Ka Leo o ka Lahui, Volume II, Number 724, 12 July 1893 — Page 2

This text was transcribed by:	Francine Frost
This work is dedicated to:	Awaiaulu

KA LEO O KA LAHUI.

"E Mau ke Ea o ka Aina i ka Pono."

----------------------------------------------------------------------

KA LEO O KA LAHUI

JOHN E. BUSH,

Lunahooponopono a me Puuku.

------------------------------------------------------------

POAKOLU IULAI 12,1893

--------------------------------------------------

Ka Manao ma Kapalai o

------------------------------------

Ua hiki mai ka lono i keia kulanakauhale, a ua poni ia wahi i ka lono e hoihoi hou ia na ke Aupuni Moi o Hawaii, e like me ia mamua o ka la 16 o Ianuari o keia makahiki. Oiai na makou keia lohe i lawe mai a hoolaha ae mamuli o ka lohe i hidi mai mai Kapalakiko maluna o ka mokuahi China, e lilo ana no ia ia mea hoole ia , a he hoopunipuni, aka, elike me na mea a pau i kapaia e ka poe hoohui iana he oiaio ole, a mahope hooia ia mai he oiaio e like me ka ike maka o na hoike upono a me ka lohe ia e na mea a pau, pela ana no keia. Aole nae kakou e kanalua no ia kumu, no ka mea, oia hookahi wale no ke alanui pono, kaulike, a hanohano i hamama ia Amerika, e hoomaikai ai iaia imua o ke ao holookoa mai ka paumaele i iiihia maluna o kona inoa hoopono, mai mua mai, mamuli o ka hana a kekahi poe kanaka a luna Amerika i manao e aihue i keia Paeaina me ka ae ole aku o ka lahui nona ponoe ka aina. Ua ulupuni na Amerika hoopono i ka ukuuki i ke kaualako ia ana o ka inoa lahui i ka lepo e ka poe e ake ana e hana i na hana lapuwale a ku i ka aihue aina maoli no.

-----------------------------------------------------

HE KUMU HOOLANA MANAO

-----------------------------------

Ma ka mokuahi Kina, i holo aku i ka Poakahi nei, i hiki mai ka lono ma o na lii moku mai, i ka haawawa o ka hoihoi hou la o ka Moiwahine Liliuokalani a me ke aupuni Hawaii e like me ka makemake ia e ka lahui Hawaii holookoa, koe aku na niheetero o ka lahui. Ua hiki mai keia lono i Kapalakiko, oiai ka moku e liuliu ana e holo mai. Oiai, aole ia pio ke makou manaoie i ka hoi hou o ka ea o ka aina e like me kona ano mau, mamuli o ka pono, a iwaena hoi o na hoopunipuni a hana maalea a na keiki a ka Makua o ka hoopunipuni, ua hilinai makou he nuhou oiaio no keia i niki mai. He nui no na kanaka i loaa leta mai e hooia ana i keia mea, ma ka lakou leta e olelo ana, ua maopopo loa e hoihoi hou ia ana ke aupuni a Stevens i nookahuli ai me na mamo misionari, iloko keia mua koke iho, a e lohe aku ana makou ua hana ia hana ke hoi hou mai ka moku Auseteralia o Kapalakiko, oiai ua hala aku nei hoi he Kauoha no ia mea. Ua kokua ia keia lohe leta, e na olelo a ka poe hoohui a na ponoi, i loaa pu mai no he mau leia, a wahi a lakou o ke kumu e kakali ia nei ua hemahema a ano pohihihi iki na kauoha ma kekahi mau kumu manao o ke kahua a ka hoihoi e pili ana i ka poe i komohia iloko o ka hookahuli aina. No keia kumu ua hiki ia kahou Hawaii ke noho malie, a ke nilinai maluna o ko Amerika mau luna Aupuni Demokarata e hana ia ana ka pono a e houle ana ka hewa a malia eia iho i ka la apopo e hiki mai ai ia nu hou maikai. Aloha wale ka poe i alakai hewa ia e na naau kaeko!

