Ka Leo o ka Lahui, Volume II, Number 944, 18 May 1894 — O na lapana a me na Pake. KE KOI NEI E KOHO BALOTA. [ARTICLE]

O na lapana a me na Pake.

KE KOI NEI E KOHO BALOTA.

Mamuli o ka waiho ana aku o ke Aupuni Iapana i ke Aupuni Kuikawa ma Hawaii ne, he koi; e loaa i kona poe kanaka Iapana e hono nei ma Hawaii nei ka pono koho balota ana. Ua ala lokahi ae hoi na poe Pake O Kina, a hana iho la he Palapala Hoopii, e nonoi ana i ke Aupuni Kuikawa, e ae ia mai e loaa like ia pono o ke koho balota ana ma Hawaii nei. Ua ala mai keia mau koi ana, mamuli no o ka lapuwale maoli o kela Kumukanawai o ka 1887, a ua poe hao aina nei i hana ai. Oaia, ua haawiia he pono koho i na poe o na lahui e ae, koe nae ko Asia poe. Aka, ano hoi ke hoi hou mai nei ke inoo na hana Kumukanawai a na poe mikanele i hana ai, a hookikina mai ia lakou, e ai hou no lakou, i ka lakou kakalaloa i kanu ai. Ma ke Kumukanawai o ka 1864; aole loa e loaa he mea e ohumu ai na lahui o na aina e mai; no ka mea, ua ae ia no na poe a pau loa o na aina e e koho balota, ke hoohiki kupa lakou no Hawaii nei, a ke hooko hoi i na mea i hoakakaia ma ke kanawai no ke koho ana. Ma ia Kumukanawai ua loaa no9 i ma poe Asia i hoohiki kupa ka pono koho balota; a pela i komo nui ai kekahi poe Pake kuonoono, a i mare i na wahine Hawaii i ke koho balota ana. Aka, ma ke Kumukanawai ana mikanele o 1887; ua kiolaia na poe Asia, a ua hookomo ia na Europa naaupo, i mea e loaa ai ka lanakila i na poe mika {Illegible} le kaili aupuni. Pela kakou e i nei i ka lakou mauhana lapuwale loa.