Ka Leo o ka Lahui, Volume II, Number 788, 11 ʻOkakopa 1893 — KOKUA A KE AUPUNI. [ARTICLE]

KOKUA A KE AUPUNI.

O ka olelo hooholo malalo iho o ka Halawai Kuikawa a ka Aha Hooko a me kuka o ke Aupuni i noho ai ma ke awakea Poakahi nei e hoakaka ana nona iho: Hooholoia. - Mamuli o ka hoopomaikai nui ana mai o ka laina mokuahi Auseteralia-Canada, i ka hoomau ana mai i ka holo ana mai o ua mau mokuahi ala a lawe aku

i na waiwai o Hawaii nei a me ke kulana kupilikii o ke awa ke hiki mai i keia hoili i na e i-ka ia ae ana ka mokuahi ili Miowera iloko o ke awa, a oiai hoi e holo koke ana ka mokuahi Auseteralia ma ka la 31, a i mea hoi e loaa ka hui ana me ka Mariposa no ka haalele ana aku ia Kapalakiko, ma ka la 19, o keia mahine no keia awa; nolaila ua loaa he umi la i hoopokole ia mai ma ka hoouna ana mai i na mea hana no ka hoonee ana iaia (Miowera). Nolaila e hooholoia, - ma keia ke ao ia kau nei ke Kuhina Waiwai e haawi aku i ka huina o $15,000 i na agena o ua laina ala, a oia hoi ka hapa o ka hoouna ana i ka mokuahi Auseteralia; me keia kumu nae, i na e hoihoi ia mai ana na lilo a o kekahi hapa paha o ua mau lilo ala i ka hoouna ana i ka Auseteralia i ua mau agena nei i oleloia, e hoihoi ia mai no iloko o ka Waihona Waiwai o ke Aupuni Hawaii na dala i mahele like ia mawaena o na poe i haawi no keia hana. O keia huina o $15,000 i haawiia no keia hana mailoko aku o ka waihona o ka lehulehu e ka Aha Hooko a me Kuka o ke aupuni Noho Manawa, ua lilo mauwale ia mau lala mamuli o ka wikiwiki loa ana o ka Peresidena W. O. Kamika a me kona mau hoa i ka hoopau ana ia Kauka Trousseau (Kauka Farani), mai ka noho kauka anan no ke awa o Honolulu, he kauka eleu keia, a na kona eleu i haawi i ka makaala i na pailata e kiai i kona manawa e holo ai maluna o kona waapa mokuahi e kau aku iluna o ka moku e hookomo mai ana no keia awa, ua kolo aku oia i ka waapa o ka pailata i na e lana ana ua pailata la ma kona alanui e hiki aku ai i ka moku. Ua koho hou ka Papa ia Kauka Anaru, he kanaka keia aole ona waapa, a me ke pailata e holo pu ai. Ua hoike ia aku ma ke Telepona ka lohe i keia kauka no ka mokuahi Miowera, eia kana i pane mai ai, a ai ana au i keia manawa, ua kali iki iho la ke pailata iaia, a mahope koke iho no oia manawa, ua ili mai la ka Miowera, mamua o ke kau ana aku o ke Pailata me ke kauka maluna ona. O ka hopena ke lilo mauwale nei ke dala a ka lehulehu malalo o na kino naaupo o keia poe i ike ia lakou o lakou ka oi o ka ike a me ka naauao ma nei mea he hookele aupuni ana. He nui ke kaikoo a me ka ooloka o ka moana i keia mau la; no ka mea, ua hiki ae ka nalu i na paepae kapu o Iolani Hale Alii, a ke [ ] nei na poe hookele waa i ka [ ] o na upena lawaia a lakou; Ke kahea nei i na poe Aloha Ahi e kakau aku i hemo keia mau, aka, ua paa iho la no i keia mau la.