---------------------------------------------------------------------

UA MAKAU HONUA.

----------------------------------------------

Ua olelo ae ka P.C. Avataisa onehinei ua makau o Kaumeheiwa o make oia ia Koolau, ke hoi i Kalala. I ko makou manao, he hewa aku no ka lunaikehala ke hopohopo wale la no, oiai aole he pilikia e ili wale mai ana. Ua hiki ke hoohalike ia keia makau wale me ko Koolau makau ole, a e ike no kakou i ke kulana o keia mau kanaka. He kanaka mai ole o Kaumeheiwa, a aole ona pilikia, aka, he mai hoi ko kekahi kanaka iho, he ulia pilikia, a he mea a kakou e aloha aku ai. Aole nae o Koolau, ka mea i kau ke alina o ke kanawai, e kiai ia nei me ka waha o na pukuniahi, poka hoopahu, na pu raipela a na koa e kiai ana e lawe ae i kona ola, e uwe hele ana nona iho a no kana wahine a me ka laua keiki. Ke ku nei kekahi ma ke kae o ka lua make,---make a ka poka, make a ke kanawai, make a ka mai ola ole, a make hoi a kona io ponoi nana i hooaleale a hoeneu mai i ke kanaka o ke aupuni i make mua ai e kpaku ia lakou na mai, mai kekahi wahi kupono loa ma ka Paeaina Hawaii e hoolili ia no ka poe i loohia, i ka mai hookaawale ohana.

Ua kuka ua hoa o Hale Ahaolelo o ke kau o 1892--1893, i hala aku, me na hoa o ka Hale mai Kauai mai, a ua lokahi lakou i ka hoike ana mai i ko lakou manao he kupono, e waiho malie ia na mai o Kauai ma Kalaiau, malalo o na kumu: he kaawale mai ka poe ola maikai: ua hiki no ia lakou ke imi i ko lakou ola me ka lilo ole o ke aupuni: he laka a he ae na mai e hoi ma Kalaiau, aole hoi he ae e hoi i Kalawao. He kumu maikai no keia, a o na Wilikoki. Keoki a me Alopeka, no kekahi i upono mai e waiho mahe ia na mai e noho kaawale ana ma Kalalau.

He oiaio, he kuleana ko keia kanaka, e makau nei o pohae ka ili i ka ihe a kona hea kanaka, maluaa o kona aina, aka, aole la he kumu maidai, ina oia wale ke kumu e kipaku ia ai o na mai mai ko lakou wahi e noho malahia ana me ka hoopilikia ole mai i ke waho poe a e hookaumaha oie ana i ka @ hu no ka malama ana i ko lakou ola elike me ia ma Kalawao. Ua hiki no, a i ko makou manao, ehke me ia i hoike lokaiu ia mai ai e ke Kauai mau Alii a mau Lunamakaainana, he maikai e lilo o Kalalau no na mai, a e haawi ia aku e ke aupuni kekahi wahi kupono no na kanaka o Kalalau i loaa ole i ka mai, i wahi no lakou e noho ai, a i pani hoi no ko iakou mau aina, a e hoopiha aku i na poho e ae me ke kupono. He hana ku keia i ke alona, he hana ku keia i ke Karistiano a ka poe kaena ia inoa o lakou, a he hana no hoi e hooluolu ai i ka noho ana like me ka hoomania mai i ka naau o ka poe i hookaumahaia e ka ulia mai hookaawale ohana.

----------------------------------------------------

KE OLA NUI.

-----------------------------

Oiai kakou e kakau ana a e kamailio ana no ke ola o keia noho ana, he kupono no ia kakou ke hawi i ka noonoo no ke ola mau loa. Ina ua manao io kakou he Akua ko ka Lani, elike mei na huaolelo o ko kakou mau waha alaila, ua kupono loa kakou e mai i ke ola mau loa i hoike ia mai e ke Akua ma kana olelo hemolele, ma o ke Keiki a ma o na Kauia i noho ia e Kona Uhane. Ina ua ike makou i ka hoopapau o keia lahui eimi i keia haawina pomaikai nui elike me ko lakou hooikaika i o na mea o keia ao, alaila ua mania ka noonoo ana, a ua hauoli hoi ka naau, aka, aole hoi pela ke kulana o kanaka o ke ao e noho nei. Ua anei paa mai na hana o keia ao maluna o kakou, a ua ia mea e alai nei i ka hana a ka Uhane Hemolele, ke kokua i lokomaidai ia mai e ka Makua Mana e noho mau loa me kakou a hiki i ka hopena.

