Ka Leo o ka Lahui, Volume II, Number 723, 11 July 1893 — Page 3

KA LEO O KA LAHUI.

"E Mau ke Ea o ka Aina i ka Pono."

 

NA LETA.

            Aole o makou makemake e lawe i ke koikoi o na hala no na manao i hoopuka ia malalo o keia poo e ko makou poe kakau manao.

 

MR. LUNAHOOPONOPONO:

            Aloha oe:

            Eia mai na wahi mea hou o ka aina a ka ehaeha, i hanaia ma ka la 4 o Iulai; a nau hoi ia e uwila ak ma na kihi eha o ka Paredaiso o Hawaii, i ike mai ai na kini a me na makamaka o ka poe i loohia i ka mai hookaawale ohana, i ka wikani maoli no o na aa huki o na keiki i loohia i keia mai, a i hiki ole i ka ikaika huki o na kanaka maku@ a kok@ hoi, ke kaili i ka hanohano o ka la.

Hukihuki Kaula.

            Ma ka hora 8:30 a.m., ua hoomakaia ka hukihuki kaula mawaena o Kalawao kue ia Kalaupapa, a i ka wa i makaukau ai o na aoao a elua, oia ka wa i lohe ia aku ai ka leo o ka lunakanawai e kahea ana e hoomakaukau na aoao a elua, a i ka manawa i lohe ia aku ai o ka leo, go, oia ka wa i ike ia ai o na keiki o Kalawao, e oni ana ko lakou pauku kino me he moku la i loaa i ka ino, a e hooikaika ana me ka manaolana e lilo ka hanohano o ka la, aka, ua nele lakou, oiai no na keiki o Kalaupapa e kauaheahe aku ana, iloko o ka pau ana o hookahi e like me ka olelo hooholo, ua kuea ae la na aoao.

            Ma ka elua o ka manawa huki, ua hooholo na lunakanawai a me na hai hukihuki, ma ka iniha ka lilo ke piha ka hora hookahi, a ua hookoia pela.

            I ka manawa i huki hou ai o na aoao elua, he mea oiaio ua kaa ia Kalawao ka e-ka mua, ma ka panee mua he 17 inihia mai ke kiko waena mai, no 15 paha minute ia kulana ia lakou, aia hoi ua panee liilii aku la ia Kalaupapa, a i ka piha ana he hapalua hora, aia hoi ua lilo aku la ia Kalaupapa he 17 iniha, a oi aku la, mai ke kiko waena aku he 4 inihia, ma keia wahi i haunaele ai.

Haunaele Ana.

            O ke kumu o keia haunaele ana, oia ka hiki ana mai o ko makou Luna Nui A. K. Hutchison, a waiho ino la i kona papale iwaena o na hui hukihuki, a kauoha ae la, i na paha he mau puuwai kekahi i piha i ke aloha no keia poe, alaila, e lawe mai, nolaila, ua lulu no hoi na poe i piha i ke aloha, i keia wa e lulu ua kauoha aku la o A. K. Hutchison i na hoa hukihuki e hoomaha, a nolaila, ua hoomaha iho la o Kalaupapa, i keia wa i huki ai o Kalawao pela i loaa ai he haunaele, kokoke e ulele na ai a ka ui, mawaena o na mai o Kalawao a me Kalaupapa, hele i ke kua na maka, aka, ua pau no nae, oiai eia no na mai malalo o ka leo alii.

Ke Kumu.

            Ua ulu mai kela kumu malalo, o ka hukihuki ma@a nolaila, i mea e mahuahua ai kahi kenikeni na keia poe, pela i manao ai ko makou makua e lulu, o ka ekolu iho la keia o ka hukihuki ana.

Olelo Hooholo.

            Ua hooholo na lunakanawai, e mahele like no, a i keia Poaono aole i maopopo na dala.

Aha Mele.

            Ma ka hora 3:30 p.m., ua wehe ka aha mele i kapaia Waimanu Glee Club, ma Beretania Hall, a eia iho no mea i hanaia.

            1 Song & Chours. Ka lei o Hawaii Company,

            2 " " E ola oe e Kalani Kane wale no.

            3 Tableaux The gentle wife 4 Scenes

            4 Song Fairy Moonlignt Qaurtet.

            5 Tableaux Ka Moolelo o Kawele a me Kauahoa 3 Scenes

            6 Song Ka Lei o Liliu Kane wale no.

            7 Teblaux Ka moolelo o Wakaina 4 Scenes.

            8 Song & Chorus E Kaulilua e o Mai Company.

            9 Tadleaux Ka moolelo o Laieikawai a me Laieolohelohe 6 Scenes.

            10 Song On the Mountain Life is Free Quartet.

            11 Tableaux Na Leo elua o ka Wahine 2 Scenes.

            12 Song & Chorus My dear darling Company.

            13 Tableaux Scenes Mai ka moolelo mai o Kamehameha.

            Hawaii Ponoi.

            A ua pau na hana i ka hora 6:30 p.m., a o keia ka panina o na lealea o ka Pokiula ni no ka aha mele he maikai wale no.

            Nolaila ke haawi nei au i ko'u aloha hope i na keiki oniu hua metala.

