ae ka hoike i ka Hale Dute, a me na tini opiuma a ke kuke pake i huna ai, wi ka niho o ke kalohe. Ua hoihoi mai nei ka mokuahi Mokolili he eiwa poe mai Lebera, na Kauka Doto i hana, a i houna ia mai a nana na kauka o Honolulu nei i ko lakou ole a me ka ola, mai loko mai o ka hale mai o Kauka Doto; pehea ana la e hemo i'o ana anei? 1 ka hora 5 p.m. o ka la apopo e haaleme mai ai ka moku ahi Calaudina i kaupo o Aina Hou, a niau aku no na ale ahiu o ke kai o Kaiwi a nana e lawe aku ana ka poe makaikai heihei lio, no Maui a i ka pau ana o ka heihei e hoihoi ae ana oia i na mea a pau a hookuu ae i Maalaea a na ka Malulani e hoihoi mai no Honolulu nei i ka Poaha. I ka hora 5:3o p-m. o ka Poalima nei i ku mai ai ka mokuahi Manowai i ke awa lai o Kou nei iloko o 18 la holo mai Kikane mai Sydney o ke kumu o kona loihi, ua loaa oia i kekahi ino nui ma ka la 14 o lune a ua poino ia kekahi o kona mau kanaka aukai aona ka aina Mc All ister, oiai ua haki pu ia kekahi aoao o ka noho ana e noho ana a pela ai i poino ai, a aia oia ma ka Hale mai Moiwahine i keia wa.
O na mea a pau i haawiia he kuleana ia lakou ma ka aoao ma Ewa nei o ka Pa Ilina Kakolika, e pono lakou e malama mai i ko lakou mau wahi ma ka hoomaemae ana. E lawe ana ka Luna i na kuleana a pau e waiho wale nei me ka malama ole ia; ma keia mua koke iho, ke hoolohe ole ka poe mea i loaa na kuleana ma kahi i oleloia maluna ae i keia leo kahea. Ma ke Kauoha. Honolulu Iune 12 1894. O kekahi o na Kanaka aukai kaulana loa, oia no o Hanale Wiwooje ua kaapuni ia e kela kaeaea ka moana Pakipika iloko o elua- makahiki i hala ae nei, maluna o kona wahi moku kialua he haole Kelemania keia. ua kipa ae oia ma Upolu, a mai laila aku a Apia, 1892, a mai Apia aku no Kalae, ma Felorida (Mokupuni o Solomona) ua hiki oia ilaila i Dekemaba. aua manao ia hoi ua nalowale oia, aka i ka malama o lanuari 1893 ua ike ia oia e ka alo ae ana ma na kapa kai o Nu Hamebia, a ma ia wahi i ku iho ai kona wahi moku,na ua waiho aku la i kana hoike ana i Hale Dute, a a ua loaa iaia he uku hoomau iaia mai ke Aupuni Kelemania mai.
1 ke kakahiaka Poaono nei, ua ku mai i o kakou nei ka moku ahi lapana, Aikoku Maru, iloko 21 la holo ma Yokahama mai, me na limahana Iapana he 500. no na mahiko o kakou nei. He leta kai loaa mai ia makou mai ko makou hoaloha mai o Kookoolau Lihue Kauai oia o Chales Warreh, e hoike ana ua loaa ia he make mainoino i kekahi Iapana ma Kookoolau Lihue Kauai, o ke kumu o kona make he make i ke Kaa ua loaa aku no ka kino wailua i kana wahine ua paa kona poo ma ka hookuina o ke kolo a me ke kaa a o na wawae ua paa-i kahi e noho ai a o kona mau lima ua haihai ana hooholo ke Kolonelo he make ulia ko keia lapana.
He kuai aiwaiwa ko ka Heiau o na Paikini, i keia mau la. no na koena waiwai o kela a me keia ano, a he emi maoli ke kumukuai o keia mea waiwai o kela a me keia ano. E naue ae malaila i ike pono. Ke hoikeia aku nei i ka poe lawe e mana kekahi bila hookaa no elua nupepa Ka Leo O Ka Lahui a nupepa la, i kakauia ma kekahi inoa eae, koe wale no na bila i kakauia e au ma kou inoa elike me keia, John K. Prendergast. E hoomanao i keia o ka poe lawe malama a me ka poe i hookomo mai i na hoolaha maloko o ka Nupepa Ka Leo O Ka lahui. John K. Prendergast Kapamwaho Honolnlu Jan 31 1894.