I ka wa kahiko ua paa naau keia mea he ola mau ma o Karisto la, i ka poe kahiko hemolele, (Nana Kin. 49:18; Pukana 15:2 Halelu 9:14; 51:12). He mea oiaio no hoi, na piha ka Hemolele a Davida mai mau a hone, i na olelo o ke ola mai ke Akua mai, no keia manawa a no keia maa aku. Eia nae, aole hoi na kahiko i ike piha i ke ano o ka hana hoola, e like me ka ike o ka poe o ke au Karistiauo ia wa a me keia. Ua hoike pololei ia keia iloko o ka hemolele, a iloko o ka na Kaula Dan. 12:4,9, ma o Karisto, Mat. 15:16,16, ma o na aposetole, Roma 16:25,26; Epeso 3:5, aka, aole i manaoia e ike lakou i na mea a pau a ke Akua ma kona Uhane i haike ai ma o na haula a me na aposetole i na mea a lakou i ike ole ai. He mea hoohana wale no lakou, a o ka Uhane o Karisto ka mea iloko o lakou kai hoike mai, aole o na Kaula maoli. O ka Uhane a ke Akua kai ike i ko ke Akua makemake @ ka mea i ike ai na hanaana kahaka e heea ana i kela a me keia manawa 28 m, 2@ 2 Peter 1:@.

I mea e loaa ai ia kakou keia ola mau loa ma o K@ e kakoo kakou i ka oiaio a e ple ia i ka pa lemamaa e ka @ Ep 6:14 e like me ka hoike ana mai o ka oiaio ia kakou i ke alahele o ka pono. E hoomaopopo no hoi kakou aole ko ke Akua lokomaidai aia wale mua, aka e kahe mau ana mai kekahi kiowai mapuna pina i hiki ke loaa ia kakou mamuli o ka manaoio. Roma 5:2, e like me ko Karisto ano e ike ia ana ma kana olelo i kela a me keia manwa; no ka mea e hoike mau ia ana ka nani o ka Haku. 2 Cor. 4:6 e like me ka pii mau ana hoi o kona nani 2 Cor. 3:18, a hiki i ka la e ike kino ia ai kona nani e kona poe kanaka. Tes 1:7-10;2:8: pilipo 3:20,21; 1 loane 3:2. Nolaila, e hemolele, i loaa ai ia kakou keia ola nui i oleloia e loaa ana i ka poe i malama i ko ke Akua kanawai a me ka manaoio ia Karisto Iesu.

---------------------------------------------------------------

He Moolelo Kaao

KOOLAU, KE KAEAEA

O NA

Pali Niheniho o Kalalau

KA WELI O

KAUAI O MANOKALANIPO.

-----------------------------

Ka Maka Uwila Nana i Oani ae i na Ihe Laumeki Kauila o Puukapele.

----------------------------------------

Ka Mea Nana i Luniai aku la me ka palanehe i na Elele Ahailono Ole a Lonomakua iloko o na Awawa o Hanakapiei a me Laniwai.

---------------------------------------------------------

He kanaka o Koolau i loaa i na haawina apo kepua a me na ouli pahaohao o ka pe, e like me ko Kalikini, me ko Peapea, me ko Kauahoa a me ko Kanaloa. Mamuli o k2iq kanaka o Koolau i kahea mua loa ia ai ka Mokuaina o Koolau ma Kauai i ka wa o keia kapainoa ana, oia ka manawa he Hookahi Kanahiku hanauna mamua o Umi.