            Me ke aloha.

            PUAOHAWAI OPILI.

 

NUHOU KULOKO,

 

            Ua ohohie mai na hoaloha o Hilo i ko lakou makamaka maikai, Mrs. J. Nawahi i kona hiki ana aku i Hilo taona, me ke ola maikai no o kona kino.

 

            O ka poe i liki ai i Honolulu nei, he poe ike i ke ki-pu pololei, a i akena ai hoi he ike ole no'u i ka aina ke ola o Koolau, a pela aku, oia poe a pau, ua hoopahua ia lakou.

 

            Iloko o na moolelo, o Woka Rale ka Emepera o ke kipukaili, o Kale Hauna hoi ka Emepera o ka pu raifela, a i ke kino kanaka o Hawaii nei o Koolau ka Emepera o ka pu raifela.

 

            He wahi paina ka na keiki aukai, i holo pu ai me Mr. Nawahi i ke kau koho balota kuikawa ai i ka makahiki i hala, mai Hilo no Honolulu ma ka waapa; i haawi ai ia Mrs. Nawahi, no ka hoomanao ana i ko lakou noho malihini ana i ke ku ana mai i Honolulu, a oia ka makua.

 

            O ka lilo o ke Aupuni Kuikawa no ka hoouna ana aku nei i na koa e kii e hopu pio ia Koolau i ka pali o Kalalau he $8,000 a he 3 ola i poino, ma ia mea ua minamina makou i na ola i poino.

 

            Na Mokolii e hoike aku ka lohe i ko Molokai poe, ua make mai nei he ekolu koa o ke Aupuni Kuikawa ia Koolau ke kaeaea o ka pu raifela a na Kalaudine hoi e hoike aku i ko Maui a me Hawaii.

 

            He leta loihi, i piha i na olelo nani, na olelo oiaio, ka Mr. Nordhoff a me Mr. Henry Carter iloko o ka Nu Ioka Herald. Aia malaila i olala ia ai na keiki misionari no ka hoao ana e kulai i ke aupuni a na makua i kokua ai a kukulu hoi.

 

            Nui ka ona a me ka haunaele o Hilo i ka la 4 o Iulai, mawaena o na Hawaii; a o ka mea kamahao o keia, o ka nui ana o ka ona oiai ke kahunapule nana e ao kanaka i ka pono, he kanaka i hilinai nui ia e lakou nei ae.

 

            Ua hana na 'lii paehewa o ka aina i ke kanawai paakiki o ka Media a me Peresia, e kiloi ia Pohakuhauoli iloko o ka luapele, me ka manao e make oia, aka, e like me Daniela ua pakele no oia, a he okoa ka poe i hele kohana aku io Milu la i ka auwana poipoi uhane.

 

Na Leta e Waiho nei Maloko o ka Haleleta a hiki i June 30 1893.

NIOLOPA.

            Maolioli

            Kimo Kalelma

            Mrs. Kaili.

KAOPUAUA.

            Keo Ilihune

KAHOLOAKEAHOLE.

            H. Kalawaiaopuna

KAMANUWAI.

            Puakalehua

            Kaananui (w)

KAHEHUNA

            Mrs. Moeikeanu

PUUNUI.

            C. K. Keawe

            Liikapeka Iona.

MOANALUA.

            Ulii Kaahiki

            Mrs. Helen Kaumaea

            Nawahine.

KAPUUKOLO.

            Kini-liilii

            Noanoa

            Beke Achi

            Mrs. Pae.

PALOLO.

            Jack Naiwi.

KEPOHONI

            Kapena

            Aukai.

KAMOILIILI.

            Uma

            A. George.

MANA.

            G. Kaloa

            John Keahi

            Hoomanawanui

            Beatrice L. Eldredge

            John H. Cummings.

KAWAIAHAO

            Ma@a Nuani

            Rebeka

            Kemalie Alapaki

            Maalea

            Kaai @ika

            Lucy Bango

            Ellen Clark

            Depola Poi

            Sarah Pookela.

NA ALANUI.

            Julia Paha

            Kapono

APUA

            Mary Kahoonei

            Ilianu.

KAUMAKAPILI.

            Manuahi 3

            Pahu

            Meheula Papai

            Kalai 2

KALIA.

            Kaaua

            Kopia

            Kauhi.

KIKIHALE.

            Leikaimana

            Kamalokai Kaia

            Keala Kaia.

KAWA

            Keohomaewaokalani

            Kamahui.

KULAOKAHUA.

            Mrs. Halaki

            Kapukini.

KAPAUHI.

            H. K. Kau@ohilo

            Manele

            Lonoikahaupu.

WAIKAHALULU.

            Wahineheleloa

            K. Kealohanui

            S. H. Kulani

            Lahela

            Naoi@

HONUAKAHN.

            Louisa M.

KUNAWAI.

            D. Kailihune

            M. Kalakala.

WAIKIKI

            Maka.

MANOA

            M. Kalahanohano.

HUEHUE

            Apikaila Kepani

            Meaele

            J. K. Keaweheulu.

            Na Leta i hoihoi ia mai na Mokupuni mai.

