Ka Leo o ka Lahui, Volume II, Number 974, 2 July 1894 — HE HOOPUNIPUNI KA HOLOMUA!! [ARTICLE]

HE HOOPUNIPUNI KA HOLOMUA!!

Ua pololei loa Ka Leo o ka Lahui i ka olelo ana aku i ka Holo mua:—"Ua hooleiia e Kuhina Willis ka Palapala Hoopii a ka Hui Aloha Aina." He oiaio anai ia ? Ua lawe mai la ka Holomua i na olelo pale mai ka Nupepa Makaainana mai, i hoike nona; A pehea ia mau olelo ? "Aole i hoouna aku nei ke Kahina Willis i ua palapala kue la; Alaila, aia mahea ke kokua ia o ka Holomua olelo; —Ua hoolei ia, i ka ka Makaainana olelo; Ua hoole ia ?

Ihea kahi i hiamoe ai o ka Lunahooponopono o ka Holohope/ E hoolohe mai ko poo paakiki a me kou naau hupo, a e hoolilo ae ia oe i mea noonoo, a oi ae mamua o ka naonao a me ka anonanona, oia keia. Aole ka Hui Aloha Aina i haawi i ka lakou palapala hoopii ia Willis i maa hoouna ia Cleveland ma Wasinetona; aka, no Kuhina Willis ponoi na palalapala la, ma kona ano he Luna Hooko Kiekie o ke Aupnni o Amerika ma Hawaii nei. . Penei ka olelo o ka Palapala Hoopii i lohe oe, a ike hoi oe: I ka Meu Mahaloia, Albert S. Willis, Kuhina Noho a Elele Kiekie o Amerika Huipuia. O makou o ka poe i kakauinoa malalo iho • • • ma keia ke waiho aku nei ia oe e ka mea i Mahaloia i keia mau kumu kue malalo iho nei. * * * * * * * A oiai makou e hoomaopopo ana aole loa he mana e aku a makou e hoopii aku ai i keia wa, malalo o na kumu e ku nei, nolaila, ke lawe mai nei makou i keia mea. e waiho maoli aku i keia palapala hoopii kue imua ou e ka Mea Mahaloia, ma ke ano ooe no ka mea i hoomanaia heLuna Oihana Kiekie o ke Aupuni o Amerika Huipuia ma Hawaii nei. Me ka manaoio a me ke noi ana e lilo he mea oluolu, e ka Mea Mahaloia, e haawi iho oe i ka noonoo a me ka hoomaopopo ana, i keia hana koikoi, e like me kou ike i ka mea kupono e hana ia ai ma ia mea. O makou no me ka Mahalo Nui a me ka Haahaa: Joseph Nawahi. Pesesidena H. H, A. A. E ike na mea a pau loa, auhea ke kiloiia o ka Palapala Hoopii a ka Hui Aloha Aina ? Oiai ua loaa no ia Kuhina Willis, e lika me ka makemake o ke Komite nana e hooko aku i ka manao o ka palapala hoopii. Aole i mea hoouna aku i Wasinetona ia Cleveland. Lohe aku la oe ?— Hui Aloha Aina.