Mananii o ka Koolau makemake e holo kaapuni makaikai i na mokupuni o ka hae Aina o Hawaii nei: ua haalele aku la oia ia Kalalau, a hoi aku la, a noho ma Apaho la i Koolau o Kauai.

I ke au o ka noho ala ana ae o Puna hoomaka iho la o hoolau e haalele ia Kauai, a kau aku la ia me kona makuah ne ae Haena a holo aku ia no ka mokupani o Kakuhihewa, ekolu na mapuna hoe a Koolau o ke kau ana iho; kaaea ana ka makuahine; E ka kei@. Eia ka aina ia ke oili mai nei kuahi@? Heaha ia e kuu makuahine? Elaa ao mopona o ka a waia ana iho owe ana ka ihe o ka waa i ke one o Waikiki lele aku la laua nei iuka, kipa aku la i kahi o kamaaina, i ka wanaao poeleele no aole i wehewehe ae kai ao.

Noho laua nei iuka o Manoa he mau la ekolu mahope iho holo loa laua nei me ka makuahine nu Koolaupoko; pae laua nei ilaila i ka wanaao; noho aku nei laua ilaila hoao ae nei o Koolau me kekahi kaikamahine ui olaila, o Heeia ko na inoa, a hanai i ke keiki a kauoha o Koolau i ka wahine ina e hanau ae ke keikikane, alaila, e kahea iho i ka inoa o Koolauomanokaianipo; aka nae, i ka wa i hanau ae ai, he mau mahoe wahine elua; no ia hanu keiki kane ole ana; kapa ia o Koolaupoko a me Koolauloa he nokole ke kino o Koolaupoko he loihi ke kino o Koolauloa, oia ke kahea ia ana o na inoa Koolau o Oahu. la Koolau i haalele iho ai ia Oahu nei, ua holo pu no oia me kona makuahine a pae ma ka aoao akau o Molokai, ma kahi i kapaia o Waikolu. I ka poho ana aku e laua ia wahi, lawe hoao hou ae la o Koolau i ko laila kaikamahine ui ia Kapolei, hapai o a i ke keiki a hanau ae la he keikikane, kapaia kona moa o Koolau; oia ke kapaia o Koolau o Molokai a hiki i keia la.

Haalele hou no o Koolau me Haena ia Molokai, kau no me ka waapae i Keanae ma ka aoao hikina akau o Maui o Kama; noho ilaila moe ia Uluhani kolaila ui opiopio nohea: hapai a hanau ae he keikikane, kapaia ka inoa o Koolau; oia ka mea i kapaia ai o Koolau he Mokuaina no Maui a hiki i keia la.

Mai Mau aku iaua nei holo no Hawaii; a ke kowa o Alenihaha, punia laua nei e ka ino, ke makanu me ka ua; aka, ia Koolau he maole wale no ia,, no ka mea, me na lima wale no o Koolau i peahi aku ai i ke kai, a lilo ae la ka moana ooloku i wai lana malie, eiima no mapunahoe a ke keiki Koolau, owe ana ka ihu o ka waa o laua nei i ke ili o Haena ma Kohala Hawaii.

I anei, haalele keia i ka makuahine ona ilaila e noho ai a hiki i kona huli hoi ana mai ka aoao hikina mai o Hawai mai, nelaila, ua kapaia ka inoa o oia wahi o Haena mamuli o H@ ka inoa o ka Koolau makuahine a hiki i keia la.

I ko Koolau hele ana ua pii aku ia oia maluna o na pa'i o Honoane a Waimanu a Waipio, malaila aku ma Hamakua, a Hilo paliku, noho i Laupahoenoe i aloha ae la i ka makuahine ona a Haena, i ka haalele ana aku i Kohal@ ua ano ohuahi iho, iho aku la oia i kahakai a hapai aku ia he waa no kamaaina a kau iho la, hole ne Kohala, me ka ike ole mai o kamaaina i ke na nei lawe ana ka waa.

Mamui o ke Koolau ano kupua ua kahea ne la oia i kona aumakua e @ mai i ka pueo e lawe inoa no Kehaiia, oiai aole he hoe o ka