            Awaheakalani

            Keaupuni

            Kalapouli

            Kaopuola

            Mukini

            Geo. Hekelekele

            Kahuakainui

            Napela

            S. Kaahu.

HONOLULU.

            Lupua Kalua

            G. P. Kaaa

            Meliaka

            Keliimaewaewa

            Kaimihanu

            Moses Hailama

            Punua

            S. D, Nuuhiwa

            Laumaewa

            Alana

            John Keaha

            Malaea Kalani

            Louwahine

            A. Hooipo

            Wahalama

            Kahala

            P. Kahinakua

            Rebecca Keawe

            Abbie Kamalii

            Mailou Poopoo

            D. Keliimoku.

            O ka poe na lakou na Leta maluna ae e ninau mai ma na Leta i Hoolahaia.

            J. M. OAT.

            Luna Leta Nui.

            july4 1wk-dly.

 

HOOLAHA HALAWAI.

            Ua makemakeia na lala a pau o ka Hui Hololio Poomaikelani: e akoakoa mai ma ke kakahiaka nui Poakolu hora 10 A M. Iuali 12 1893 ma kahi o Mrs Mele Pahau, no kekahi hana ano e noonooia ana ma ia halawai: E makaala mai na hoa a pau o nele auanei oukou i ko oukou kuleana.

            Ma ke Kauoha

            MRS. KINI KALAKA,

            Kakauolelo o ka Hui

            Honolulu Iulai 11, 1893.

 

OLELO HOOLAHA.

            Ua makemakeia na lala a pau o ka Papa Alakai o ka Ahahui Kalaiaina, e akoakoa ae i ka Poaha, la 6 hora 2 p.m., ma ko lakou keena halawai mau; a o na lala hoi a pau o ka Ahahui Kalaiaina ma ka Poaono, la 8, hora 10 a.m., no ka noonoo ana i kekahi mau kumuhana ano nui.

            S. H. MEEKAPU

            K. H. K. H.

            Iulai 3, 1893. jul6 2 tsd

 

OLELO HOOLAHA LIO.

            E ike na mea a pau ma keia hoolaha. Ke hoike ia aku nei, oia ma ko'u lima kahi i paa ai o kekahi lio k., puakea 3 wawae keokeo kiko keokeo ma ka lae. I kuni ia i ka hao kuni ano e akau. Ua paa wau i keia lio no ka makahiki hookahi, e kii koke mai ka mea nona keia lio me ka uku pu mai i ko'u mau poho a pau no ka malama ana. I na e kii ole mai, a hala ka malama hookahi, alaila, lilo loa keialio. ia'u.

            KAULA KAAI.

            Pulehuiki, Kula, Apr. 27, 1893

            may10 1mw.

 

HE UMI (10) APANA AINA HOME MAIKAI NO KE KUAI.

            Aia he Umi apana aina Home maikai loa no ke kuai aku e waiho la ma Kalia Waikiki, Oahu, mawaena o kahi o Hon. Chas. L Hopkins a me Mr. Macfarlane a i keia mamua o ka aina o G. W. Keaweamahi.

            A oia no na apana aina pa hale lnani loa i koe iloko o ke kulana kauhale nei.

            He oluolu loa ke kumukuai. He maikai ke kuleana, Na ka mea kuai mai e uku no na Palapala.

            No na mea i koe e ninau ia William C, Achi Honolulu Maraki 27, 1893. tf.

 

HOOLAHA IMUA O KE AKEA.

            E o'u mau makamaka maikai o ke one oiwi o Kakuhihewa mai Hawaii a Kauai o Mano, eia au ko oukou hoaloha oiaio, ke hoike aku nei imua o oukou i ka mea oiaio e like me ka manao maikai i kono ia mai e kou hoaloha, a na oukou no hoi ia e kilohi pono iho, a oia keia; oiai au iloko o na la a ka ma'i e noho ana, he ma'i hoi e noho pu ole ai me ka lehulehu a me kekahi ano ma'i e ae no hoi e pili ana i ko'u kino, ua nui no hoi ko'u hau maha a me ka'u kane no ka nui o na pilikia i ili iho maluna o'u nolaila ua imi aku la maua i kahi o ka pono, a ua loaa aku la keia Leong Keng Pong Kauka L. Akina, ma Alanui Hotele helu 40, @ kana mau lapaau ana ia'u a ua loaa mai no hoi ka lanakila a pau no hoi ke kaumaha o ka naau, a ua haawi hou mai oia ia'u i ka pomaikai o ko maua noho ana i ka laau hoohapai keiki a ua ko no ia mau lawelawe ana a keia kanaka me ka noeau loa a ua loaa ia maua ia hua maikai iloko o na la i noho loihi ai ma ke pale ia ana aku o na pilikia mai u'a aku, nolaila e o'u mau hoaloha oiaio i loaa i na pilikia a i hoonele pu ia hoi no ia hua laha ole, e hele ae imua ona i pau ka pilikia a hooko ia mai hoi ka makemake o ka ole ka lohe pepeiao, e hele imua o Akina i pau kuhihewa.

            Me ka oiaio

            LOMELE NAMAU.

            may28-1@