Ka Leo o ka Lahui, Volume II, Number 890, 5 March 1894 — Hoea Hou ke Kupueu MA KA Nuku o Mamala. Moku Okohola Hariota ME Eono Mai Hebera. [ARTICLE]

Hoea Hou ke Kupueu MA KA Nuku o Mamala.

Moku Okohola Hariota ME Eono Mai Hebera.

0 ka moku Okohola Hariota, Kapena Donalasona, ua ku mai ma ka nuku o Mamala ma ka ?oaono o ka pule i hala, a e kau ana ka liae lenalena maluna o kona kia. Ua holo lunia nui o ka Papa Ola e nana i ke ano o ka inai maluna o keia moku; i kona hiki ana aku, ua hoike mai la ke Kapena, ua loaa ia he 15 o kona mau luina i ka Hebera; he elua i make. I keia manawa nae, he eono wale no poe luina i loaa i keia ano mai. Ua haalele aku ka moku Okohola Hariota ia Kapalakiko, ma ka la 23 o fvovemaba, 1893, no ka holo ana i ka pepehi kohola. Ma ka Mokupuni o Hawaii kona wahi i kalewa ai. Aia no keia moku mawaho o ka nuku o Malama kahi i ku ai, ma ka la Sapule nei i hoihoiia ae ai keia poe mai 6 ma Kahakaaulana. Ua hoikeia mai, o ke kumu o ka loaa ana o keia moku i ka mai, mamuli o ka auau ■ ' . !■ : ■ ■ ana o kekahi mau Hawaii i ka wāi huihui. Ua hoomaluia o Kahakaaulana i keia manawa, a mai hT)okokoke aku malaila e na makamaka, | E hoomaemae loa ka noho ana e like me ka hiki i kela a me kaia ohana a mea hookahi paha ke malama i ke kulana makaala o ka noho ana. He kulana pale aku keia i ka laha ana o keia mai weliweli iloko o keia kulanakauhale. 0 ka Ka Leo keia e hoike e aku nei i ola honua, no ka pono a me ka pomaikai oka lahui. Aia ma kooukou aoao ka hana i koe no ka hooko ana i keia leo. Aohe malama i pau i ka ilio.