Ka Leo o ka Lahui, Volume II, Number 850, 9 Ianuali 1894 — He Olelo Nane i ka Lahui. [ARTICLE]

He Olelo Nane i ka Lahui.

He wahine e holo ana maluna o kona lio ponoi i kekahi la, ua kuko kekahi wahi keiki opiopio e kaili I ka lio o ka wahine; aka ua manao oia, aole ehiki ke hookoia ia manao ona; Nolaila, ua hele akt la oia a loaa kekahi kanaka ikaika, a kuka pu oia me ia, no kona manao e kaili i ka lio o ka wahine; ma kona aonoi ana, au ae mai ke kanaka ikaika e koku i ua keiki la, ma ke kaili ana ae i ka lio o ka wahine. Ua lako ke kanaka kokua, me na

kaulaili hoolei, me na pu panapana liilii, me ka huipa [ ]-lio Ma ka auinala o kekahi la, ua maalo ae la ka wahine maluna o kona lio; ia wa i lele koke mai ai keia mau kanaka opio; a paa aku la i ka wahine a me kona lio, a kiloi ae la ia ka wahine nona ka lio ilalo, a kaili aku la i ka lio a lilo aku la ia laua. Ma ia wa, hele ka wahine e hoopii i ka Lunakanawai, e koi e hoihoi ia mai ka lio. Mahope iho o ka lohe ana o ka Lunakanawai i na olelo hoike e pili ana i ka mea nona ke kuleana io maoli; ua hooholo ka Lunakanawai, no ka wahine no ka lio. Kauoha ka Luuakanawai i kela mau kanaka opiopio elua e hoihoi i ka lio i ka wahine me ka uku pu i na dala o ke koina :-- Ae mai ke kanaka opio ikaika e hoihoi i ka lio i ka wahine; aka, oiai aia ka lio i kahi keiki opio kolohe kahi i paa ia ai, ua hole mai la oia, a olelo mai la; Aole e loaa aka ka lio oiai, mamuii no o ko'u ikaika ka lilo ana mai o keia lio ia'u. Na kela kanaka ikaika no e huli i lio, a hoihoi aku i ka wahine. Aohe no ou kuleana e ka Lunakanawai, e kauoha mai ai ia'u, e panai aku i ka hana kolohe a kela kanaka i hana ai i ka wahine. E! e lohe oukou; e paa ana no au i ka lio no'u; ka mea i loaa ia'u ma ko'u ikaika ponoi iho. Aole loa au e haawi pio iki aku ana. E ka Lahui Hawaii; Owai la keia wahine nona ka lio i kaili ia ? I ka wa hea la i kaiii ia ai ? Heaha keia lio i kaili ia ? Owai kela wahi keiki opiopio ikaika i kokua ai ia ia ? Owai la ka Lunakanawai nana ka olelo hooholo, e kauoha ana e hoihoi ia ka lio i ka wahine ? Kealohaaina.