Ka Leo o ka Lahui, Volume II, Number 727, 17 July 1893 — KA WANANA A KA LEO. [ARTICLE]

KA WANANA A KA LEO.

He mau la i hala ae nei, ua hoike mua aku KA LEO, i kekahi ouli ana i ike ai a na keia. Ua ike ia

kekahi luna kiai o ka manawa, na koa kiai Alii Iolani, e hele ana me kana pu, i hoohuli ia ka w**au i hope, e paa ana ma kona poaeae akau. Ua hoike KA LEO i keia ouli, he hoailona ia no ka poe make, e hoolewa ia ana; a me he mea la i e mea make no a hoea mai. He mea oiaio, ua hiki mai ka la e hoike ia ai ka KA LEO i hoike aku ai; a eia la, e hoolewa io aku ana no ua luna la, i ke kino make o na koa, e like me kana i hana ai. Aka, o na ouli iho la no ia o ka manawa; a o na kakaina iho la no ia e hiki mai ana. Oiai hoi, o KA LEO O KA LAHUI he kilo oia no ke au o ka manawa, e nee he kuhikuhi puuone, he kakaolelo, he kaula, e wanana ana i na mea a pau, e hoike ana hoi i na mea a pau me ka oiaio. Aka, ia makou nae e hoike ai i kekahi ouli a makou e ike ai, e nema ia mai ana makou, me ke pahenehene ia mai, aka, he mea ole nae ia ia makou. Oiai o ko makou kahua e ku nei, aia no ia maluna o na olelo oiaio a ke Akua Kiekie Loa; nana makou e kokua mai a e ola o Hawaii i ke Akua.